صراع الهويات

الفصل التاني

سراج صبرو نفذ و مسك مسدسه و ضرب طلقة في الهوا
سراج: باااس اسكتو بقى
زياد: هي اللي بدات الاولى
كارمن: انت اللي استفزتني
سراج: كلمة كمان هتلاقو رصاصتين راشقين في دماغكم
كارمن: سكتنا اهو
سراج: زياد يالا نزل الشنط
زياد: خدام اهلك انا
سراج بصله بصة رعبته و هو قال: خلاص يا عم فين الشنط يا عروسة
كارمن و كايلا بداو يخرجو الشنط من الاوضة و كان عددها كبير اوي
زياد: يا رب انا معملتش حاجة في دنيتي هو انتي مهاجرة و لا حاجة
سراج: نزل و انت ساكت
بدا زياد ينزل في الشنط و لما خلص
زياد: يا عظمك يا قرمط يا شبابك اللي ضاع انا خلصت
سراج: وتين انزلو اركبو العربيات انتو و العروسة
كارمن: مش لما اودعها الاول
كايلا حضنت كارمن و سلمت عليها
كايلا: هتوحشيني اوي يا كارميلا
كارمن: و انتي اكتر و الله
سراج: مش هتخلصو فترة الاحضان دي
كارمن: اوعي كده يا كايلا اقول كلمتين
كايلا: هتعملي ايه بلاش يا كارمن
كارمن: بصو بقى انتو كلكم لو فاكرين ان كايلا معندهاش سند فانا بعشرة يعني لو حد فيكم وزه شيطانه ان يعمل معاها حاجة تزعلها اقسم برب العزة لاخلي امه تتحسر عليه مش لما عرفتو انها هادية و ساكتة على حقها تركبوها و تدلدلو رجليكم لا و الف لا
زياد: اهدى يا وحش الكون اعصابك
كارمن: اللهم اني بلغت اللهم فاشهد
جميلة: متخافيش عليها دي في عينينا
كارمن: هاجي اطمن عليكي كل فين و فين ماشي
كايلا: تنوري يا قلب اختك
سراج: وتين يالا اعملي اللي قولتلك عليه
وتين: حاضر يا ابيه
الكل نزل و فضل جمال و زياد و سراج و كارمن
سراج كتب شيك بمليون و نص جنيه و قال: فلوسك عندك و لو شوفت وشك في اي حتة رقبتك الحلوة دي هتوحشك
جمال: اللي تؤمر بيه يا باشا بس انا كنت عايز كايلا في حاجة بس
كارمن بغضب: عاوزها ليه مش خلاص جوزتها و اخدت الفلوس عايز اكتر من كده ايه عارف انت لو مش راجل كبير كنت كسرت الفازة دي على دماغك
سراج: كايلا دي تخرجها من دماغك خالص سامع
جمال: سامع يا باشا
كارمن جابت شنطتها و قبل ما تخرج قالت:جاتك القرف راجل عرة
و خرجت و وراها سراج و زياد و كل واحد راح لطريقه
كارمن دخلت الشقة اللي جنب شقة كايلا اما سراج ركب عربيته و معاه كايلا اما زياد فاخد الباقي
*******
دنيا: انتي ازاي تقعدي ساكتة و معملتيش حاجة
ريناد: و هعمل ايه انتي مشوفتيش صاحبتها عاملة ايه اللعب هيبتدي من دلوقتي
دنيا: اعملي اي حاجة يا مامي المهم ان سراج يبقى بتاعي
ريناد: و مش هيبقى لحد غيرك
سراج: ادخلي برجلك اليمين يا عروسة
كايلا دخلت و هي متوترة اوي و خايفة
سراج: متخافيش كده انا مش هاكلك
كايلا: هو انا ممكن اسالك سؤال
سراج: عايزة ايه
كايلا: انت اتجوزتني ليه
سراج بضحكة خبيثة: هو عمك مقالكش
كايلا: لا مقاليش
سراج: عمك سرق مني 2 مليون جنيه و فوق كده خد مني مليون جنيه مهرك
كايلا: و انا ايه اللي دخلني في الموضوع ده
سراج: ما انتي الثمن يا حلوة
كايلا: انا ممكن اديلك الفلوس و تسيبني
سراج بغضب: هو الدخول الحمام زي خروجه و بعدين مش سراج الالفي اللي ياخد فلوس من وحدة ست
كايلا بدات تعيط و سراج بصلها باستغراب و قال
سراج: انتي بتعيطي ليه؟؟؟؟
كايلا بدموع: عشان زعقتلي و عيطت تاني
سراج: هو انا فاتحها حضانة هنا
كايلا ببراءة: انت بتزعقلي ليه
سراج: خلاص مش هزعق تاني اسكتي مبحبش البكا
كايلا: خلاص انا سكت
سراج: يا رب انا اتجوزت طفلة هنادي الخدم يحطولك هدومك في الدولاب
كايلا: لا انا بحب ارتبهم انا
سراج: انا الغلطان اني عبرت ما ترتبيهم و لا تخليهم في الشنط انا مالي و خرج و سابها و هي بدات ترتب هدومها
*******
زياد: ايه يا Boss سايب عروستك و قاعد في المكتب ليه
سراج: انا حاسس اني اتسرعت في الجوازة دي
زياد: من ناحية اتسرعت فانت اتسرعت جدا بس ليه بتقول كده
ر

اج: انا كنت قاعد اتكلم معاها عادي مرة وحدة لقيتها اتفتحت في العياط سالتها بتعيطي ليه قالتلي انت بتزعقلي
زياد بضحك: ههههه البنت هبلة على الاخر
سراج: ما تحترم نفسك دي مراتي
زياد: هو ال Boss وقع و لا ايه
سراج: هو ينفع اقع تاني بعد اللي حصل
زياد: ادي لنفسك فرصة تانية مش كل البنات زي بعضها
سراج: سيبنا من السيرة الزفت دي اخبار الصفقة الجديدة ايه
زياد: الصفقة هتم بكرة بالليل و هنستلم 8 انواع جديدة من السلاح
سراج: حلو اوي انا هطلع اريح شوية
زياد: قول العروسة واحشاك
سراج: و ربنا لاقوملك
زياد: لأ اقعد مكانك ايدك تقيلة اوي ده حتى القفا بتاع المرة اللي فاتت لسه معلم
سراج: احسن تستاهل
********
دخل و هو يتوعدلها لقى الاوضة كلها هدوم و هي في وسطهم
سراج: ايه ده عملتي ايه في الاوضة
كايلا: برتب هدومي
سراج: هو اللي بيرتب هدومه يعمل كده
كايلا: انا بعمل كده
سراج بغضب مكتوب: هما ربع ساعة الاقي الاوضة زي ما كانت
كايلا: ماشي ماشي
قعد على السرير و هو بيبصلها بص نحيته لقى تيشرت و الماركة بتاعته عالمية استغرب ازاي بنت بسيطة الحال تقدر تجيب ده
بعد مدة خلصت كايلا هدومها و سراج كان بيقلب في تيليفونه الشغالة خبطت على الباب و دخلت
الشغالة: سراج بيه العشا جاهز و الكل بيستناك
سراج: قوليلهم ان احنا جايين
الشغالة باحترام: حاضر يا بيه
سراج: يالا عشان نتعشى
كايلا: اغير هدومي و انزل
دخلت الحمام تغير هدومها و هو نزل تحت
جميلة: هي فين كايلا
سراج: بتغير هدومها
دنيا بقرف: اسمها كايلا بيئة اوي
زياد: و انتي اسمك ايه دنيا على الطلاق انتي مش دنيا انتي اخرة
سراج بغضب: اخر مرة تتكلمي عنها بالشكل ده
ريناد: هي متقصدش و بعدين هتتخانق مع بنت عمك على وحدة لا راحت و لا جات
سراج: دي مراتي و احترامها من احترامي
جميلة: خلاص حصل خير
قعدو يستنو في كايلا لحد ما نزلت و هي لابسة جيبة و شوميز كلاسيك كانها خارجة قعدت بكل هدوء
نعمة: شرفتي يا مدام كايلا
كايلا: الشرف ليا انا
نعمة: انا مشرفة البيت و هعلمك اتيكيت الاكل
كايلا: متتعبيش نفسك انا عارفاهم كويس
نعمة: مينفعش يا مدام كا................
سراج: خلاص يا نعمة
نعمة بغيظ: حاضر يا بيه
كايلا بدات تاكل بالشوكة و السكينة بطريقة راقية جدا مما اثار استغراب الكل
دنيا و ريناد كانو متغاظين جدا لانهم كانوا عايزين يحرجوها بس متوقعوش ده