صراع الهويات

الفصل الحادي عشر

وصل سراج على البيت و وراه زياد و دخلو الاوضة اللي موجودة فيها البنات و الدكتور كان بيكشف عليهم
سراج: مالهم يا دكتور
الدكتور: دور برد شديد جدا درجة حرارتهم 40 و ده خطر عليهم انا هكتبلهم شوية ادوية و هعلق لهم محاليل و الاهم انهم ميعملوش اي جهد لان جسمهم مرهق جدا و لو متحسنوش يبقى يتوجهو للمستشفى
زياد: هي حالتهم صعبة للدرجة دي
الدكتور: و اكتر يا استاذ زياد ربنا يجيب الخير عن اذنكم
جميلة: عجبكم كده هو انتم فاكرينهم روبوتات
سراج: ان شاء الله يفوقو و يبقو كويسين
جميلة: بعد ايه انا هنزل احضر لهم شوية شوربة و اخرجو سيبوهم يرتاحو
زياد: انا هقعد مع مراتي و اختي
سراج: و انا كمان
جميلة: دلوقتي افتكرتو مراتاتكم و اختكم اخرجو برا الاوضة و الا هزعل منكم اكتر ما انا زعلانة
سراج و زياد خرجو و جميلة نزلت تحضر الشوربة للبنات
زياد: ايه اللي احنا عملناه ده
سراج: انا مش عارف مخي كان فين
زياد: البنات ميستاهلوش مننا كل ده
سراج: يفوقو بس و انا هعملهم كل حاجة هما عايزنها
و على الساعة 11 بالليل كايلا و وتين بداو يفوقو
كايلا و وتين بصوت واحد و باين عليهم الارهاق: ااااه
جميلة: سلامتكم يا حبايب قلبي
وتين: هو احنا بنعمل ايه هنا
كايلا: انا مش فاكرة اي حاجة و ايه المحاليل دي
جميلة: انا هطلعلكم الاكل عشان الدكتور قال ان لازملكم تغذية اوعو وحدة فيكم تتحرك من مكانها
جميلة نزلت و امرت الخدم يطلعو الاكل و هما حطوه قدام كايلا و وتين و كان الاكل من كل نوع
دخل سراج و وراه زياد
سراج: حمد لله على سلامتكم
كايلا و وتين بصلهم و متكلموش
زياد: كارمن لسه ما فاقتش
جميلة: لا لسه الدكتور قال انها اكتر وحدة تعبانة
سراج: مش هناكل معاكم و لا ايه
جميلة: الاكل كتير و يكفينا كلنا
جميلة قعدت تاكل وتين و سراج بياكل كايلا اما زياد فقعد قدام كارمن و قعد يتامل في ملامحها البريئة اللي بتخفيها تحت قناع القوة
و بعدها كارمن بدات تتكلم بكلام غير مفهوم و بتنادي على امها و ابوها و بتعيط و فجأة قامت
كارمن بعياط: ماما بابا
زياد: اهدي يا قلبي انا معاكي
كارمن فضلت في حضن زياد لحد ما هديت
زياد: انتي كويسة
كارمن: اه كويسة
جميلة: تعالي يا كارميلا تاكلي
كارمن: لا و الله يا طنط انا مش قادرة اكل خالص
زياد: لا هتاكلي الدكتور قال كده
كارمن: دلوقتي عامل نفسك بتهتم بيا
جميلة: عشان خاطري يا كارميلا تعالي كلي حاجة
كارمن: عشان خاطرك بس يا طنط
بعد ما خلصت البنات اكل جميلة قالت: ارتاحو يا بنات و انا هقوم اعملكم نعناع عشان تهدو اعصابكم
سراج: في ايه مالكم مش راضيين تتكلمو معانا ليه
البنات رفعت حاجبها بصمت
زياد: احنا اسفين
البنات بتبصلهم بصمت بس
سراج: كل اللي عايزينو هنعملهولكم
و برضو البنات مبتردش
زياد: لا كده over الصراحة
كارمن: عايزينا ناخدكم بالاحضان
سراج: احنا عارفين ان احنا غلطانين و بزيادة كمان
كايلا: هو اللي عملتوه فينا شوية
وتين: مش المرمطة اللي مرمطتوهالنا دي كانت دنيا اولى بيها
زياد: و انتي ايه اللي عرفك بحوار دنيا
كارمن: امبارح كنا زهقانين فحكينالها بس
سراج: ده انتم ستات مبتتبلش في بؤكم فولة
كارمن: خلاص يا عم الحج هو انت هتقطمنا
زياد: صافية لبن
البنات: حليب يا قشطة
*********
دنيا: بقولك طلبني للجواز انت مستوعب الكلام ده
النمر: ما هو ده في صالحنا يا بت كده هتاخدي الاوراق و تعرفينا اخبارو بسهولة
دنيا: بس في ان في الموضوع ازاي سراج هيتجوزني و هو مابيطقنيش
النمر: ما محبة الا ما بعد عداوة
دنيا: بس ده متجوز
النمر: و فيها ايه بقولك ايه انتي صدعتيني اقفلي
دنيا: هعمل ايه يا ماما
ريناد: وافقي يا هبلة و اول ما النمر و جمال يخلصو منه انتي هتورثي كل حاجة
دنيا بطمع: ايوة انا ازاي مفركتش في دي
ريناد: فتحي مخك شوية و خلينا نستنفع منهم بقرشين
في صباح اليوم التالي و على المسا دخل جمال و معاه ابنه عادل و سما و اول ما كايلا شافتهم مسكت جامد في سراج
كارمن: استغفر الله
عادل: ايه يا كارمن شفتي عفريت
كارمن: لا ابليس
جمال: مش هتسلمي على عمك و لا ايه
كارمن: لا مش هتسلم اصلها لسه متوضية و انت هتبطل وضوءها
سما مدت ايدها لزياد و قالت: اهلا انا سما بنت عم كايلا
كارمن: مبيسلمش على نسوان
سما: هو انتي الناطق الرسمي بتاعهم
كارمن: ملكيش دعوة يا بت بوش عرسة
عادل: زي ما تركتك متغيرتيش يا كارمن
كارمن: هو الجدع ده مين
عادل: في ايه يا كارميلا مش فاكراني عادل
كارمن: يالهوي اتغيرت كده ليه ده انا اخر مرة شوفت كنت زي النسنان انت عملت عمليات تجميل و لا ايه
عادل: لسه لسانك طويل
كارمن: لا لسه لساني طويل احزم منك عشرة و ارقصكم على وحدة و نص
سما: ما تهدي يا كارمن داخلة علينا كده ليه في ايه يا كايلا ما تشوفي صحبتك بتتكلم معانا ازاي
كايلا: انا صحبتي تتكلم زي ما هي عايزة و ليكي عين تتكلمي بعد اللي عملتيه
سراج بهمس لزياد: انا عايز مراتك في حاجة
زياد بغيرة: عايزها ليه
سراج: يخرب بين تفكيرك الزبالة دي مرات اخويا يعني اختي
زياد: ايوة مفهمتش عايز ايه
سراج: بصراحة انا متغاظ منهم و عايزها تعلم عليه
كارمن: اعتبره حصل
زياد: هو انتي كنتي رامية ودنك معانا
كارمن: ايوة
زياد: صريحة اوي
سراج: يبقى اتفقنا
جميلة: اتفضلو على الصالون
الكل قعد و كان الصمت سيد الموقف لحد ما تكلم سراج و قال: مقلتلناش يا جمال جاي ليه
جمال بتوتر: جاي اشوف بنت اخويا
كايلا: و دلوقتي فاكر اني بنت اخوك
عادل: بصي يا كايلا اجنا جايين نتاسفلك و نفتح صفحة جديدة
كايلا اتكلمت بطريقة صدمت سراج و زياد: ده عند لطفي اللي بتنور و تطفي يا روح امك
زياد: احيه مين دي
سراج: انا شكلي اتخدعت فيها
كايلا: لو انا كنت ساكتاكم فده عشان انا كنت عاملة خاطر لبابي الله يرحمه و كمان عشان مكنش معايا اي حد يدافع عني بس دلوقتي معايا راجل طول بعرض و اتفضلو من غير مطرود
كارمن و هي شايلة صنية العصير: يتفضلو ايه عيب يا كايلا دي اول مرة يدخلو بيتنا لازم نضيفهم اتفضلو
زياد لسراج: اتفرج اللي هيحصل
كارمن قربت الصنية منهم و هوب مرة واحدة قلبتها عليهم و اتغرقو بالعصير
سما: ايه اللي عملتيه يا حيوانة
كارمن: الحيوانة دي تبقى امك
سما: لو امك نسيت تربيكي فانا هعمل ده