صراع الهويات

الفصل الواحد و العشرون

بعد مده جهزو الشباب و حمدو ربنا ان جميلة و وتين لسه نايمين
كارمن: صاحية ليه؟؟؟
كايلا: مش جايلي نوم و انتي
كارمن: قلبي مقبوض مش عارفة ليه
كايلا: نفس الاحساس تفتكري حصلهم حاجة
كارمن: مش عارفة كلها ساعة و النهار يطلع و هكلم وتين اطمن عليهم
كايلا: ماشي
كارمن: هو انا ممكن اطلب منك طلب
كايلا: من امتى الاحترام ده كله
كارمن: و لا اقولك خلاص
كايلا: في ايه يا بنتي
كارمن: هو ممكن يعني ممكن بصي خلاص مش عايزة
كايلا بابتسامة رقيقة: ماشي تعالي
كايلا قعدت فوق السرير و ربعت رجليها و كارمن حطت راسها عليها و كايلا بدات تلعب بشعرها
كايلا: هو لسه فيكي العادة دي
كارمن و هي مغمضة عنيها: ما اعمل ايه هو نسيتي يا هانم انك انتي السبب
كايلا: ما انتي اللي كنتي عيوطة اوي و معرفتش اسكتك
كارمن: هو صحيح انا كنت بعيط ليه
كايلا: بصي لما كنا صغار كان ابوكي و امك عاملين عشا لينا و احنا بنتعشى جا عمي و اتخانق مع ابويا و ابوكي و انتي كنتي بتعيطي فاخدت و قعدت على حجري و لعبت بشعرك و من ساعتها و انتي مش حلاني
كارمن: متحطيش نفسك كبيرة هو الفرق ما بينا 3 سنين بس
كايلا: هو صحيح انا اكبر منك ب 3 سنين بس بس بعتبرك بنتي
كارمن: بنتك اي يا كايلا استهدي بالله كده و صلي على النبي في قلبك
كايلا: عليه افضل الصلاة و السلام يا كارميلا انتي مش راضية تفهمي انك بنت طايشة و عقلها فارغ و بتتخانق مع دبان وشها و انا خايفة عليكي
كارمن: تشكري يا ست الحكيمة
كايلا: و قموصة كمان و هتخلي عدي يطفش منك
كارمن: و ايه اللي جاب السيرة دي
كايلا: بلاش تكدبي على نفسك يا كارميلا انتي بتحبيه
كارمن: و مالك
كايلا: ماله
كارمن: نظامه معاك ايه
كايلا: مجرد مرحلة و انتهت
كارمن: ههههه مش عارفاكي انا
كايلا: بحبه يا ستي ارتحتي كده
كارمن: ولاد الجزمة مجوش حتى يعتذرولنا
كايلا: الغايب معاه حجته
كارمن: تفتكري يا كايلا العلاقة المبنية على الكذب ممكن تنجح او حتى تكمل
كايلا: لا بس هما مكدبوش بارادتهم دي عملية سرية يا كارميلا يعني مش باراتهم
كارمن: هعمل نفسي مقتنعة كايلا انا عايزة امشي من هنا انا كل ما اشوف وش الحرباية اللي تحت بفتكر اللي كانت بتعمله في ماما
كايلا بغمزة و خبث: هو احنا هنمشي كده من غير ما نعمل حاجة
كارمن: تقصدي ايه
كايلا: انا شاكة في عمتك و رحمة وراهم حاجة
كارمن: حاجة و لا حاجات انا مالي بيهم
كايلا: كاااارمن !!!!! ايه اللي وراكي
كارمن: مفيش حاجة ورايا
كايلا: هو انتي هتستعبطي هاتي اللي عندك
كارمن: بصي انا بفكر في حاجة اول ما اتاكد منها هقولك
كايلا: ماشي مش هتنامي و لا ايه شكلك مرهق
كارمن: هنام بس تعالي جنبي
كارمن نامت و قدامها كايلا اللي مش مرتاحة لحالة كارمن حاسة انها خايفة من حاجة او حاجة مديقاها تعبت من التفكير و نامت جنبها
في مكان اشبه من الصحراء و بالضبط قدام مخزن متهالك كان في عربيات سوداء كتير وقفة قدام بعضها نزل من كل مجموعة Bodyguards و بعدها نزل راجل باين عليه الاجرام و قال
صلاح: البضاعة معاك؟؟؟؟
جمال: اكيد يا باشا
صلاح شاور لرجالته و هما اخذو و عاينوها و بعد ما خلصو قال واحد منهم: البضاعة سليمة يا باشا
صلاح: ماشي حطوها في العربية
جمال: هو لا مؤاخذة فلوس البضاعة فين يا باشا
صلاح بابتسامة شريرة: ما هو مفيش فلوس
جمال بغضب: يعني ايه
صلاح: يعني اتشاهد على نفسك طلع المسدس من جيبه و صوبه نحيته و قبل ما يطلق عليه الرصاص صوت ضرب نار جامد جدا ظهر و بدا تبادل اطلاق النار بين العصابة و رجالة المخابرات
عند الشباب كل واحد منهم كان ماسك مكانه حسب الخطة بس اللي معملوش حسابه ان دعم وصل للعصابة و اتقلبت الموازين بعد ما كان النصر لمالك و رجالته عدي غير مكانه مما غير الخطة
مالك بغضب: الغبي ده بيعمل ايه
تيم: مش عارف بس شكله هيودينا في داهية
عدي دخل المخزن و شافته مجموعة الدعم من العصابة اللي دخلت وراه و اول ما دخلو اتفكر المخزن و كان مالك و تيم و رجالتهم خلصو على العصابة اما الباقي استسلم
تيم بخوف: عدي فين؟؟؟
مالك بشيئ من التوتر: هو مظهرش ليه
جريو على المخزن بس ملقوهش دورو عليه و لقوه بين الجثث
شالو مالك و حطو في العربية من ورا و ركب معاه تيم و هو بيعمله الاسعافات الاولية و طار بمعنى الكلمة للمستشفى
وصلو و دخلو بيه على المستشفى و دخل على طول للعمليات
مالك مسك الدكتور و قال بغضب: لو حاجة حصلتلو همحي المستشفى دي من على وش الارض و انت معاها
الدكتور بخوف: سيبني يا فندم عشان الحقه
مالك ساب الدكتور و هو جرى بسرعة على اوضة العمليات
تيم: اهدى يا مالك مش كده
مالك قعد على الكرسي و هو ماسك دماغه و هو بيقول
مالك: غبي غبي هو ازاي يعمل كده و الله لانفخه
تيم: يخرج بسلامة بس و انت اعمل فيه اللي انت عاوزه
امك بترن عليا اعمل ايه
مالك: ردي عليها عشان اعصابي مش قادر المها و لو حسستها بحاجة اقسم بالله لتلحقو
تيم خرج برا المستشفى و اتكلم مع جميلة اللي كانت قلقانة عليهم و هو طمنها بس فضلت وراه لحد ما عرفت االي حصل لعدي ادالها عنوان المستشفى و قفل معاها
تيم: مالك هينفخني انا احسن حاجة اعملها ان اطلع و اقعد معاها و كان حاجة محصلتش
و على الناحية التانية
كارمن: اتصلي يا كايلا على طنط جميلة لاحسن قلبي هيوقف اقسم بالله
كايلا: انا بتصل اهو
جميلة ردت عليهم و قالتلهم كل اللي حصل طلعو يجرو من الاوضة و حتى مغيروش هدومهم
كارمن شافت مفاتيح عربية احمد خدتها و ركبت و معاها كايلا و راحت للمستشفى
احمد: عربيتي يا ولاد المجانين 
لميس: روح وراهم يا سامي شوف مالهم
سامي: هو انا اعرف راحو فين عشان اروح وراهم
رحمة: دول اكيد عاملين مصيبة و هربو منها
احمد: اسكتي انتي عشان مش وقتك
فايزة: لأ وقتها شايفين مجايبكم بقولكم ايه انا مش عايزاهم هنا يوم تاني شوفولهم اي خرابة يباتو فيها
سامي: حرام عليكي يا امي دي بنت اخوكي و صحبتها
فايزة: اللي عندي قولته
رباب: اتصل عليهم يا احمد ممكن يردو عليك
و بالفعل احمد اتصل عليهم بس سمعو صوت رنة التلفون من فوق
لميس:دول نسو التلفونات
سامي: احنا هنخرج ندور عليهم
احمد: يلا بسرعة
رباب: لما تلاقيهم رن عليا
احمد: ماشي