كارمن: ما تشغلنا حاجة تفرفشنا بدل الاغنية العرة دي
زياد: عرة؟؟؟ اصلا انتي تعرفي ايه عن الاغاني classic
كارمن: يا سيدي انا جاهلة ما اعرفش و لا عايزة اعرف غير الاغنية الحمضانة دي
زياد: اديني غيرتها
كارمن: هو انت خارج مع جدتك ايه اغاني بيت هوفن دي
زياد: اعملك ايه
كارمن: متعملش حاجة انا اللي هعمل
كارمن شغلت مهرجان اصحابي اخصامي على تيليفونها و عالت الصوت على الاخر
زياد: ايه التلوث اللي انا بسمعه ده
كارمن: اش فهمك انت في الفن الشعبي
زياد: الحمد لله اني مبفهمش يالا يا اختي انزلي وصلنا
كارمن:تشكر يا كبير
في اوضة ابطالنا
كايلا: هو انا هفضل محبوسة هنا
سراج: و اعملك ايه؟؟؟
كايلا: انا عايزة اخرج
سراج: مفيش خروج الا و انا معاكي
كايلا: ما تخرج معايا
سراج: انا مش فاضي
كايلا: يووووووه
سراج: مش ملاحظة ان صوتك عالي
كايلا: انا و الله زهقت
سراج باستسلام: البسي عشان نخرج
كايلا بفرحة: احلف كده
سراج: هغير رايي
كايلا حضنته بعفوية و قالت: شكرا جدا
سراج كان في حالة صدمة من اللي عملته و هو كمان حضنها كايلا بعدت عنه و قالت: انا اسفة مش قاصدة و الله
سراج: يالا البسي بسرعة
بعد وقت قصير جهز سراج و كان لابس بنطلون اسود و تيشرت ابيض بين عضلاته اوي خرجت كايلا من dressing room و هي لابسة فستان احمر تحت الركبة بشوي و كعب و كانت عاملة مكياج خفيف
سراج بغضب: ايه ده
كايلا باستغراب: في ايه
سراج: ايه القرف اللي انتي لابساه ده
كايلا: فستان عادي
سراج: ادخلي غيري بدل اقسم بالله ما في خروج
كايلا: حاضر حاضر
دخلت و بعد شوية خرجت
كايلا: ها كده كويس
سراج بصلها و الضحكة مالية وشه و قالها: قلودة اوي على فكرة
كايلا كانت لابسة بنطلون اسود و تيشرت ابيض زي سراج
كايلا اتقمصت و قالت: انا مش قلودة و مش خارجة معاك
سراج: براحتك
كايلا: انت صدقت و لا ايه يالا بينا
نزلو و عدو من قدام Living room
جميلة: انتو خارجين؟؟؟
سراج: ايوة
جميلة: خلي بالك منها
سراج: هو انتي هتوصيني على مراتي يا ماما
وتين: الله شكلكم حلو اوي
كايلا: شكرا عيونك اللي حلوة
ريناد: ماتاخد دنيا في طريقك يا سراج
سراج: لأ انا عايز ابقى مع مراتي لوحدنا
و سابوهم و خرجو
زياد بهمس لوتين: يا عيني على الاحراج
وتين: شوفت ازاي سكتها
زياد: ده خرسها مش سكتها بس
دنيا: شوفتي يا ماما قال ايه
ريناد: اصبري شوية و انا هندمه على اللي عمله
في العربية
كايلا: احنا رايحين على فين
سراج: اصبري شوية و هتشوفي احنا رايحين فين
وصلو لمكان هادي جدا و كان على البحر نزلو
سراج: ها عجبك المكان و لا تحبي نغيرو
كايلا: انا بحب البحر جدا
سراج: ما انا عارف
كايلا: و انت عرفت منين
سراج: انا اعرف كل حاجة عنك من ساعة ما اتولدتي لحد ما انتي واقفة معايا
كايلا: انا بديت اخاف منك
سراج: سيبك من كل ده تعالي نقعد
قعدو على الرملة و كايلا سندت راسها على كتف سراج
و بعد دقايق حس بمية نازلة على كتفه بص عليها لقاها بتعيط
سراج: انتي بتعيطي ليه
كايلا: بعد اذنك سيبني شوية
فضلت تعيط كتير و سراج كان قلبه واكلو عليها و كان اول مرة يحس الاحساس ده من ناحية بنت
سراج: مش هتبطلي عياط و لا ايه دموعك قربت بتنشف
كايلا مسحت دموعها و قالت: تعرف انا اخر مرة جيت هنا كان من امتى
سراج: لا معرفش
كايلا سكتت شوية و بعدين قالت: اخر مرة جيت هنا كان قبل ما ماما و بابا يتوفو بيومين يعني بقالي 3 سنين مجيتش البحر
سراج: طب ليه مجيتيش
كايلا: عمي الله يسامحه كان مش راضي يخليني انزل و كنت دايما قاعدة في اوضتي او عند كارمن عشان.......
و سكتت
سراج: كملي سكتي ليه
كايلا: مش عايزة افتكر
سراج: انا عايز اعرف ايه اللي حصل انا ما احبش جو التشويق ده
كايلا: بصراحة ابن عمي شادي كان دايما يتعمد يقرب مني و انا بصراحة بخاف منه جدا فكنت دايما قافلة على نفسي الباب
سراج بغضب: و مقولتليش ليه
كايلا: اقولك؟؟؟؟ اقولك ايه؟؟؟؟ انت فاكر لما سالتك انت رايح فين عملت فيا ايه فما بالك اقولك حاجة زي دي
سراج سكت و معرفش يقولها ايه
كايلا: على فكرة ضربك ليا مش فارق معايا انا كنت بشوف العذاب الوان و بعدين غيرت الموضوع و قالت هما Bodyguards دول هيفضلو قاعدين كده
سراج: بتسالي ليه
كايلا: بصراحة انا مدايقة من وجودهم
سراج شاور لل Bodyguards انهم يمشو و قالها: خلاص يا ستي اديني مشيتهم
قعدو يتكلمو مع بعض شوية و كل واحد اتعرف على التاني اكتر كايلا عرفت ان سراج شخص طيب و حنين جدا بس مخبي ده تحت قناع العصبية و سراج عرف ان كايلا بتخاف من اقل حاجة و بتسامح بسهولة و في وسط قعدتهم سراج لمح ان في شخص بيراقبهم من بيعيد
سراج: تعالي نروح حتة تانية
كايلا: ليه ما المكان حلو
سراج: كايلا انا قولت نسيب المكان ده يعني نسيبو
**********
في مكان اول مرة نروحله مكان عامل زي مخزن قديم
.........: الله يخرب بيتك هو انا مقلتلكيش متتصرفيش من دماغك
..........: ما انت كل شوية تقولي هتصرف هتصرف و متعملش حاجة
.........: انتي عارفة لو عرف هيعمل فيكي ايه
..........: متخفش انا اجرت واحد شاطر جدا و هيخلصنا منه
..........: اما نشوف ايه اللي هيحصل
**********
كايلا: هو انت عايز تروح من المكان ده ليه
سراج: زهقت مش اكتر
كايلا: و احنا دلوقتي رايحين فين
سراج: افتحي تيليفوني
كايلا: ليه؟؟؟
سراج: مش وقت اسئلة
كايلا فتحت تيليفونه و قالت: اعمل ايه
سراج: هتلاقي رقم باسم حسن رني عليه
كايلا رنت على حسن و هو رد
حسن(الحارس الشخصي لسراج): ايوة يا باشا
سراج: في عربيات ملحقانا
حسن: ايوة يا باشا من اول ما خرجنا من البيت و هي ورانا
سراج بغضب: و متكلمتش من الصبح ليه؟؟؟؟
حسن: و الله يا باشا انا مرضيتش اقلقك دول عربيتين بس
سراج: خليكم جاهزين لاي حاجة
حسن: اللي تأمر بيه يا باشا
قفل معاه و كايلا قالت: في ايه يا سراج
سراج: لو حصل اي حاجة اوعي تخرجي من العربية
كايلا: انا بدات اخاف
سراج: وطي راسك
كايلا كانت هتتكلم بس سراج زعق فيها و قال: وطي راسك بسرعة
**********
عامر: هو انت ازاي يا بابا تجوزها من غير ما نعرف
جمال: اهو ده اللي حصل و بعدين انت محموق عليها كده ليه؟؟؟
عامر: لا محموق و لا حاجة انا كل اللي شاغلني فلوسها
اللي راحت معاها
جمال: لا راحت و لا حاجة انا عارف هاخدها منها ازاي
سما: احلى حاجة انها غارت من وشنا
جمال: كل اللي طلبتيه اتنفذ اهو يا حبيبة ابوكي اهم حاجة انك تكوني مبسوطة
سما: ده انا هطير من الفرحة
عامر: هتعمل معاها ايه يا بابا
جمال: متشغلش بالك كل حاجة باوانها
أنت تقرأ
صراع الهويات
Actionفكرت ازاي تعيش من غير قلق وبالك وضميرك مرتاح ؟ سهلة ... اوعي تعوم علي عوم الناس ولا تجري علي جريهم او تشاركهم عبثهم .. فكر دائماً قبل ما تتكلم واوعي تقول اللي غيرك عاوزك تقوله وجامل من يستحق بكلمة حلوة ولكن ابعد عن النفاق والتملق ودائما اسعى في الخي...