فكرت ازاي تعيش من غير قلق وبالك وضميرك مرتاح ؟ سهلة ... اوعي تعوم علي عوم الناس ولا تجري علي جريهم او تشاركهم عبثهم .. فكر دائماً قبل ما تتكلم واوعي تقول اللي غيرك عاوزك تقوله وجامل من يستحق بكلمة حلوة ولكن ابعد عن النفاق والتملق ودائما اسعى في الخي...
عدت ساعة و اتنين و تلاتة و الشمس بدات تطلع و مفيش خبر انضم بعض ال Bodyguards و معاهم زياد و سراج سراج بغضب و خوف في نفس الوقت: هيروحو فين الساعة 6 الصبح زياد: معنديش فكرة هو يمكن يكونو سافرو حسن: مفتكرش احنا فتحنا الشقة و هدومهم لسه في الشنط و جواز سفرهم كمان سراج: حسن في ظرف عشر دقايق الكاميرات اللي في العمارة تجيلي حسن: هوا يا باشا فرغو الكاميرات و شافو البنات لما خرجو من العمارة و ركبو تاكسي زياد كتب نمرة التاكسي و قال: احنا لازم نوصل لسواق التاكسي ده سراج: حسن اعمل كل اللازم و اول ما تلاقي السواق كلمني رجع سراج و زياد للبيت و دخلو و سمعو دنيا و هي بتتكلم دنيا: و عايز منهم ليه، ما انا قولتلك ان الاوراق هتبقى عندك، سراج لو عرف انك خطفتهم مش هيحصل خير، ماشي ماشي قفلت السكة و اول ما عملت كده سراج شدها من شعرها و قال: كنتي بتكلمي مين دنيا بخوف: كنت كنت ااا كنت بكلم صحبتي بس ريناد: في ايه يا سراج ماسكها كده ليه سراج: لو مقولتيش كنتي بتكلمي مين هطلع روحك زياد مسك سراج و قال: اهدى يا سراج و انتي يا عقربة انطقي و الا و الله لسيبو عليكي دنيا حكتلهم على كل حاجة و علاقتها بالنمر و انها من المافيا بتاعته زياد: يا بنت الجزمة كل ده يطلع منك انتي سراج: انتي هتكلميه دلوقتي و تقوليلو انك لقيتي الورق و هتدهوله و لو حس بحاجة مش هيكفيني موتك دنيا: حاضر حاضر دنيا اتصلت على النمر و عملت زي ما قالها سراج ********* في مكان واسع و مهجور كانت البنات مرمين في الارض و بداو يصحو تدريجيا وتين: احنا فين جميلة:يا لهوي احنا شكلنا اتخطفنا كايلا: انا خايفة اوي كارمن: ما انتي خايفة على طول ايه الجديد المهم سيبكم من كل ده اخيرا حلمي اتحقق انا اتخطفت يا جدعان كايلا: هو ده اللي همك وتين: هنعمل ايه في المصيبة دي جميلة: هنستنى لحد ما ييجي حد يخرجنا كارمن: و نستنى ليه ما نخرج نفسنا بنفسنا كايلا: ايه كل الصناديق دي و كارمن تقعد حد الله راحت و فتحت صندوق من الصناديق و قالت: احيه بالكركديه جميلة: في ايه كارمن: تعالو بصو كده قربو و بصو على الصندوق اللي كان مليان اسلحة من كل الانواع فتحو صندوق تاني و كان فيه متفجرات وتين بصدمة: ايه كل ده كايلا: محدش يلمس حاجة بس كارمن مسمعتش كلامها و مسكت سلاح و قالت: ده احنا حكايتنا على الله جميلة: سيبي السلاح ده يا كارمن كارمن: يا طنط احنا شكلنا وقعنا مع مافيا كبيرة انتي مش شايفة الاسلحة و المتفجرات دي ده حتى سراج و مشفتش عنده ده جميلة: و مين قالك ده سراج عنده اكتر من كده بكتير كايلا: و انتي سبتيه يمشي في الطريق ده ليه جميلة: و الله يا بنتي انا حاولت بس انتي عارفة دماغه فاستسلمت للواقع دخل راجل ضخم جدا و كارمن خبت بسرعة المسدس اللي كانت مسكاه الراجل: البيه عايزكم يالا كارمن: احنا مش رايحين لحد اللي عايزنا يجيلنا الراجل: بقولك ايه يا اوزعة انتي انا مش فاضيلك اتجري قدامي كارمن: اتجري ليه هو انت شايفني معزة الراجل: لا جاموسة وتين: احنا جايين يالا يا بنات و اول ما الراجل لف ظهره كارمن اطلقت طلقة على رجله و من حسن الحظ كان المسدس كاتم للصوت كايلا: عملتي ايه وتين: الله يخرب بيتك جميلة: هتودينا في داهية كارمن: ايه ايه ايه في ايه بشوية عليا بقولكم ايه احنا عايزين نخرج من هنا سالمين لا هنستنا حد و لا حد هيستنانا احنا بقالنا اكتر من 8 ساعات وتين: و عايزانا نعمل ايه كارمن: تمسكو مسدس زي كايلا: مستحيل جميلة: مع اني واثقة ان سراج بيدور علينا الا ان كلام كارمن صح كارمن: لا بيدور و لا نيلة ده تلقيه عامل حفلة و حياتك وتين: انا مبعرفش حتى امسك المسدس كارمن: شدي الزناد ده بس و اللي يقف اقدامي صوبي عليه كايلا: القول سهل بس الفعل صعب كارمن: احنا دلوقتي منعرفش مين اللي خطفنا يمكن يكونو تجار اعضاء بشرية و نروح في هيلاهوبا و انا و الله اعضائي مش قد المقام ده لو شفوها هيحرمو جميلة: ايه يا بنات اتشجعو كده كايلا: ربنا يستر وتين: الباب اتقفل و شكله بيفتح من برا بس كارمن: دي عندي كارمن قعدت ترزع على الباب بقوة لحد ما راجل تاني جا و اول ما فتح اطلقت عليه في رجله كارمن: يالا المكان فاضي ********* سراج: ادخلي و اوعي تفتحي بوقك بحاجة زياد: الرجالة جات و محاوطة المكان مش ناقص غير اننا نتحرك المخزن بتاع النمر و اللي كانت البنات مخطوفة فيه كان متحاوط بعدد كبير من ال Bodyguards دخلت دنيا و هي بتمشي بخطوات مترددة النمر: ايه يا حلوة كل ده عشان تيجي دنيا: معلش اصل انا عملت حادثة و انا جاية النمر: سلامتك دنيا: انت بجد خطفت جميلة و البنات و لا كنت بتهزر النمر: و انا من امتى بهزر معاكي دنيا: هما هنا النمر: ايوة هنا دنيا: بس انا مش شايفة حد هنا النمر: و انتي بتسالي عليهم ليه دنيا بارتباك: لا انا عايزة اعرف بس النمر: امممممم دنيا: و هتعمل معاهم ايه النمر: لسه مش عارف النمر طلع المسدس من جيبه و صوبه ناحية دنيا دنيا: انت بتعمل ايه النمر: وقتك خلص دنيا: طب طب انا عملت ايه النمر: معملتيش حاجة بس انا اخدت اللي انا عايزه منك و مش محتاجك تاني يبقى فانا هقتلك عشان اضمن انك متقوليش حاجة دنيا: سيبني اعيش و اوعدك اني مش هفتح بوقي حط المسدس على راسها و قال: هتودعينا يا دنيا سراج: مش لما اتودعنا انت الاول يا نمر و لا اقول مراد احسن ********* كارمن: ايه المكان اللي مالوش اول من اخر جميلة: ده احنا خلصنا على كل اللي هنا كارمن: احنا خدرناهم بس مش خلصنا عليهم في فرق وتين: و حيات خالتك و الدم ده كله ايه عصير؟؟؟ كايلا: هو المكان ده مالوش باب نخرج منه جميلة: احنا لفينا في المكان كله و لسه مش لاقينو كارمن: اومال دخلونا هنا ازاي بالعصايا السحرية وتين: بصو فوق كده كلهم بص لفوق و لقو قبو زي الافلام اللي ييجي في العلية زي ده ⬇️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كارمن: هو الجو قلب على فيلم رعب كده ليه وتين: بقولكم ايه انا خايفة افتحه ليطلع لينا ثعبان و لا ايه كارمن: و تخافي ليه ما انتي كنتي عايشة مع كوبرا كبيرة و معاها بنتها كمان جميلة: بطلو رغي و افتحيه يا كارمن كارمن: كل مرة تصدروني في وش المدفع ما عندك اتنين كمان قولي لوحدة منهم تفتحو كايلا: انتي يا كارمن قلبك جامد و تقدري على كل حاجة بسم الله ما شاء الله وتين: ايوة صح كايلا بتتكلم جد كارمن: سبتوني سبتوني فتحته كارمن و طلعو فوق السلم وحدة ورا التانية و اللي شافوه ............
