صراع الهويات

الفصل العشرون

كايلا: بعد اذنك يا استاذ احمد سيبنا نرجع بيتنا احنا مش ناقصين مشاكل و انت عارف كارمن و جنانها و ممكن تصور قتيل هنا فمن فضلك سيبنا على راحتنا
رحمة: ههههههه استاذ احمد اتعدلي يا بت و لمي نفسك بدل ما اجيبك من شعرك
كارمن: تجيبي مين يا عرة النسوان انتي اقسم بالله انا لولا ابو حميد كنت عرفتك مقامك
احمد: تشكر يا ابو الصحاب
كارمن: اي خدمة يا زميلي
رباب: السلام عليكم
الكل ما عدا فايزة و رحمة: و عليكم السلام
احمد: اتاخرتي ليه
رباب: الدنيا كانت زحمة جدا
فايزة: هو ده اخرك اتاخرتي ليه بدل ما تديها علقة محترمة عشان تحرم اللي بتعملو ده لكن اقول ايه
كارمن: يااااا اختتتي المرارة
سامي: مالها
كارمن: دخلت على البنكرياس و اتخانقو في القلب دخلت الكبدة تسلك بينهم فاخدت علقة من الكلية
كايلا: ايه العك ده يا كارمن
رباب: مش تعرفونا على القمرات
كارمن: ايه ده كسفتينا
احمد و انتي وش كسوف اوي اعرفك كارمن بنت خالي و صاحبتها كارمن انتي تعرفيهم مش جداد عليكي
رباب: ايوة ايوة اعرفهم بس انتو تغيرتو خالص احلويتو اوي
كارمن: اقسم بالله انتي خسارة في الواد ابو حميد ازاي قبلتي بيه
احمد: اتلمي يا كارمن بدل باللي في رجلي و على دماغك
كارمن: اتلميت اهو
سامي: لو سمحتي يا رباب نادي على لميس و خليها تيجي
رباب: حاضر يا ابيه سامي
طلعت تنادي على لميس و كارمن قالت: لا كمان محترمة بتقول يا ابيه عجبني زوقك المرة دي يا ابو حميد اهو تجدد شوية بدل الهم اللي انت كنت فيه طب تصدق و تؤمن بالله
احمد: لا إله إلا الله
كارمن:اقسم بالله انت صغرت 20 سنة ورا شكل العروسة الجديدة مريحاك مش زي ناس نكد و هم و قرف
رحمة: انتي تقصديني بكلامك ده صح
كارمن: و الله يا حبيبتي اللي على راسو بطحة يحسس عليها
كايلا: عيب يا كارمن ده احنا حتى في بيتها
كارمن: بيتها ده ايه ده بيت ابن عمتي يعني اقعد في الحتة اللي مريحاني و اكل و اشرب زي ما انا عايزة و لو مش فاكرة افكرها انه رضي يخليها على ذمته عشان اهلها مش عاوزينها تيجي و تعيش معاهم اترجته يخليها تعيش عنده حتى لو هتكون خدامة مش كده و لا ايه يا ست رحمة
رحمة كانت متغاظة جدا و فايزة فضلت انها تسكت لان عارفة ان كارمن مش هتسيبها اما احمد فكان مبسوط من كلام كارمن و سامي بيفكر في الايام الجاية هتعدي ازاي خصوصا انه سايب البنزين قدام النار و كايلا كان قلبها عند مالك و حنت اليه و عقلها رافض الفكرة
لميس: يا اهلا يا اهلا البيت نور
كارمن: لموسة وحشتيني و حضنو بعض جامد و كايلا سلمت عليها و قعدت ساكتة و كارمن لاحظت ده
لميس: اخص عليكي متقوليش انك جاية
كارمن: اسئلي جوزك انا بريئة
لميس بصت لسامي و هو قال: بعدين هبقى اقولك
كارمن: سيبونا نطلع يا جدعان انا رجليا شققت من الوقفة
سامي: لميس خدي كارمن و كايلا و طلعيهم لجناحنا
احمد: لا سيبهم يقعدو في جناحي انا
سامي: زي ما انت عايز
لميس: يالا يا بنات تعالي معانا يا رباب
رباب: ماشي
عند الشباب اللي راحو على بيت جديد و هادي كل واحد راح لاوضته اما تيم روح لبيته
عند مالك اللي كان كل تفكيره في كايلا عاملة ايه و هل هي كويسة فضل يفكر فيها لحد ما غلبه النوم
اما عند عدي دخل اوضته و رمى نفسه على السرير و و كان بيفكر في الجنونة اللي غيرت كل حياته بعد ما كان ماخد الحياة ضحك و هزار بقى في حد مسؤول منه
عدي: و حياة امي لوريكي يا كارميلا
نرجع تاني لبطلاتنا طلعو لاوضة فيها سريرين
لميس: ها يا بنات تحبو تقعدو في اوضة واحدة مع بعض ولا كل واحدة اوضتها
كايلا: خلينا مع بعض احسن و لا ايه يا كارمن
كارمن مبتردش
رباب: هي مالها سكتت مرة واحدة ليه
لميس بصوت عالي: كااااارمن
كارمن: في ايييه بتصرخي ليه هو انا في المريخ ده بيني و بينك خطوتين
كايلا: بقالنا ساعة بنادي عليكي و انتي ولا هنا
كارمن: كنت بفكر في حاجة ايه مبفكرش يعني؟؟؟  كنتو عاوزني في ايه
لميس: هتقعدي انتي و كايلا في اوضة واحدة و لا كل واحدة اوضة
كارمن: لا مع بعض
رباب: ارتاحو شوية و هناديكم عشان تتغدو
كارمن: لما تخلص امنا الغول و اللي معاها ابقو نادوني
رباب: و انا اللي قولت كارمن هي اللي هتقدر عليهم
لميس: سيبيها شكلها مش قادرة عليهم
كارمن: و حياة امك منك ليها بلاش تستفزوني عشان عارفين اني قادرة عليهم و 18 زيهم
رباب: و الله عارفين بس احنا بنهزر معاكي يالا ارتاحو و هنطلعلكم مرة تاني
لميس: هجبلكم لبس عشان تاخدو شاور
كايلا: ماشي و شكرا ليكم جدا
رباب و لميس خرجو و كايلا تنهدت و قالت
كايلا: هنعمل ايه؟؟؟؟
كارمن: هنعمل ايه في ايه
كايلا: عمتك مش هنقدر نقعد عندها وقت طويل و اكيد مش هنرجع لمالك و عدي و انا مش عايزة نرجع لشقتنا كرهتها
كارمن بصتلها بصة طويلة و قالت: هو احنا فلوسنا فين
كايلا: في البنك
كارمن: ما احنا قادرين نشتري بيهم اي شقة في اي مكان
كايلا: اووووبا انا نسيت اصلا ان عندنا فلوس
كارمن: هكلم احمد و سامي يشوفلنا اي شقة
بعد شوية نزلت البنات تتعشى و عدى اليوم بسلامة
الساعة واحدة بالليل دخل تيم فيلا مالك و طلع على اوضته لقاه لسه صاحي
مالك: في حد بيدخل على حد كده و بعدين ايه اللي جابك هنا في الوقت المتاخر ده
تيم و هو بياخد نفسه: جهز نفسك العملية بعد ساعتين
مالك بصدمة: ايه؟؟؟؟؟
تيم: اللواء غير في معادها
مالك: اجري صحي عدي على ما اجهز
تيم خرج و دخل اوضة عدي اللي كان بياكل رز و لبن مع الملائكة
تيم في نفسه: طب اصحي الجثة دي ازاي
جاتله فكره قرب من عدي و صرح في ودنه قام مفزوع و هو بيقول: مين مات حصل زلزال و لا ايه
تيم: قوم بسرعة
عدي: يا شيخ حرام عليك قطعتلي خلفي
تيم: يالا يا عدي مفيش وقت
عدي: في ايه
دخل مالك عليهم و قال بصراخ: مفيش وقت للكلام انجز بسرعة
عدي قام و دخل الحمام و بعدين وقف قدام الدولاب و قال: البس ايه البس ايه
مالك: اقسم بالله لو ما خلصت لاجي و البسك في الحيطة
عدي: الا صحيح هو احنا رايحين فين
تيم بسخرية: العملية اتقدمت و فضلها يا دوب ساعة و نص
عدي: و مقلتليش ليه
مالك: هي ربع ساعة الاقيك جاهز فاهم
عدي: فاهم فاهم