زياد: اوبااااا
كايلا: بصو بصو يا بنات
وتين: ايه كل ده
كارمن: يعجز التعبير عن اللسان
ميليسا و اللي كانت بتتكلم بالالماني: اووووه اهلا اهلا يا مستر سراج
سراج: اهلا بيكي يا ميليسا
ميليسا: كيف حالك يا زياد انت و انيس اشتقت لكم كثيرا
انس: و نحن ايضا
كارمن: هي الولية دي بتتكلم باي لغة انا مش فاهمة حاجة
جميلة: تقريبا ده الماني
كايلا: عرفتي ازاي يا طنط
جميلة: ما انا مترجمة و اعرف 10 لغات
كارمن: الله ينور عليك ترجميلنا هي بتقول ايه
ميليسا: مر زمن و لم نسهر مع بعض تلك الايام كانت لا تعوض
جميلة: بتقولهم فاكرينا لما كنا بنسهر و نشرب مع بعض و بنروح في نص الليل
زياد:نعم كانت ايام جميلة لكن الان اختلفت الامور و زادت علينا المسؤولية و تزوجنا
جميلة: قالها فاكرة لما سهرنا انا و انتي مع بعض لوحدينا بس للاسف مش هيتكرر اليوم ده تاني لاني خلاص اتجوزت وحدة شبه الغوريلا
كارمن: و حياة امك يا زياد لاطلع الغوريلا النهاردة عليك
ميليسا: مبارك عليكم اين زوجاتكم
انس: خلفنا هن جالسات على الطاولة
جميلة: بتقولهم مراتاتكم مش حلوين و كنتو استنيتو اجوزكم صحباتي راح انس قالها ده ابتلاء من عند ربنا و لازم نصبر عليه
ميليسا: انهن جميلات جدا حظكم سعيد للغاية
سراج: شكرا لك و على كلامك الجميل
جميلة: قالتلهم انتو كنتو مبتشوفوش يوم ما اختارتوهم حظكم منيل
كايلا: و سراج قالها ايه؟؟؟
جميلة: قالها كلامك صح و ياريت يتعملو منك الرقة و الاناقة
ميليسا: انا راجعة الى بلدي القاكم مرة اخرى
سراج: مع السلامة
جميلة: يالهوي
البنات: ايه !!!
جميلة: هيقابلوها بالليل
كارمن: هههههه يبقو يقابلوني لو خرجو من البيت
وتين: اسكتي هما جايين علينا
سراج: ايه مالكم بتتوشوشو ليه
كايلا: هي مين البنت دي
سراج: دي وحدة بتشتغل معانا
كارمن: قولتلي بتشتغل معاكم
زياد: في ايه شكلكم ميبشرش بالخير
انس: حاسس ان حاجة جاية من وراكم
وتين: لأ اتاكد
سراج اقعدو هنا هنكمل شغلنا و نرجعلكم
كايلا: هنيجو معاكم
سراج: تيجو معانا على فين؟؟؟؟
وتين: احنا عايزين نروح معاكم
انس: وتين يا حبيبتي احنا هنكمل شغل مع الرجالة هنا بس اقعدي ربنا يهديكي
كارمن: ملناش دعوة هتقعدو هنا هتروحو للقطب الشمالي هنيجي معاكم
زياد: تيجو معانا فين هو احنا رايحين حديقة الفوستاط
كايلا: و الله مش هنعمل صوت خالص
جميلة: خلاص يا ولاد خدوهم معاكم عشان يتعرفو على ناس جديدة دول بقالهم كتير مخرجوش
سراج: قدامي يا 3 بلاوي
زياد: عارفة لو اتحركتي من قدامي هكسر رجليكي لا ده انا هقطعهم عشان متمشيش تاني
كارمن: يا عم روح الله لا يسيئك الواحد مش طايق نفسه من كمية البنات المزة دي و انت بتقولي اتحركي و متتحركيش
زياد بغمزة: هو انتي غيرانة عليا و لا ايه
كارمن: هههههه تصدق ضحكتني اغير عليك؟؟ من ايه؟؟هو انا هبلة للدرجة دي بص البنات دي من الاخر شمال و الراجل الواطي هو اللي بيمشي وراهم و انا مش شايفاك كده فهمت
زياد: هو انا مش راجل عشان مبتغيريش عليا
كارمن: انا مقولتش انك مش راجل انا لو لقيت واحدة منهم جميلة فعلا مكنتش هتبقى واقف هنا بس انا للاسف ملقتش عشان كده سايباك براحتك يا حبيبي
زياد: حبيبك؟؟
كارمن: هو انت سبت كل الكلام ده و ركزت على حبيبي
زياد: قوليها مرة تانية كده
كارمن: بطل لماضة يا زياد و روح شوف شغلك
زياد: طب عليا الطلاق ما انا متحرك من هنا غير لما تقوليها
كارمن: حبيبي كويس كده
زياد: لا معجبتنيش قوليها مرة تانية
كارمن: لا ده انت استحلتها بقى اقعد انت هنا و انا اللي همشي
زياد: مجنونة بس بحبها
سراج: ها عجبتك الحفلة
كايلا: هي حلوة بس دي بمناسبة ايه
سراج: دي يا ستي حفلة بمناسبة اني رئيس مافيا للمرة السادسة
كايلا: و انت فرحان
سراج: و مفرحش ليه
كايلا: سراج انت مش ناوي تبطل اللي انت فيه ده
سراج: كايلا انا مش عايز كلام كتير على الموضوع ده عشان متشوفيش وشي التاني
كايلا بغيظ: حاضر
وتين: انا شايفة ان عنيك بدات تزيغ و شكلي هقلعهملك
انس: هو ينفع برضو يبقى معايا القمر و ابص للنجوم
وتين: سبتني يا اخويا سبتني
سراج جاتله مكالمة رد و قال: ايه يا حسن كل حاجة ماشي تمام، متتاخرش
سراج: يالا يا بنات اطلعو غيرو هدومكم و انتي كمان يا امي
جميلة: نغير هدومنا؟؟؟ ليه؟؟؟
سراج: مفيش وقت يا امي يالا اطلعو و انت يا انيس خرجهم من البيت زي ما احنا اتفقنا
كارمن: في ايه بس ايه اللي بيحصل
زياد: كارمن اسمعي الكلام و بعدها هتفهمي كل حاجة
انيس: يالا بسرعة
البنات و جميلة طلعو لبسو مع بعض و اول ما خلصو سمعو صوت اطلاق نار شديد جدا
كايلا بخوف: هو ايه اللي بيحصل ده؟؟؟
انيس: يالا اخرجو بسرعة بس سمع صوت سراج و هو بيناديه فقالهم: اوعو تتحركو من هنا سامعين قال كلمته بزعيق و خرج
سراج: خرجتهم برا البيت
انيس: لا
سراج: ليه يا غبي
انيس: انت اللي استعجلتني
سراج: بعدين هتفاهم معاك انت و الغبي التاني
زياد: و انا مالي هو انا عملت حاجة اقسم بالله لو كنت مرات ابوك ما كنت هتعمل فيا كل ده
سراج بغضب: هو ده وقت هزار يا بارد
كانت الاجواء متوترة جدا الشرطة محاوطة كل مكان و تبادل اطلاق النار بينهم و بين رجالة المافيا
كارمن: الجو اكشن على الاخر
جميلة: و فرحانة يا باردة
كارمن: ما تيجو نعمل زي المرة اللي فاتت لما اتخطفنا
وتين: لا الموضوع شكله جد جدا
كارمن: ليه هو احنا كنا بنلعب بوبجي مع العصابة و لا ايه
جميلة: سراج هيعلقكم لو عملتو حركة من حركاتكم المجنونة
كارمن: يا ستي المثل بيقول يتعلم الانسان من اخطائه
كايلا: الا انتي لو الخطأ عجبك بتعيديه
كارمن: يوووه اخدتوني غسيل و مكوة كده ليه يالا مين يجي معايا
كلهم سكتو
كارمن: جبنا اوي على فكرة
و هوما بيتكلمو دخل عليهم ظابط و قالهم: يالا اخرجو معايا
كارمن: ليه يا باشا احنا عملنا ايه
الظابط: امشي قدامي و بلاش رغي كتير
كارمن: هو حد قالك ان انا الجارية اللي جابتهالك امك من الحبشة عشان تقولي الكلام ده
الظابط: لو ممشيتيش انا هفرغ المسدس ده كله في دماغك
كارمن بدون مبالات: سمعتها كتير من قبل هات غيرها
الظابط: ااااااه حاسس ان انا هتشللللل
كارمن: نصفي و لا كلي
الظابط باستفهام: ايه هو
كارمن: الشلل على فكرة انت مش ذكي خالص
الظابط: مش انتي ذكية
كارمن: ايوة
الظابط: فيها بركة اتفضلي قدامي عشان خاطر ربنا
كارمن بلو بوز: حاضر يا اخويا متزقش بس
الظابط في نفسه: دي مستحيل تكون انسانة عادية
كارمن: عندك حق انا لسة المركبة جايباني من كوكب المريخ
الظابط بخوف: سمعتيني ازاي
كارمن: مخاوية تحب اوريك
الظابط: لالا اتفضلي يا هانم
البنات كانت ميتة من شكل الظابط و خوفه من كارمن
أنت تقرأ
صراع الهويات
Actionفكرت ازاي تعيش من غير قلق وبالك وضميرك مرتاح ؟ سهلة ... اوعي تعوم علي عوم الناس ولا تجري علي جريهم او تشاركهم عبثهم .. فكر دائماً قبل ما تتكلم واوعي تقول اللي غيرك عاوزك تقوله وجامل من يستحق بكلمة حلوة ولكن ابعد عن النفاق والتملق ودائما اسعى في الخي...