صراع الهويات

الفصل الخامس عشر

وتين بضحك: ايه اللي انتي عاملاه في نفسك ده
كارمن: هو انتو خليتو فيا عقل عشان اشوف انا لابسة و لا عاملة في نفسي ايه يا طنط جميلة
جميلة: ايوة يا بنتي
وتين و هي على وشك انها تعيط: ايه الصوت ده
جميلة: الخدم بينضفو البيت عشان سراج هيعمل اجتماع هنا
كارمن: طب و انا مالي انا تعبانة و مش قادرة و الله منمتش كويس
كارمن كان فعلا باين انها تعبانة و مش قادرة حتى تفتح عينيها
كايلا: طب و الحل ايه
كارمن: طب و ربنا لاروح انام عند الجيران
سراج: شوف مراتك يا زياد دي مجنونة و ممكن تعملها
زياد: طب جربي كده عتبي باب البيت و انا هكسرهولك
كارمن: هو ده الصوت حقيقي و لا انا بس اللي بتخيل قولولي بس عشان ميانبنيش ضميري بعدين ان انا ظلمته
انس: لا حقيقي مش بتتخيلي
كارمن: حلو، بصفتك ايه يا استاذ تتحكم فيا
زياد: جوزك يا حلوة
كارمن: اااا صحيح ايه الغباء ده و بعدين قالت هو انا عشان مضيت على ورقة يبقى تتحكم فيا
زياد: بت انتي اما مش عايز اوريكي وشي التاني
كارمن: لا وريهولي انا عايز اشوفو
جميلة: اهدو يا ولاد ده شيطان و دخل بينكم
كارمن بهدوء مفاجئ: طنط و الله مش قادرة و هقع من طولي قولي للخدم يشتغلو من غير صوت و سابتها و طلعت نامت مرة تانية بعدما جميلة امرت الخدم
سراج: اطلع شوف مراتك مالها
زياد: سيبك منها شوية و هتهدى
انس: هو انتو متخانقين و لا ايه
زياد: دي هتتجنني لسانها اطول منها و تصرفاتها غبية
سراج: بالهداوة عليها يا زياد كارمن طيبة بس لسانها طويل شوية
انس: يالا بينا عشان اتاخرنا
الشباب خلصو شغلهم و روحو و كانت كارمن فاقت و بتشرب قهوتها مع الباقي في الصالون
جميلة: يا بنتي بطلي شرب قهوة
كارمن: اعمل ايع يا طنط لو مشربتهاش هبقى شبه الزومبي اللي في الافلام
كايلا: ده خامس فنجال تشربيه
وتين: فنجال ايه دي كوباية
سراج: السلام عليكم
البنات: و عليكم السلام
سراج: كل حاجة جاهزة يا امي
جميلة: ايوة يا ابني كل حاجة زي ما انت عايز
زياد: المهم بقى في رجالة جايين لو لمحت رجل وحدة فيكم هنا
كارمن: هتكسرها
زياد: الحمد لله انك فهمتي
كارمن: تقصد ايه ان انا غبية
سراج: بس انت و هي لو اطفال في كيجي مش هيعملو زيكم مش عايز اي غلطة و بلاش تنشفو دماغكم
وتين: حاضر يا ابيه
كايلا: حاضر يا سراج
كارمن: مش هضمنلك
سراج: كاااارمن
كارمن: هفكر
سراج: ربنا يستر يالا اطلعو فوق
بعد شوية في الطابق الاخير للبيت كانت البنات و جميلة بيبصو من البلكونة و في رجالة كتير داخلة البيت و بنات كمان
كارمن: ايه البنات المايعة دي و ايه الرجالة المزة دي
وتين: زياد لو سمعك هيعلقك على باب البيت
كايلا: مالك يا طنط جميلة
جميلة بتوتر: لا مفيش حاجة
كارمن: في ايه يا طنط قلقتيني
جميلة: الاجتماع ده وراه حاجة
وتين: بتقولي كده ليه يا ماما
جميلة: اخر مرة سراج عمل الاجتماع ده حصل خناقة كبيرة جدا و 5 ماتو و زياد اتصاب هو و انس
كارمن بخوف: هو الاجتماع ده بتاع ايه
جميلة: ده اجتماع بيحضروه اكبر زعماء المافيا عشان...... و سكتت
وتين: عشان ايه يا ماما
جميلة: عشان يشوفو مين اللي كان شغله واقف و خلاص مبقاش يساعدهم و يصفوه
كايلا: يصفوه يعني ايه؟؟؟؟
جميلة: يخلصو عليه
كارمن: ما يخرجوه منهم و يسيبوه عايش
جميلة: مستحيل اللي بيدخل المافيا مش هيخرج منها غير بموته
كايلا: و الاجتماع ده عملوه هنا ليه ما يعملوه في اي حتة
جميلة: انا كل اللي اعرفه ان سراج الزعيم الكبير عليهم يعني كل حاجة بتم باذن منه و محتاجين مكان سري جدا عشان يعملو الاجتماع ده و لان سراج محصن نفسه جدا عمله في البيت لان البوليس مش هيقدر يقرب نحيته
كارمن: يا دي النيلة السودة الناس كلها حظها بيفلق الحجر الا انا حظي ماشي و بيحدف عليا الحجر
وتين: بصراحة انا بدات اخاف منهم
كارمن: اومال انا اقول ايه ده بينام معايا في نفس الاوضة ده ممكن يقتلني و لا حد هيسمع بيا
كايلا: بصو كده
البنات بصو و لقو كل اللي كانو في الاجتماع في الجنينة اللي كان فيها مختلف انواع الاكل و في Bodyguards
شايلين 2 و خارجين بيهم
كارمن: بصو البت دي اللي بتتلزق فيهم
وتين: و الله لانزل و اجيبها من شعرها
كايلا: تعالو ننزلهم
جميلة: هتنزلو بشكلنا ده
وتين: الله و مالو شكلنا
جميلة: يقرف الكلب الاجرب
كارمن: يعجبني فيك يا طنط صراحتك
كايلا: نعمل ايه
جميلة: البسو و اتمكيجو و اقفو جنب رجالتكم لا وحدة تلحفهم
كارمن: ده انا كنت مسحتها من على وش الارض
جميلة: يبقى اعملو اللي قولتلكم عليه بس اوعو تطولو
بعد نص ساعة كان الكل موجه نظره للباب حيث كانت البنات واقفة sorry انا غلطت مش بنات ملكات
كانت كل وحدة فيهم لابسة فستان مختلف عن التانية و كل وحدة منهم ميزها شكلها الخاص
زياد: هي الحلويات دي جبتها منين يا سراج
انس: و مورتهمناش من زمان ليه
زياد: سيبتني ادبس ليه
كارمن: تصدق انك راجل ميملاش عينك غير التراب
زياد بصدمة: كارمن
كارمن: بشحمها و لحمها يا اخويا
زياد: ايه الجمال ده كله كنتي مخبية كل ده فين
كارمن: طول عمري جميلة انت اللي اعمى البصر و البصيرة
وتين: بقى عايز تتعرف على نسوان يا انس
انس: اناكنت عارف ان انتي بس كنت بهزر
وتين: اممممم هعمل نفسي مصدقاك
انس: بس قوليلي ايه الشياكة و الاناقة دي
وتين: ليه هو انا كنت وحشة
انس: ده انتي قمر و دلوقتي قمرين
سراج: جميلة زي العادة يا قلبي
كايلا: ربنا يخليك ليا و ميحرمنيش منك ابدا
سراج: و لا منك يا روحي
كارمن: تعالو نقعد عشان رجلي وجعاني اوي من الكعب ده
انس: هي مراتك قصيرة كده ليه يا زياد
زياد: مش عارف اسالها كده
كارمن سمعت الحوار و لفت لهم و قالت: لما ربنا ياخدها ابقو اسألوه و مشيت و سابتها
انس: دلوقتي عرفت طولها راح فين
وتين: فين؟؟؟
انس: في لسانها انتي مش سامعاها
وتين: لسانها طويل بس عسل
كارمن من بعيد: تشكري يا قمر
زياد: انتي سمعتينا ازاي
كارمن: ربنا طول في لساني و وداني
سراج: و ايدك كمان
كايلا: سيبوها هو كلكم عليها و لا ايه
كارمن ببراءة: شايفة بيعملو فيا ايه
زياد: لأ بريئة يا بت
و هما بيتكلمو دخلت عليهم وحده لابسة فستان قصير جدا مبين اكتر ما هو مداري و حاطة مكياج تقيل جدا
زياد: اوباااااااا