صراع الهويات

الفصل الثامن عشر

كارمن: كذبت يا زياد باشا اااا معلش نسيت اسمك عدي انت خدعتني و عيشتني معاك في اوهام و في الاخر اطلع جزء من خطتكم عشان توصلو لهدفكم 
زياد: افهميني بس يا كارمن
كارمن: مش عايزة افهم حاجة انا كل اللي عايزاه انك تسبني في حالي و انسى اصلا انك تعرف وحدة اسمها كارمن
و كانت هتمشي بس صوت كايلا وقفها
كايلا: كارمن استني انا جاية معاكي
مالك: كايلا انا عايز اتكلم معاك
كايلا: و انا مش عايزة اتكلم يا ريت تخرجني من حياتك زي ما انا خرجتك من حياتي و ورقتي توصلي لبيتي ده لو مش عايز تتمرمط في المحاكم
اللواء: انتو رايحين فين لسه التحقيق مخلصش
كايلا: يعني ايه
اللواء: انتو هتفضلو محبوسين على زمة التحقيق
كارمن: و حياة خالتك هو احنا هنستعبط
كايلا: عيب يا كارمن مفيش مشاكل احنا هنفضل معاكم بس احنا من حقنا نوكل محامي او حتى نبلغ حد من جهتنا
اللواء: طبعا التلفون اهو
كارمن بهمس لكايلا: هو انتي عبيطة هو احنا بنعرف حد و لا حد يعرفنا
كايلا: وطي صوتك هيسمعونا احنا نعرف حد ممكن يساعدنا
كارمن: و يطلع مين ده ان شاء الله
كايلا: صابر
كارمن: مين ده؟؟؟
كايلا: صابر المحامي اللي يسكن في الدور الرابع
كارمن: مستحيل انسي
كايلا: احنا مورناش قضية و لا حاجة دول عملو كده عشان يخلونا نقعد معاهم
كارمن: ده راجل ملزق بشكل
كايلا: عارفة انه ملزق و بيموت في التراب اللي بتمشي فيه فاحنا ايه نستغل الوضع ده متكونيش غبية
كارمن: اففففف ماشي
عدي: انقذتنا في الوقت المناسب يا سيادة اللواء
اللواء: انا معملتش كده عشانكم البنات عنيدة و لو كنت خرجتهم هيتعرضو للخطر
مالك: احنا لازم نخلص القضية دي باسرع وقت
وقفو عن الكلام لما سمعو كارمن بتتكلم
كارمن: الووو ازيك يا استاذ صابر
صابر: انا الحمد لله مين معايا
كارمن: اخص عليك مش عارفني انا كارمن جارتك اللي بتسكن في الدور الاول
صابر بلهفة حب: ازيك يا استاذة كارميلا فينك الوقت ده كله
كارمن: مشاغل و الله يا استاذ صابر
صابر: لازم نشوفك قريب العمارة ملهاش طعم من غيرك
كارمن كتمت صوت المكالمة و قالت لكايلا: و الله لاخرجله من التيلفون ايه العمارة ملهاش طعم من غيرك دي هو من امتى العمارة بقى ليها طعم
كايلا: معلش بقى اعصري على نفسك لمونة و كملي
كارمن: لمونة ايه ده انا اعصر مزرعة لمون و مش هتكفي
كايلا: خلاص بقى يا كارمن كفاية عناد و اتكلمي معاه
صابر: الو الو الووووو
كارمن: ايوة انا معاك بقولك ايه يا استاذ صابر
صابر: امريني يا ست البنات عينيا ليكي
كارمن بصوت واطي: يا ساتر على الختاتة و بعدين قالتله احنا كنا عايزينك في خدمة احنا مرة واحدة لقينا الشرطة طبة علينا و بيقولولنا هتتحبسو على ذمة التحقيق و مش عارفة ايه
صابر: انتو عملتو حاجة
كارمن: لا و الله احنا في السليم
صابر: طب قوليلي انتي فين اي مدرية
كارمن: لا احنا مش في المدرية احنا في جهاز المخابرات
صابر: و ايه اللي وداكم هناك
كارمن: يوووه و انا اش عرفني هتيجي و لا اشوف حد تاني
صابر: انا جاي اهو ابعثيلي اللوكيشن
كارمن: ماشي سلام
قفلت معاه و قالت: عملتلك اللي انتي عايزاه اهو
عدي: مين صابر ده اللي بتتكلم معاه
مالك: و انا اش عرفني
تيم بضحك: البنات هترقصكم على وحدةو نص
عدي: اضحك يا اخويا اضحك ما هي ماشية معاك زي السكينة في الحلاوة
تيم: خمسة في وشك
عدي: انا عيني باردة متخافش يا اخويا مش هتتحسد
بعد مده دخل واحد لابس نظارة كعب كوباية و بطنه خارجة مترين و ماسك اوراق كتير
صابر: انا اتمرمطت عشان اجي هنا
كارمن: معلش بقى يا بيضة هنراضيك بقرشين
كايلا: امسكي لسانك شوي يا كارمن
كارمن: سكت يا اختي
عدي: مين الاهبل ده
صابر: احترم نفسك يا راجل انت ايه اهبل دي انا اسمي صابر
تيم: تشرفنا بيك جاي هنا ليه
صابر: عشان كايلا و كارمن طلبوني
مالك: كايلا و كارمن حاف كده
صابر عدل نظارته الكعب كوباية و قال: اصل حضرت مش فاهم و انا و .........
عدي قاطعه و قال: هو انت هتحكيلنا قصة حياتك لخص و خلص و اتكل على الله
صابر: انا بتهزق و لا ايه
مالك: و لسه مستوعب
كارمن: معلش يا صابر امسحها فيا انا سيبك منهم و ركز معايا
صابر: عشانك بس يا كارميلا و لا كان هيبقى معاهم تصرف تاني
عدي: و احنا عايزين بقى نشوف التصرف التاني ده شكلو عامل ازاي
منصور: كفاية يا عدي تعالى يا استاذ صابر عايزك في كلمتين
خرج اللواء و وراه صابر و راحو مكتب تاني
كارمن: يووووه هو انتي اتصلتي بيه ليه انتي عارفة ان انا مبطقوهوش
كايلا: هو ده الحل الوحيد هو انتي يا بت ناسية ان احنا منعرفش حد و لينا اقارب و لا اصحاب عشان يساعدونا
كارمن: و هو ده اللي هيساعدنا
كايلا: انا واثقة انه هيساعدنا عشان بيحبك و هيعمل اي حاجة عشان يطلعك
عدي: نعم يا اختي لم مراتك يا مالك
مالك: هعمل لها ايه ما باليد حيلة
شوية كده و دخل منصور و صابر
كارمن: ها عملت ايه
صابر:للاسف مش هقدر اخرجكم
كايلا: ليه بقى
صابر: انتو مجرمين و لازم تتحاسبو
كارمن: يا مصبر الوحش على الجحش مجرمين ازاي هو انت شايفني ماشية بقنابل و بحدفها على الناس
صابر: انا شوفت كل حاجة بعيني
كارمن: جات ضربة في عينك
صابر: عن اذنكم انا رايح
خرج و كارمن قالت: روح تروح منك الروح جات الاقرف
كايلا: هو ايه اللي بيحصل ده
مالك: شكلكم مش عارفين انتو وقعتو مع مين
كارمن: و النبي سكتي جوزك لو مش عايزة تبقي ارملة احسن خلقي في مناخيري
مالك: شايف مراتك بتقول ايه
عدي و هو بيقلده: ما باليد حيلة
كايلا: هو انتو عايزين مننا ايه
اللواء: تفضلو هنا لحد ما يخلص التحقيق
كايلا: و احنا موافقين
كارمن و هي على وشك انها تنفجر: و حياة امك انتي كمان
كايلا: بس عندي شرطين
اللواء: و اللي هما؟؟؟
كايلا: عايزة التلفون دقيقة
اللواء: اهو قدامك و الشرط تاني؟؟؟
كايلا: اول ما نخرج من هنا ورقة طلقنا تيجيلنا
مالك: نعععععععم
كايلا: هي دي شروطنا
اللواء: و احنا موافقين عليها
كايلا مسكت التليفون و اخدت كارمن على جانب
كارمن: هو ممكن تفهميني بتعملي ايه
كايلا: محمد و مازن
كارمن: مين دول؟؟؟
كايلا: يخرب عقلك محمد و مازن
كارمن: عرفتهم انا كده
كايلا: ولاد عمتك
كارمن: عمتي انا ااااا الولا حوده و زيزو افتكرتهم و تفتكري هيساعدونا بعد العلقة اللي اديتها لامهم ام اربعة و اربعين
كايلا: امهم اللي غلطانة و هما عارفين ده و بعدين انتي عارفة ان هما معتبرينك زي اختهم الصغيرة و كم مرة ييجو عشان يشوفوكي و انتي اللي كنتي بتهربي منهم
كارمن: يالا رني عليهم نشوف
جمااااعة انا اسفة على تاخير بقالي شهر منزلتش حاجة اعتذر و بشدة 🙃🙃🙃