صراع الهويات

الفصل السابع

صحيت على صوت خبط شديد على الباب
كارمن بنوم: خبط خبط الاهي يا رب تجيك خبطة في دماغك تجيب اجلك يا بعيد
فتحت الباب و قالت: نعم عاوزين ايه
منصور: هتسيبي خوالك على الباب
قلبت عينيها بملل وبعدين قالت: خشو
في الصالون كان قاعد منصور الخال الكبير و اخوه نعمان و ابنه جابر
كارمن: جايين ليه
منصور: دي مقابلة تقابلي بيها خوالك بعد المدة دي كلها
كارمن: و الله يا حج منصور انا مش فاضية لخص و خلص و هات الخلاصة
جابر: اتكلمي مع ابويا عدل بدل و الله لادفنك مكانك
كارمن: انا اتكلم زي ما انا عايزة هو انت هتهددني في بيتي و لا ايه
نعمان: هو ميقصدش اهدى يا ابني
كارمن: عاوزين مني ايه
نعمان: جدك عاوز يشوفك 
كارمن: و يشوفني ليه هو دلوقتي افتكرني
جابر: جدك حالته خطيرة جدا و عايز يتاسفلك قبل ما يموت
كارمن: ابقى قوله اسفك مرفوض
نعمان: اسمعي يا بنتي ده جدك و امك الله يرحمها كانت بتحبه اوي و اكيد دلوقتي مش راضية على قرارك
كارمن اول ما جات سيرة امها قلبها حن و قالت: انا هاجي بمزاجي بس ها سامعين بمزاجي
جابر بخبث: طب تعالي معانا
كارمن في نفسها: ربنا يستر انا مش عارفة ليه مش مطمنة
**********
سراج: صباح الخير
كايلا: صباح النور
سراج: شكلك منمتيش كويس
كايلا مسكت راقبتها و هي بتقول: المخدة مش مسعداني  خشنة جدا
سراج: ابقي قولي للخدم يغيروها
كايلا: ماشي هي الساعة كام
سراج: 11 الصبح
كايلا: يالهوي هو انا نمت ده كله
سراج: و في ايه نامي براحتك انتي في بيتك
كايلا: بس انا مش حاسة اني في بيتي
سراج: ليه
كايلا: مفيش حاجة
سراج: قولي انا مش فاضيلك
كايلا: بصراحة مرات عمك و بنتها بيدايقوني في الرايحة و الجاية
سراج: هوما بيضايقوكي و انتي دايقيهم ساهلة اهي
كايلا: ايه الفكرة الهايلة دي صراحة مفكرتش فيها
سراج: انتي بتتريقي
كايلا: ما انت اللي بصراحة
سراج: انا ايه
كايلا: بلاش لا تزعل مني
سراج: هو فيها زعل كمان
كايلا: سراج هو انا ممكن اطلب منك طلب صغير
سراج: عايزة فلوس؟؟؟
كايلا: لا مش كده
سراج: اومال عايزة ايه
كايلا: انا عايزة اروح اقعد شوية عند كارمن
سراج: لا مينفعش
كايلا بزعل: ليه؟؟؟
سراج: مينفعش تروحي غير و انا معاكي
كايلا: ماشي المهم نروح هروح اكلمها
كايلا رنت على كارمن مرة و اتنين و تلاتة بس متردش
كايلا: مبتردش
سراج: يمكن نايمة
كايلا: ده معاد شغلها
سراج: ممكن عندها شغل ابقي اتصلي بيها بعدين
و عند كارمن لبست هدومها و اخدت السماعات و روايتها المفضلة و ركبت العربية مع خوالها و ابن خالها و راحو للاسكندرية
بعد مدة و صلو و دخلو بيت العيلة و كان مزين كان في فرح و كان في استقبالها جدها
الجد: يا اهلا يا اهلا ببنت الغالية
كارمن: هو انت مش من المفروض بتموت زي ما انا عارفة
مرات خالها نعمان قالت: نورتي البيت يا عروستنا الحلوة
كارمن بصت على يمينها و على شمالها بصت وراها بس ملقتش اي بنت غيرها و قالت: هو انتي بتكلميني انا
مرات نعمان: هو في وحدة غيرك
كارمن: بس انا مش عروسة
جابر: بس هتبقي عروسة
كارمن: هو ايه اللي بيحصل حد يفهمني
الجد: بالليل كتب كتابك على ابن خالك جابر
كارمن: احب فيك ثقتك الزايدة يا راشد
مرات نعمان: شوف البنت بتنادي جدها باسمه
كارمن بصوت عالي: انا لا عندي جد و خال و لا عيلة انتو موتو يوم ما امي ماتت و سيبوني امشي بدل و رحمة امي لوريكم مين هي كارمن المجدي
جابر مسكها من شعرها و قال: هو انتي فاكرة نفسك مين يا بنت هو انتي هتركبي فوقنا و لا ايه
منصور: دخلها الاوضة و اقفل عليها كويس
و بالفعل جابر دخل كارمن الاوضة بالعافية و الغبي نسى ياخد تيليفونها منها
جابر: هنشوف هتعملي ايه يا كارمن المجدي
**********
و في نفس الوقت عند كايلا
جميلة: اقعدي يا بنتي شوية حولتيني عمالة رايحة جاية رايحة جاية
كايلا: كارمن تيليفونها مغلق يا طنط و بعثتلها مسجات كتير و مش بترد
وتين: يمكن في حاجة شغلاها
كايلا: كارمن اول مرة تعمل كده و كلمت صحابها في الشغل قالو انها ماجاتش
سراج: البسي هدومك و تعالي نروحلها
كايلا: ماشي
جميلة: احنا كمان هنروح معاك
سراج: هو احنا رايحين حفلة يا امي
وتين: و النبي يا ابيه سراج سيبنا نروح معاك
سراج: خمس دقايق تكونو جاهزين
الكل جهز و هما خارجين من البيت زياد كان داخل
زياد باستغراب: حصل ايه؟؟؟
سراج: الحقنا بعربيتك و انا هقولك حصل ايه في الطريق
جميلة و البنات ركبو مع سراج و زياد ركب عربيته و اتصل على سراج و عرف منه كل اللي حصل
وصلو للعمارة اللي فيها كارمن و طلعو لشقتها خبطو على الباب كتير بس مفيش فايدة كايلا شالت السجاد اللي قدام شقة كارمن و لقيت مفتاح فتحت بيه الشقة
الكل دخل و دورو على كارمن بس مالقوهاش
زياد: هتكون راحت فين
كايلا بخوف: معرفش
وتين: الواضح كان عندها ضيوف
زياد: و انتي ايه اللي عرفك
وتين: في 4 كوبيات عصير
كايلا: امبارح اتكلم معاها بس مقالتليش ان كان عندها ضيوف
جميلة: و هنعمل ايه
سراج: مين جابر
كايلا: ده ابن خال كارمن و انت بتعرفو منين
سراج: لقيت بطاقته واقعة على الارض
زياد: و ده علاقته ايه باختفاءها
كايلا: جابر اتقدم لكارمن فوق ال 100 مرة بس هي مكنتش بتوافق
سراج: بتعرفي مكانه
كايلا قبل ما ترد عليه رن تيليفونها و كانت كارمن ردت عليها  و قالت: كارمن انتي فين
كارمن: انا في المصيبة يا كايلا
كايلا: حصل ايه؟؟؟
كارمن: جدي عايز يجوزني لجابر و حبسني في الاوضة
كايلا: طب اهدي و انا هجيلك
زياد: اعملي المكالمة Sound
كايلا عملت اللي قال عليه زياد و هو قال: كارمن ابعتي اللوكيشن على الرقم اللي هقولك عليه
كارمن اخذت نمرت زياد منه و بعثتله اللوكيشن عليه
زياد: متخافيش احنا جايين اهو
كارمن: و النبي متتاخروش لاحسن كتب الكتاب بالليل
زياد: ساعة زمن و هنكون عندك
كانت عربية زياد و سراج بتسوق باقصى سرعتها و وراهم عربية الحرس سراج عمل مكالمة
سراج: في ظرف ساعة تكون موجود و بعدها سال كايلا كارمن اسمها الكامل ايه
كارمن: كارمن ياسين الجندي
سراج قال الاسم للراجل اللي متصل بيه و رجع قال: ساعة وحدة و الاقيها عندي
وصلت العربيات لبيت كبير و نزلو منها و كان في راجل قرب من سراج و مدله ورقة  سراج نادى على زياد و قاله: خد امضي هنا
زياد: امضي ليه؟؟؟
سراج: مفيش وقت امضي من سكات
زياد مضى على الورقة باستغراب و سراج ابتسم ضحكة خبيثة و دخل البيت مع Bodyguards