عدت الايام و عدي اتحسنت حالته و خرج من المستشفى
و في يوم جهزو البنات و الشباب نفسهم عشان يروحو لبيت عمة كارمن بعد الحاح كبير و ضغط شديد على كارمن انهم يروحو و يشكروها انها استقبلتهم
وصلو و كارمن على طول فتحت الباب بالمفتاح
عدي: جبتي منين المفتاح
كارمن: كان مع مفتاح العربية بتاعت احمد
وتين: يخرب بيت عقلك انتي لسه مرجعتلوش المفاتيح
كارمن: نسيت
كايلا: اعمل معاها ايه يا ربي
كارمن: ادخلو بشويش عشان نعملهم surprise
مالك: يا عيني عليك يا عدي و على اللي هيجرالك
دخلو البيت بس كان فاضي تماما
كانو هيخرجو بس صوت ضحك عالي اوي لست و راجل وقفهم
تيم: هي عمتك قلبت البيت كباريه و لا ايه
كارمن: هو مش ده صوت العقربة اللي اسمها رحمة
كايلا: ايوة فعلا ده صوتها
وتين: مين اللي معاها
كايلا: شكل ده جوزها احمد
كارمن: دي من مستحيلات السبع سبع ايه السبعين
عدي: ليه
كارمن: اولا احمد بيطق العمى و لا يطيقها عاوزه يضحك معاها بالشكل ده ابدا ثانيا و ده الاهم احمد نزل استوري و هو في دهب
كايلا: هنعمل ايه
كارمن بابتسامة شر: كل خير اسمعوا الخطة ........
عدي: ايه الشر ده ايه الافكار المنيلة دي
كارمن: عدي حبيبي هنعمل اللي قولت عليه و لا اخلي الافكار دي تطلع على جلدتكم فكرة فكرة
بصو كايلا و وتين هيجو معايا تيم انت اخرج ورا الفيلا هتلاقي اوضة الكهرباء و عيش براحتك اطفى النور و شغله عدي و مالك هتعملو اللي اتفقنا عليه و تطلعو على فوق
فاهمين
الكل: فاهمين
كارمن خدت البنات و دخلو على المطبخ قعدو شوية و بعدين خرجو
عدي: يمااا عفاريييت
كارمن: عفاريت مين انا كارمن
تيم: ده انتوما هتوقفولهم قلوبهم كده
كارمن: يكون احسن عملتو اللي قولتلكم عليه
مالك: ايوة و هو جاي في الطريق
كارمن: حلو استعنى على الشقا بالله
تيم راح لاوضة الكهرباء و الباقي طلع فوق النور اتقطع و لحسن حظهم الشبابيك كانت كلها مقفولة فدخلت البنات من غير ما يشوفهم حد و استخبو ورا الدولاب
النور رجع مرة تانية و رحمة قالت: كويس ان الكهرباء رجعت
الراجل اللي كان معاها قال: ايه يا رورو خايفة و انا معاكي
رحمة: اخاف ده ايه ده انا اخوف بلد بحالها
كارمن بصوت واطي: طب اقسم بالله لو ما خليتك تعمليها على نفسك من الخوف مبقاش انا كارميلا
و مرة وحدة الباب اتخبط جامد و النور فضل يروح و يرجع و البنات عملت صوت خلت الرعب يدب في قلوبهم و خرجت كارمن بوشها المغرق بالدقيق و شعرها المنكوش بعد ما النور رجع
كارمن: بخخخخخخ
الراجل و رحمة فضله يصوتو من كتر الرعب
كارمن: بااااس ودانييي اطرشت يخرب بيتكم
خرجت وراها وتين بنفس الشكل اما كايلا فضلت مستخبية و ميتة من الضحك
كارمن: ما تسكتي بقى هنتقفش
كايلا: اسفة يا معلمة
كارمن غمزت لوتين اللي بدات تقرب من رحمة و هي بتقول: بقى قالبة البيت كباريه يا روح امك و مسكتها مش شعرها
رحمة فضلت تصوت و تستنجد بالراجل اللي كان واقف في زاوية و بيترعش من الخوف
خرجت كايلا بعد ما سيطرت على ضحكها وتين شدت رحمة و وقفتها قدامه و مرة وحدة تنقطع النور
تدى دقايق من الصمت و رجع النور و كانت البنات منزلين شعرهم الطويل على وشهم و عاملين دايرة على رحمة و اللي معاها اللي بيترجفو و كان الباب بيترزع كل شوية و يرجع يتفتح مرة تانية
البنات: الدور الدور الدور الدور موعودة ياللي عليكي الدور حسرة عليها يا حسرة عليها ما جات رجليها ما جات رجليها فضلو يخوفو فيهم لحد ما سمعو صوت عربية بتتركن
كايلا: اقعدو فوق السرير يالا قالت كلمتها الاخيرة بصراخ خلى جسمهم يتنفض و خرجت البنات و سابوهم
دخل احمد و سامي و رباب و لميس و معاهم فايزة مع تيم و طلعو لفوق و هما مش فاهمين حاجة
شاور تيم لاوضة و دخلوها و كانوا في حالة صدمة مش لان رحمة مع راجل غريب لكن من منظرهم و وشهم الابيض من كثر الخوف
دخلت كارمن و وراها الباقي و هي بتمسح وشها
و قالت: شايف عرة النسوان اللي متجوزها يا استاذ احمد شايفة مجايبك يا ست فايزة
احمد راح مسكها من شعرها و ضربها عدة اقلام لحد ما رباب و سامي بعدوه عنها و هو بيقول: سيبوني اقتلها بقى بتخونيني يا بنت الكلب بعد ما لميتك من الشوارع
رباب: خلاص يا احمد و حياتي عندك ما تعملها حاجة متوديش نفسك في داهية عشان وحدة رخيصة زي دي انا محتجاك جنبي
احمد بغضب: هي دقيقة واحدة بس تلمي حاجتك و تخرجي برا البيت بدل ما تخرجي على نقالة انتي و هو
و بعد ساعة
مالك: الحمد لله ان ربنا كشفلك الحقيقة متزعلش نفسك و اهي معاك جوهرة
احمد: الحمد لله انا مش زعلان و لا حاجة بس مش مستوعب الموقف بس
كارمن: بس ايه رايك في العرض اللي عملتهولك حلو مش كده
رباب بضحك: متفكرنيش و النبي انا كل ما افتكر شكلهم بموووت من الضحك
عدي: على العموم انا جاي اشكركم على اللي عملتوه مع كارمن و كايلا
سامي: تشكرنا على ايه دي بنتنا
كارمن: تشكر يا زوق
مالك: ده كارت فرحنا اتمنا انكم تحضروا
لميس: ده اكيد
الكل بركلهم و فايزة قالت: مبروك يا ولاد لو زعلوكم بيتي مفتوح ليكم دايما
وتين: شكرا ليكي يا طنط
كايلا: تسلمي يا طنط
كارمن: بجد يا عمتي
فايزة: بجد يا روح عمتك و فتحت دراعها عشان تحضنها
و كارمن جريت عليها و حضنتها
تحت فرحة الكل
بعد اسبوع جا يوم فرح ابطالنا بعد ما داقوا الحزن و التعب و الاكشن اخيرا جا الوقت اللي هيدوقو فين طعم السعادة و الفرح
تيم: ايه الجمال و الحلاوة دي
وتين بكسوف: شكرا يا تيم و انت كمان شكلك يجنن
تيم: بس مش زيك يا قمر
عدي:مده بوزك شبرين قدام ليه يا بومة هو ده وقت ناس تكشر فيه
كارمن: هو انت غيرتلي الفستان ليه زوقك مش حلو خالص
عدي: و انت اللي زوقك حلو يا fashion model
انت كنتي فعلا شايفة الفستان ده مفيش حتة واحدة فيه مستورة كله مفتوح و احمدي ربنا اني شوفته قبل ما تلبسيه ده انا كنت هطربق القاعة على دماغك
كارمن: هو انت فعلا بتغير عليا عدي
عدي: قلب عدي من جوه اكيد بغيير عليكي
كارمن: يعني مش هتندم انك اتجوزت وحده هبلة زيي
عدي: لو يا ستي متخافيش مش هندم انا بحبك بجنانك و بعصبيتك و بكل حاجة فيكي
مالك: القمر بتاعي متوتر ليه؟؟
كايلا: مش عارفة حاسة ان انا اتسرعت في الجوازة دي
مالك: ليه؟؟؟؟ هو انتي مش بتحبيني
كايلا: لأ انا بحبك و انت عارف
مالك: اومال ايه
كايلا: مالك هو انت مش هتكدب عليا مرة تانية صحيح
مالك: انا لو كدبت فده عشانك عشان احميكي و اوعدك ان دي اول و اخر مرة كفاية صراع الهوايات اللي كنت عايشه
انفال (الكاتبة انا يا جدعان): مبروك يا حلوين
الكل: الله يبارك فيكي
كارمن: ثلاثة و عشرين فصل عشان تجوزيني يا مفترية
انفال: احمدي ربنا انكم مع بعض ده انا كنت هقتل واحد فيكم
وتين: مين ده؟؟؟
انفال: جميلة
جميلة: و حياة امك يعني سبتيهم هما الستة و تيجي عندي انا و تقتليني
انفال: قلبك طيب بقى يا جميلة
كايلا: يالا يا جماعة عشان ناخد صورة كلنا مع بعض
اخدو صورة مع بعضهم و استمر الفرح تحت الزغاريت و فرحت الكل .
و بكده حبايبي تكون روايتنا خلصـت روآية صـرآع آلهوآيآت اتمنى من ربنا انها تكون نالت اعجابكم
استنوني في رواية جديدة بحبكم اوي سلاااام ❤❤
أنت تقرأ
صراع الهويات
Actionفكرت ازاي تعيش من غير قلق وبالك وضميرك مرتاح ؟ سهلة ... اوعي تعوم علي عوم الناس ولا تجري علي جريهم او تشاركهم عبثهم .. فكر دائماً قبل ما تتكلم واوعي تقول اللي غيرك عاوزك تقوله وجامل من يستحق بكلمة حلوة ولكن ابعد عن النفاق والتملق ودائما اسعى في الخي...