زياد: خشي برجلك اليمين يا عروسة
كارمن دخلت الاوضة و هي مبهورة من جمالها
كارمن: الاوضة حلوة اوي
زياد: عجبتك؟؟؟
كارمن: جدا جدا
زياد: مش عايزة تغيري فيها اي حاجة
كارمن: لا مش عايزة كلها 6 شهور و هرجع ربيتي
زياد في نفسه: هههه لو طلقت ابقى قابليني
كارمن: بص بقى بما ان في سرير واحد يبقى انا انام على السرير و انت نام على الكنبة
زياد: نعم يا اختي انا هنام على سريري
كارمن: اخس عليك يا زياد هي دي اخلاق زعيم مافيا
زياد: ايوة دي اخلاقه
كارمن: يبقى احنا الاتنين ننام على السرير
زياد بفرحة: حلو
كارمن: و هنعمل فاصل ما بينا بالمخدات
زياد: هو انا شاقطك يا بت
كارمن: هو ده اللي عندي وافقت يبقى اللهم بارك موافقتش عندك الكنبة اهي نام عليها
زياد بقلة حيلة: ماشي و امري لله
********
بعد منتصف الليل كان كل القصر في نوم عميق
كارمن صحيت من النوم عشان تشرب بس ملقيتش مية قدامها فقررت تنزل المطبخ عشان تشرب و هي نازلة شافت دنيا و هي بتتسحب من اوضتها و بتتكلم في التيليفون
دنيا: ايوة انا نازلة مكتبه اهو
نزلت لمكتب سراج و وراها كارمن دخلت و شغلت الكشاف اللي كان في ايدها
كارمن: يا بنت الكلب
دنيا فضلت تقلب في الاوراق و هي بتقول: انا بدور اهو لا لسه ملقيتهوش كل الاوراق اللي هنا ملهاش لازمة استنى كده انا لقيت الورق اهو ماشي بكرة الصبح هيكون عندك لا محدش شافني متخافش
قفلت الخط و فضلت تتسحب و كارمن استخبت ورا تمثال كبير
كارمن: طب اعمل ايه انا دلوقتي
رجعت لاوضتها و شغلت النور و راحت عند زياد
كارمن: زياد يا زياد اصحى
زياد بنوم: سيبيني يا خالتي انا شوية
كارمن: خالتك ايه دلوقتي اصحى في مصيبة
زياد: مصيبة ايه
كارمن:.............
زياد: انتي متاكده من الكلام ده
كارمن: اقسم بالله هو ده اللي حصل حتى بالامارة الاوراق دي كانت في ملف لونه احمر
زياد بصدمة كبيرة: لو على الكلام اللي بتقوليه ده يبقى كلنا هنروح في داهية
كارمن: ليه هي الاوراق دي بتاعت ايه؟؟؟
زياد: الموضوع ده سراج لازم يعرفه حالا
زياد قام من مكانه و خرج من اوضته و راح لاوضة سراج خبط بشوية عشان محدش يسمع لحد ما سراج فتحله
سراج: بتخبط ليه انت مش شايف الساعة كام
زياد: في مصيبة يا سراج
كايلا: في ايه
سراج: مصيبة ايه
زياد: مش هينفع هنا ممكن يكون حد سامعنا
سراج: ادخل
زياد و كارمن قعدو على الكنبة و سراج و كايلا قدامهم
سراج: حصل ايه
زياد: بص كارمن قامت عشان تشرب و هي نازلة شافت دنيا نازلة لمكتبك بتسحب
سراج: و بتعمل ايه في مكتبي
زياد:.............
سراج بغضب: كارمن انتي بتتكلمي بجد
كارمن بخوف و لزقت في زياد: احيه بيبرقلي كده ليه اهدى يا عم و الله هو ده اللي شوفته
زياد: هنعمل ايه دلوقتي
سراج: مش عارف لازم نفكر في حل
كارمن: انتو عايزين ترجعو الورق مش كده
سراج: اه
كارمن: طب انا عايزة منكم اوراق مش مهمة
زياد: هتعملي بيهم ايه
كارمن: هاتهم انت بس و سيب الباقي عليا
كايلا: ربنا يستر انا عارفة النظرة دي كويس
زياد نزل يجيبهم و طلع مرة تانية و ادهالهمها
كارمن: هي دنيا نايمة وحدها في الاوضة
سراج: ايوة
كارمن بنظرة شر: حلو اوي و وشوشت كايلا في ودنها و بعدين ادتلها الورق و قالت: كل واحد يرجع مكانه
سراج: انا مش مطمن
زياد: و لا انا
كارمن: حطو في بطنكم بطيخة صيفي و اعملو اللي قولتلكم عليه
كل واحد رجع لاوضته و كارمن نزلت لتحت و وقفت قدام السلم و قعدت على الارض
كارمن: اااااه يا رجلي الحقوني رجلي اتكسرت يا ناس و بدات تعيط و هي ماسكة رجلها و كل القصر اتلم عليها و حتى سراج و زياد صدقو تمثليتها
اما عند كايلا اول ما شافت دنيا خرجت دخلت اوضتها و بدلت الورق و خرجت بسرعة و نزلت لكارمن
زياد: تعالي اوديكي المستشفى
سراج: اطلعي بسرعة يا كايلا و هاتيلها هدوم
كارمن في نفسها اغبية هما دول زعماء مافيا و بعدين قالت: لا يا جماعة هدهن رجلي بمرهم و هتكون كويسة
جميلة: سلامتك يا بنتي دي اكيد عين و صابتك
ريناد: ده من دعاوي الناس عليها
كارمن: مش هقدر اقوملك بس لما اخف هوريكي
دنيا: احسن تستاهلي
كارمن: اسكتي بدل ما اجي و اكملك خريطة العالم اللي رسمتهالك على وشك
سراج: يالا كل واحد يروح يكمل نومه و انت يا زياد شيل مراتك و طلعها لاوضتكم
بعد شوية في اوضة سراج و كايلا
سراج: مش عارف اشكرك ازاي يا كارمن
كارمن: اي خدمة يا عم
زياد: من غير كنا هنروح في داهية
كايلا: هو صحيح الورق ده بتاع ايه
سراج: ده ورق في كل اللي يخص المافيا و بلاويهم السودة
كارمن: و انت شايله ليه؟؟؟
سراج: احتياطي عشان اضمن ان كلهم يبقو تحت رحمتي
كارمن: ابقو خلو بالكم من الحرباية اللي اسمها دنيا عشان مش ساهلة و احتمال امها تبقى معاها
زياد: اااا صحيح فكرتني و انا و كارمن لما روحنا نجيب هدومها شوفت ريناد مع جمال
كايلا: عمي!!!!!!
سراج: و بيعملو ايه؟؟؟
زياد: مش عارف هما كانو بيتكلمو في الشقة و الباب كان مفتوح
سراج: في حاجة مش مفهومة لازم نعرفها
كارمن: ابقو اعرفوها بكرة عشان خلاص هنام على نفسي
زياد: تصبحو على خير يا جماعة نكمل بكرة
سراج: و انتم من اهل الخير و حنا مش هنام و لا ايه
كايلا: انا مش جايلي نوم انا حاسة نفسي اني في مسلسل
سراج: بس دي حقيقة مش مسلسل متفكريش كتير عشان متتعبيش
كايلا: حاضر
*********
في صباح يوم جديد
اتجمعت العيلة على الفطار و نزلت كارمن و هي بتعرج و زياد ساندها
سراج بهمس: مراتك بتتقن الدور جدا
كارمن بنفس الهمس: و حياتك و لا بتقن و لا نيلة ده انا و انا خارجة من عندكم اتزحلقت و وقعت على رجلي
كايلا: سلامتك يا قلبي
زياد: كذبتك اتحولت لحقيقة
كارمن: خيرا تعمل شرا تلقى
وتين: اخبار رجلك ايه يا كارميلا
كارمن: الحمد لله بقيت احسن
سراج: اومال فين مرات عمي و بنتها
جميلة: دنيا خرجت من بدري و ريناد لحقتها قبل شوية
سراج: مش من عاداتهم يخرجو بدري
وتين: ده بقالهم اسبوع على الحال ده
جميلة: ملناش دعوة بيهم هما حريين
سراج: لما كانو في بيتهم كانو حريين دلوقتي هما في بيتي يعني اللي يدخل و اللي يخرج يكون باستاذان مني
جميلة: خلاص متتعصبش لما يجيو هبقى اقولهم
خلصو فطار و سراج و زياد خرجو للشغل و البنات قعدو يتكلمو شوية مع جميلة
أنت تقرأ
صراع الهويات
Actionفكرت ازاي تعيش من غير قلق وبالك وضميرك مرتاح ؟ سهلة ... اوعي تعوم علي عوم الناس ولا تجري علي جريهم او تشاركهم عبثهم .. فكر دائماً قبل ما تتكلم واوعي تقول اللي غيرك عاوزك تقوله وجامل من يستحق بكلمة حلوة ولكن ابعد عن النفاق والتملق ودائما اسعى في الخي...