كارمن: اجي فين يا بنت الهبلة
كايلا: في البيت عندي
كارمن: ده انتي بقالك كم ساعة متجوزة اجي اطب عليكي ليه
كايلا: انا زهقانة جدا ما تيجي بقى و بطلي تناكة
كارمن: هاجي و امري لله بس هتاخر شوية
كايلا قفلت معاها و فضلت تتنطط و قالت: yes yes كارملة هتيجي اما اقوم انظف الاوضة شوية
*********
زياد: ايه اللي انت عملتو في ابن مراد انت عارف انو مش حيسكت
سراج: هو غلط و كان لازم يتعاقب
زياد: و حتعمل ايه مع ابوه ده هيكسر الدنيا
سراج: و اعملو ايه انا اروح اعتذرلو و لا استخبا منه زي الستات فوق يا زياد انت بتكلم مين انا ال king
زياد: انا عارف يا سراج انك مش غلطان بس انا خايف عليك
سراج: لأ متخفش و يالا بينا زمان الرجالة جايبين البضاعة عشان نبتدي الشغل
زياد بقلة حيلة: حاضر
قدام مخزن كبير جدا و مليان Bodyguards
سراج: البضاعة سليمة؟؟؟؟
ال Bodyguard قال: كله سليم يا باشا
سراج: كويس انا عايز كل البضاعة اللي هنا تيجي المخزن اللي في البيت عندي
ال Bodyguard: اللي تأمر بيه يا باشا
زياد: ليه يا سراج
سراج: بعدين هتفهم يالا بينا احنا
زياد: يالا نتغدى هموت من الجوع
********
دنيا: هنفضل مستنين ست الحسن و الجمال كتير
زياد: و منستنوهاش ليه ما احنا يا ما ما استنيناكي
جميلة: بس دي طولت قوي
وتين: اهي نزلت
كايلا قعدت و قالت: انا اسفة جدا على التاخير
جميلة: و لا يهمك يا حبيبتي
سراج: مالها ايدك
كايلا: كنت بنظف الاوضة و وقعت مني ازازة ال Perfume بتاعي و اتجرحت
سراج: و تنظفيها ليه اومال الخدم لزمتهم ايه
كايلا: انا قولت انظفها بس
سراج قام و قال: تعالي معايا
كايلا: حاضر
طلعو فوق على اوضتهم و سراج جاب علبة الاسعافات الاولية و عقملها الجرح و لف ايدها بشاش
كايلا: ملوش لزوم كل ده
سراج: مش عايز كلام كتير
كايلا: على العموم شكرا
سراج: هي صحبتك ما جاتش ليه
كايلا: هي قالت هتتاخر شوية
و هما قاعدين بيتكلمو سمعو صوت خناق
سراج: في ايه؟؟؟
كايلا: ده صوت كارمن
كارمن: بقولك ابعد عن وشي و انت شبه الفيل الهندي انت و اللي قدامك ده
ال Bodyguard: مينفعش يا فندم معندناش اوامر ان احنا ندخلك
كارمن: هو لازم امر هو انا داخلة لرئيس الجمهورية خليني ادخل لصحبتي
سراج: ايه اللي بيحصل
ال Bodyguard: في وحدة مجنونة بتقول انها صحبت مراتك يا باشا
كارمن: المجنونة دي تبقى امك
سراج: سيبها تدخل
كارمن قالت بعدما دخلت: فين كايلا
سراج: ادخلي البيت هتلاقيها
كارمن دخلت القصر و هي في اخر شياكتها و لابسة كعب عالي اوي بس لسه قصيرة
كايلا بفرحة: كارمن
كارمن: جزمة قلبي و حضنو بعض
كارمن سلمت على جميلة و وتين و اداتهم كياس فيهم هدايا
جميلة: تعبتي نفسك ليه يا حبيبتي
كارمن: و لا تعب و لا حاجة ازيك يا كايلا
كايلا: انا الحمد لله
كارمن: اهلا يا استاذ زياد
زياد: اهلا يا قمر متشرفناش
كايلا: في ايه يا زياد انت مش عارفها
زياد باستغراب: لأ
كارمن: انا كارميلا يا قتال القتلة
زياد: خلاص عرفتك يا ام لسانين
كارمن: انا ام لسانين؟؟؟؟
كايلا: و ربنا ام 20 30 لسان
كارمن: لو كده ok
ريناد: مش عيب تيجي لعرسان في صبحيتهم
كايلا: كارميلا اهدي علشان خاطري بلاش فضايح
كارمن: فضايح ايه ربنا مايجيب فضايح انا اوعي كده من وشي انا هعرفها غلطها بس
كارمن زقت كايلا من وشها و قالت: صباحية ههههه(ضحكة رقاصة) صباحية مين يا ام صباحية ما احنا عارفين البير و غطاه و بلاش كيد الحموات ده عشان انا مبحبوش
سراج: يخربيت لسانك المبرد ده
كارمن: مبلاش انت يا جوز اختي عشان مش عايزة اقل ادبي عليك انا مش عايزة تاخدو نظرة وحشة عني
زياد: ده اخدناها من زمان
جميلة: تعالي يا كارمن اتغدي معانا
كارمن: ماشي انا جاية بس و حياة ابنك الغوريلا ده (و كان قصدها على سراج) قوليلي كارميلا زي مابتقولي كايلا
جميلة: ماشي يا كارميلا
كايلا لسراج: هي متقصدش هي عفوية شوية
زياد: شوية ايه انا شوية و همسك في زمارة رقبتها
سراج: و مين سمعك
دنيا: انا اتسدت نفسي مش هاكل طلعت و امها وراها
كارمن بمصمصة شفايف: الطف يا لطيف لما المعفن يجي عليه يومو يبقى نظيف
جميلة: كلي يا حبيبتي و ملكيش دعوة بحد
بعد ما خلصو اكل كايلا و كارمن خلصو اكل و طلعو قعدو في الجنينة
كارمن: عاملة ايه مع عيلة ابو لهب دي
كايلا: كلهم كويس ما عدا مرات عمه و بنتها يفضلو يلقحو عليا بالكلام في الرايحة و الجاية
كارمن: و ساكتالهم ليه اديهم كده وش الخشبة عشان يحترموكي
وتين:على فكرة ابيه سراج مسكتلهمش
كارمن: ما علينا من ده عاملة ايه مع جوزك
كايلا حكتلهم على كل اللي حصل و ضرب سراج ليها
كارمن: بصي انا هقولك كلمتين خليهم حلقة في ودانك الراجل زي البلوتوث تقتربي منه يتم الارتباط تبعدي عنه يبحث عن أجهزه أخري
وتين و كايلا انفجرو في الضحك
كارمن: على فكرة انا مش بهزر الحاجة التانية سرك انتي و جوزك تقفلي عليه باب اوضتك و تدفنيه هناك يعني مش لازم يعرفه كل من هب و دب حتى انا
كايلا: حاضر هعمل كل اللي بتقوليلي عليه
كارمن: و انتي يا وتين مفيش حد في حياتك
وتين: بصراحة دلوقتي لأ بس عندي My Ex
كارمن: My Ex تقوليها في لندن عندنا هنا اسمه ابن الوسخة
وتين بضحك: انتي مشكلة يا كارمن
كارمن: قولنا ايه بقى
وتين: كارميلا حلو كده
كارمن: حلو و نص كمان يالا بقى استاذنكم
كايلا: على فين
كارمن: اروح البيت
وتين: ده لسه بدري
كارمن: يا بخت من زار و خفف بعدين دول لسه عرسان هاتيلي شنطتي
كايلا: تعالي ندخل البيت الاول
جميلة: القعدة في الجنينة معجبتكمش و لا ايه
كايلا: لا يا طنط كارميلا مروحة
جميلة: مروحة ايه لسة بدري
كارمن: هبقى اجيلكم مرة تانية يا طنط
جميلة: خليكي قاعدة شوية معانا
كارمن: و الله يا طنط مش هينفع
سراج: البيت بيتك تنوري في اين وقت
كارمن: شكرا لذوق حضرتك عن اذنكم
سراج: زياد وصل الاستاذة كارمن لبيتها
زياد: سواق اهلكم انا
كارمن: لا يا اخويا انا مروحة لوحدي
سراج بحدة: زيااااد
زياد: الله يحرق زياد على اللي جابو زياد على اليوم اللي جا فيه زياد اتفضلي يا هانم قدامي
كارمن: جاية يا اخويا متزقش بس هبقى اكلمكم بعدين يا بنات
وتين: اوعي مترجعيش تاني
زياد: هجيبهالك من بيتها بس نخلص
كايلا: خلي بالك عليها يا زياد
زياد: اخلي بالي عليها انا؟؟؟؟؟ دي هي اللي تخلي بالها عليا
كارمن:الله بقى مش هنروح و لا ايه و لا نفضل لكلك كتشير
زياد: حسبنا الله اتفضلي يا اختي
كارمن و هي بتخرج من الباب: اتفضلت اهو تكير يا بنات
أنت تقرأ
صراع الهويات
Acciónفكرت ازاي تعيش من غير قلق وبالك وضميرك مرتاح ؟ سهلة ... اوعي تعوم علي عوم الناس ولا تجري علي جريهم او تشاركهم عبثهم .. فكر دائماً قبل ما تتكلم واوعي تقول اللي غيرك عاوزك تقوله وجامل من يستحق بكلمة حلوة ولكن ابعد عن النفاق والتملق ودائما اسعى في الخي...