زياد: في ايه مالك سرحان ليه
سراج: شكل العملية قربت تخلص احنا في الحلقات الاخيرة
زياد: يااااه الحلم قرب يتحقق ده انا اقتنعت اني زياد فعلا
سراج: كل الاوراق معانا نستنى بس موافقة الباشا
زياد: و هنعمل ايه مع كايلا و كارمن تفتكر هيسامحونا
سراج: هيسامحونا بس مش بالساهل
زياد: طب استاذن انا
سراج: على فين
زياد: في مزز برا الحق اشقط واحدة منهم
سراج: انت مش قولت انك من يوم ما حبيت كارمن ماتت في عينيك كل الستات
زياد: يحيو و يميت و هو على كل شيئ قدير ايه هنكفر و لا ايه !!!!!!!!!
سراج بغضب: اخرج من مكتبي يا حيوان
زياد: خارج اهو
*********
دنيا: دي الاوراق كلها
...........: شاطرة يا قلبي
دنيا: انا عملت كل حاجة عشانك يا حبيبي
............: عارف يا حبيبتي كده سراج خلاص باي باي
............: امتى بقى يا حبيبي نتجوز
.............: قريب يا حبيبتي اخلص بس من اللي اسمه سراج و قال في نفسه (غبية اوي)
فتح الاوراق و هو بيقلب فيها و هو في صدمة كبيرة
.........: انتي بتستخفليني يا بت
دنيا: في ايه و ايه الكلام اللي بتقوله ده
...........: بصي كده على الورق
دنيا بصت في الورق اللي جابته في صدمة لا تقل عن صدمة المجهول
دنيا: الورق كله ابيض
.............: هو انتي هبلة و لا بتستهبلي انا قولتلك جيبيلي ورق ابيض
دنيا: انا و الله كنت جايبة الورق الصح معرفش حصل ايه
...............: بصي بقى تطلعي تنزلي الورق يكون عندي بكرة و الا انتي عارفة هعمل فيكي ايه
دنيا بخوف: حاضر حاضر
************
سراج: ايه الاخبار
حسن: انا راقبتها زي ما حضرتك قولت
زياد: عرفت مين اللي معاها
حسن: النمر
سراج: كنت متاكد
حسن: و قبل ما دنيا تروح حصلت خناقة ما بينهم
سراج: كده اللعب بقى على المكشوف
زياد: بتفكر في ايه يا king
سراج: اسمعو كويس .................
زياد: يا ابن الايه دماغك دي ايه سم
سراج: كل واحد منكم يعمل اللي مطلوب منه و اوعو اي حركة غبية الغلطة بفورة
زياد: طب و جوز المجانين اللي متجوزينهم
سراج: ربنا يستر منهم
حسن: هو ينفع اقول حاجة
سراج: اتفضل
حسن: انتو هتتشلوحو يا باشا و خصوصا زياد بيه
زياد: و لازمتها ايه بيه بعد الكلام ده
سراج: كل واحد على شغله و اوعى حرف من الكلام ده يخرج برا
حسن: الكلام مات يا باشا
زياد: عيب عليك يا king
***********
كارمن: بقى انتي مخطوبة يا بت و ماتقوليلناش
وتين: هو انتو سالتوني عشان اقولكم
كايلا: و دي محتاجة سؤال
كارمن: و امتى الفرح انا نفسي ارقص
وتين: مش عارفة لسه ابيه سراج مقررش
كارمن: سراج ده واقف زي الشوكة في الزور
كايلا: لو سمعك هيعلقك
وتين: و نستنى الفرح ليه تعالو نرقص دلوقتي
كارمن: ده انا شارية بدل رقص انما ايه جنااااان
وتين: طب يالا احنا مستنين ايه
بعد شوية دخل زياد و سراج البيت و مستغربين من صوت الاغاني العالية و مش اي اغاني دي مهرجانات
سراج: هو احنا دخلنا البيت غلط و لا ايه
زياد: هو ليه انا حاسس ان المصيبة بتاعتي هي اللي ورا ده
سراج بسخرية: حاسس مش متاكد
زياد: ان بعض الظن اثم
و قطع كلامهم نزول كارمن و وراها وتين و كايلا و لابسين بدل رقص محترمة نوعا ما
كارمن: ساااامعة هوووووووس
زياد: احيه ده بيت و لا كباريه
سراج: قلبتو البيت ديسكو
كارمن: كنا زهقانين فقومنا نفرفش عن نفسنا شوية
زياد: ده انتو فرفشتو القاهرة كلها
سراج: اطلعو غيرو القرف اللي لابسينو ده و تعالو على المكتب حاااااالا
البنات طلعت تجري لفوق و غيرو هدومهم بسرعة و دخلو المكتب و كان زياد و سراج مستنينهم
سراج بغضب: بقى فاتحين البيت كابريه
وتين: و الله يا ابيه............
سراج: مش عايز اسمع نفس وحدة فيكم انتو متعاقبين مفيش خروج من اللبيت و هتنامو في الجنينة النهاردة و محرومين من التيليفونات
كارمن: اسكوزمي اسكوزمي بقى ما احنا كنا كويسين التيليفون ذنبه
زياد: و كمان بتردي يا دس المصايب
كايلا: يا سراج انا.............
سراج: خلص الكلام
خرجت البنات من مكتبه و راحو الجنينة زي ما قالهم
كايلا: ربنا يسامحك يا كارمن
كارمن: هو انا ضربتكم على ايدكم ما انتو اللي جيتو بمزاجكم
وتين: الجو ساقعة اوي
كارمن: ده احنا هناخد دور برد مش هنقوم من السرير شهر و ده كله من اخوكي ده حتى ما ادلناش بطانية
جميلة: الجو ساقعة يا ابني كده هيمرضو
سراج: امي بعد اذنك مش عايز كلام في الموضوع ده
ريناد: احسن عشان يتربو شوية و يعرفو ان اللبيت ليه اصول
زياد بهمس: و انتي بنت اصول اوي
جميلة: طب حتى خد لهم العشا دول على لحم بطنهم من الصبح
سراج: مش هديلهم حاجة غلطو و لازم يتعاقبو
جميلة: طب عشان خاطري يا ابني
سراج: حاضر يا امي خلي الدادا تخرجلهم الاكل انا طالع
بعد شوية الدادا خرجت الاكل للبنات اللي كانو بيترعشو من البرد
كايلا: شكرا يا دادا
كارمن: قولي اللي البيه اللي فوق متشكرين مش عايزين حاجة من وشه
كايلا: لا يا دادا متقوليش حاجة
الدادا: اللي تشوفوه
وتين: يا دادا قولي لماما تخلي ابيه سراج يدخلنا ده احنا هنموت من البرد
الدادا: و الله يا بنتي مدام جميلة حاولت معاه كذا مرة و هو مش راضي
وتين: طب شكرا يا دادا تعبناكي معانا
كارمن عطست و كايلا قالت بضحك: بدانا
كارمن عطست مرة تانية و قالت: اتلم المتعوس على خايب الرجا
وتين: و ربنا احنا مسخرة ده لو حد صورنا هنبقى ترند لمدة سنة كاملة
كارمن: اه و الله
كان سراج بيبص عليهم من الشباك و كان عايز يدخلهم بس مش قادر
بعد شوية البنات نامت و هي ساندة على كتاف بعض و سراج و زياد مشافوش ريحة النوم
و اول ما جات الساعة 8 الصبح امر سراج الخدم انهم يدخلو البنات
كانت جميلة واقفة قدام الباب و اول ما دخلت البنات حضنتهم و لكن بعدت عنهم بسرعة
جميلة: دول متلجين
و حرفيا البنات كانو في حالة يرثى لها و شفايفهم كانت زرقة بمعنى الكلمة و سراج و زياد حسو بالذنب
جميلة طلعت البنات على توضتها و غطتها كويس و خرجت و قالت: ربنا يسامحكم كده تعملو فيهم
بعد شوية دخلت جميلة عشان تطمن على البنات لان بقالهم 6 ساعات نايمين و لقاتهم على نفس وضعهم نايمين حاولت تفوقهم بس من غير فايدة و حطت ايدها على جبين وتين لقاتها سخنة مولعة و نفس الحال مع كارمن و كايلا حاولت تعملهم كمادات بس مجبتش اي مفعول فاتصلت على السراج
جميلة: الحقني يا سراج
سراج: في ايه يا امي
جميلة: البنات مش راضية تفوق و حرارتهم عالية جدا
سراج: اتصلي على الدكتور لحد ما اجي
جميلة: طب متتاخرش يا ابني
سراج: مسافة السكة و آجي
أنت تقرأ
صراع الهويات
Actionفكرت ازاي تعيش من غير قلق وبالك وضميرك مرتاح ؟ سهلة ... اوعي تعوم علي عوم الناس ولا تجري علي جريهم او تشاركهم عبثهم .. فكر دائماً قبل ما تتكلم واوعي تقول اللي غيرك عاوزك تقوله وجامل من يستحق بكلمة حلوة ولكن ابعد عن النفاق والتملق ودائما اسعى في الخي...