صراع الهويات

الفصل الاول

جمال: هتتجوزيه و رجلك فوق رقبتك
كايلا بعند: مش هجوزو
جمال مسكها من شعرها و قال: هتتجوزيه انا مش مستعد ان اخسر حياتي
كايلا: لو عايزه جوزو لبنتك
جمال: مش هرمي بنتي لنار بايدي و يالا اجهزي شوية و هيجي ياخدك و افتك منك و من قرفك
*******
زياد و هو بيطبل على الباب: اخويا هيتجوز يا جدعااان
سراج بصله و سكت
زياد: ايه يا عريس مش فرحان ليه ده حتى النهاردة فرحك
سراج: عارف لو عدت كلمة عريس دي تاني هخليك تمشي على عكاز طول عمرك
زياد: ربنا يعين العروسة ده انت هطلع عينها ببرودك ده
سراج: يالا عشان اتاخرنا
زياد: مين هييجي معانا
سراج: جميلة هانم و وتين
زياد: و مرات عمك و بنتها
سراج: مضنش هييجو
زياد: تلاقيها بتاكل نفسها من الغيظ بعدما كنت خطيب بنتها دلوقتي بتتجوز وحدة غيرها
في اوضة تانية كانت بنت رايحة جاية و هي بتقول
دنيا: ازاي يا ماما يسبني و يروح يجوز
ريناد: مش عارفة بس اللي اعرفو مش هخليهم يتهنو
دنيا: هموت يا مامي
ريناد: متقوليش كده يا قلب مامي هوريكي هعمل فيهم ايه
******
سراج: خلصتو و لا لسه
جميلة: ايوة خلصنا
زياد: ايه القمر ده يا خالتي
جميلة: انا كم مرة قولتلك متقوليش خالتي
وتين: اومال يقولك ايه يا ماما
زياد: اختي حبيبتي اللي بدافع عني
سراج ببرود: خلصتو موال كل يوم يالا اركبو العربيات
دنيا و هي نازلة على السلم: مش هتستنونا و لا ايه
زياد: انتو جايين معانا ليه
ريناد: مش معقول ابن سلفتي يجوز و مروحش معاه
زياد: يالا اطلعو زمان سراج هيولع فينا على التاخير ده و قال في سره يا رب العروسة اللي جاية تييجي تطلع عينيكم
******
كارمن: و انتي ازاي توافقي على حاجة زي دي
كايلا: هعمل ايه بس يا كارميلا انا تعبت منهم
كارمن: طب العريس مين احنا نعرفو؟؟؟
كايلا: انا مشفتوش عمي الصبح قالي جهزي نفسك عريسك هييجي ياخدك
كارمن: متقوليش عمي عشان متغاباش عليكي
كايلا: انا هتجوز و ابعد عنهم اكيد مش هيعمل فيا اكتر ماهما عملوه
كارمن: الله يسامح ابوك جابلنا ابو رجل مسلوخة ده و خلاه مسؤول عليكي 
كايلا: كارميلا انا هديكي مفتاح الفيلا بتاعت بابا و ماما الله يرحمهم خليهم معاكي و كمان هدخل في حسابك فلوسي كلها
كارمن: ليه بس يا كايلا
كايلا: انا مش ضامنة هيحصل ايه بعد كده
كارمن: ان شاء الله مش هيحصل حاجة يالا عشان نجهز
كايلا: انا خايفة اوي من اللي جاي
كارمن: لا يا عروسة فرفشي كده احنا عندنا فرح تعالي لما اسشورلك شعرك
بعد مدة وصلت سيارات فخمة جدا جنب عمارة من الطبقة المتوسطة
جمال: اهلا يا سراج بيه
سراج ببرود: اهلا
جمال: نورتي البيت يا هانم
جميلة: شكرا ده من ذوقك
قعدو في الصالون و كانت الشقة فخمة نوعا ما
جميلة: طبعا انت عارف يا استاذ جمال احنا جايين في ايه جايين عشان نطلب ايد بنتك لابني سراج
جمال:و انا مش هلاقي احسن منكم عشان اناسبكم
سراج: مش هنشوف العروسة و لا ايه
جمال: شوية و تخرج يا سراج بيه انت عارف البنات و تجهيزاتهم
و هما قاعدين سمعو صوت صراخ من احدى الاوض
كايلا: شعري حرقتيلي شعري
كارمن بصراخ: و انا مالي يا لمبي ما انتي اللي بتتحركي كتير اعملك ايه
كايلا: كان يوم اسود يوم ما نديتلك تعمليلي شعرك
كارمن: و الله لروح و اخليكي شبه امنا الغولة كده و اطفش العريس منك
كايلا: طب اسكتي انتي سمعتي العمارة كلها
ريناد: ابتدينا شغل السرسجة ده
سراج: ست الحسن و الجمال دي مش هتخرج
جمال: هدخل اشوفها
جمال دخل للاوضة عند البنات و قال: مش هتخلصو و لا ايه الباشا برا و بيستنا
كارمن بصوت عالي: بقولك ايه انا ساكتة من الصبح و حاطة لساني جوة بوقي عشان عاملة اعتبار للاتنين اللي ماتو بس و غلاوتهم عندي لو ما خرجت دلوقتي و قعدت جنب الباشا بتاعك لوريك وشي التاني و انت عارفه كويس
كايلا بخوف: خلاص يا كارمن اهدي و بصت لجمال و قالت دقيقة و هخرج
جمال: لو اتاخرتي انتي عارفة هيحصل فيكي ايه
كايلا: عارفة عارفة
كارمن: اترزعي هنا خلينا نخلص في يومنا اللي مش راضي يعدي
زياد: يخرب بيت لسانها المبرد ده ان شاء الله تكون العروسة قصدي بعد الشر
سراج: هي و لا غيرها هتشوف هعمل فيها ايه
زياد في نفسه: يا عم اتنيل في خيبتك دي شكلها هتطلع عينك
جمال: هتخرج اهي اشربو قهوة
بعد وقت قصير خرجت البنات من الاوضة و كايلا كانت جميلة جدا بفستانها الابيض الرقيق و كارمن كانت لابسة فستان اسود
زياد بتصفير: مين القمرات
كارمن: لم نفسك بدل ما المك انا
كايلا قعدت قدام جمال و كارمن و هي ساكتة
جميلة: مين فيهم العروسة
جمال: دي بنت اخويا كايلا و زي بنتي
كارمن: بطل كذب بدل ما السقف يقع علينا
جميلة: تعالي يا حبيبتي اقعدي قدامي
كايلا قعدت جنب جميلة بكل هدوء
جميلة: بسم الله ماشاء الله ربنا يحفظك
زياد: هي العروسة خرصة و لا ايه
كارمن: لا بتتكلم بس خجولة حبيتين تلاتة
وتين: عروستك حلوة اوي يا ابيه سراج
دنيا: و لا حلوة و لا حاجة دي عادية خالص
كارمن: بدانا نفسنة من دلوقتي بصي يا اختشي احنا نكون خفاف لطاف مع بعضينا عشان ما اجيش و انتفلك شعرك شعرة شعرة
ريناد: انتي ازاي تتكلمي مع بنتي كده
كارمن: ليه هي بنت الوزير و انا معرفش
كايلا: خلاص يا كارمن
كارمن: هو انتي حظك عامل كده ليه عيلة تعر
سراج لزياد: شوف المؤذون اتاخر ليه
زياد: شوية و هاييجي متخافش
كارمن: هو بالصلاة على النبي كده مين فيكم العريس
زياد: هو العريس و انا صاحبه
كارمن حطت رجل فوق رجل و مسكت فنجال القهوة و قالت: اممممم و على كده بتشتغلو ايه
زياد: ما بلاش
كارمن: لا انا عايزة اعرف
زياد: تجار
كارمن: تجار ايه بقى
سراج: سلاح تجار سلاح و مخدرات
كارمن تفت القهوة من بقوها و قالت: منور يا باشا
زياد: جيبتي ورا ليه مش كنتي عايزة تعرفي
كارمن بصت لكايلا اللي مصدومة و قالت: انا نفسي اعرف النحس ده جايباه منين
المؤذون جا و كتب الكتاب و اول ما خلص
كارمن: لولولولولولي مبروك الحبس يا كايلا
زياد: بتخوفي البنت ليه
كارمن: ما هي دي الحقيقة يا اخويا صحبتي اتجوزت زعيم مافيا و قتال القتلة
سراج: انتي خليتيني قاتل
كايلا: هي متقصدش انا اسفة عنها
زياد: انتي مش هادية زيها ليه
كارمن: و انت مال اهلك اكون هادية مجنونة انت ماالك
زياد: انتي ازاي تتكلمي معايا كده انتي متعرفيش انا مين
كارمن: هتكون مين يعني دكتور بطنة ما انت قاتل زي صاحبك و قعدو يتخانقو
سراج صبرو نفذ و مسك ……………

قولولي بقى عجبتكم القصة الجديدة و لا لأ قولولي رايكم بحبكم اوي سلااااام 👋🏻👋🏻👋🏻👋🏻👋🏻