كارمن: اهي اخرة معرفتكم السودة اتسجنا بسبب ولادك يا جميلة
جميلة: متقوليش ولادي
كايلا: هو احنا هنفضل هنا كتير
وتين: لا طبعا اكيد ابيه سراج هيخرجنا
كارمن: يخرجك ازاي و هو متلقح في السجن
دخل العسكري و قال: اللواء عايزكم
جميلة: ليه في حاجة
العسكري: روحيلو و انتي هتعرفي
العسكري اخد جميلة و البنات و دخلو مكتب كان فيه راجل في الخمسين و معاه تلات شباب
اللواء منصور: يا اهلا يا اهلا اقعدو اجيبلكم حاجة تشربوها و كان بيرحب بيهم بطريقة over
كارمن: لا مؤاخذة في السؤال هو انتم بتعاملو مسجينكم كده و لا انا في حلم و لا ايه اللي بيحصل
هو في نفسه: الغبي غبي
اللواء منصور: انتي اكيد كارمن
كارمن: ايوة انا الزفتة
كايلا: ممكن اسالك سؤال
اللواء: ايوة اكيد
كايلا: فين سراج و اللي كان معاه
..........: هو احنا معندناش اسم و لا ايه ايه اللي معاك دي
كايلا: حضرتك بتقول حاجة
..........: ها مبقولش حاجة
اللواء: لسه بيتحقق معاهم
وتين: و امتى هيخرجو
اللواء: دول تجار مخدرات مش ممسوكين في قضية سرقة
كارمن: يعني ايه؟؟؟؟ هما مش هيخرجو؟؟؟
اللواء: مش كده بس دول ممكن ياخدو اعدام
البنات كانت مصدومة و متكلموش
اللواء: احنا المعلومات اللي جاتلنا بتقول انهم خطفوكم و جبروكم انكم تقعدو معاهم
كايلا: لا محصلش
كارمن: مش عيب عليك راجل وقور و كبير زيك كده و معلوماتك تجيلك غلط دي حتى عيبة في حقك
اللواء: افهم ايه من كلامكم
كارمن: احنا كنا معاهم بمزاجنا يعني مش اجبار و لا اي حاجة من اللي قولتها
..........: اصيلة يا كارميلة قلبي
كارمن باستغراب: هو انت تعرفني يا اخ انت
اللواء: اقدملكم مالك و تيم و عدي اقوى رجال المخابرات عندنا
كايلا: و احنا نتعرف بيهم ليه
مالك: للدرجة دي مش عارفاني
كارمن: انا مخي عمل error ما تقولو انتو مين و تخلصونا
مالك: انا سراج
تيم: و انا انيس
عدي: و انا زياد
كارمن: فين رامز
عدي: رامز مين
كارمن: رامز جلال مش ده مقلبه الجديد
اللواء: ده مش مقلب دي الحقيقة
كايلا: ازاي حقيقة ده مش جوزي لا مظهر و لا هيئة
كارمن: و بعدين زياد كان شعره اسود امتى بقى شعره اشقر و كمان كانت بشرتة فاتحة و ده لون بشرته سمرا
عدي: يا ستي و الله انا زياد جوزك
كارمن: طب هات امارة و انا اصدقك
عدي: مش فاكر بصراحة
كارمن: يبقى انت مش زياد
مالك: يا عم افتكر اي حاجة و خلصنا
كارمن: و تبقى انت مين ان شاء الله
مالك: انا سراج او اللي كنت سراج
جميلة: بقالي خمس سنين مشوفتش هيئتكم الحقيقية
تيم: و اديكي شوفتينا
وتين جريت و حظنته بقوة: وحشتني اوي يا تيم
تيم: و انتي كمان يا قلبي
كارمن: يالهوي البنت انحرفت بتحضني راجل يا وتين بقى دي اخرتها طب و الله لاقول لانيس
تيم: ما انا انيس
كارمن: و الله ما هتفاجأ انتو عيلة مجنونة اصلا و هتجننوني معاكم
كايلا: يا جماعة بجد كفاية حد فيكم يفهمنا الموضوع
مالك مسك ايدها و قال: انا هفهمك
كايلا: سيب ايدي كده يا اخ انت هي وكالة من غير بواب
مالك بصدمة: اخ و ايه كمان جرالك ايه يا كايلا
كارمن: تربيتي عليا الطلاق تربيتي
عدي: و فرحانة كده ليه
كارمن: ملكش دعوة انت
كايلا: حد يفهمني و الا قسما بالله لاسيبكم و همشي
اللواء: خلصتو فقرتكم كل واحد يقعد مكانه و انا هفهمكم
الكل قعد و اللواء بدأ يشرح: اولا اعرفكم بنفسي انا اللواء منصور البحيري و ده مالك الزنيتي اقوى مقدم في الجيش و ده عدي الاحمدي و تيم البحري ابني برتبة رواد الحكاية ابتدت يوم ما والد كارمن و كايلا ماتوا في حادثة كنا شاكين انهم اتقتلوا لانهم كانوا بيعملو لحسابنا ايوة متستغربوش فضلنا ندور و ندور بس ملقيناش حاجة لحد في مرة و احنا بندور على اي حاجة تفيدنا لقينا لابتوب بتاع والد كايلا و لقينا فيه فيديو بيشرح فيه كل حاجة بتخص المافيا و قرفهم و انه هو و والد كارمن اتلقوا رسلات تهديد كتير و قالنا كمان انه سايب كل الادلة في فلاشة في مكتبة بس ملقيناش فيها غير فيديو لكايلا و هي صغيرة كانت بتغني ساعتها فقدنا الامل بس لما مالك اترقى حب انه يفتح القضية من جديد و دخل في حياة المافيا هو و عدي و تيم بكل سرية و لما عرفنا ان المافيا بدور و راكم انتو الاتنين بعتنا عدي و مالك عشان يحموكم
كايلا: هي الفلاشة دي لسه معاكم
اللواء: ايوة
كايلا: ينفع اشوفها
اللواء: ليوة بس ليه
كايلا: في حاجة مهمة عايزة اتاكد منها
اللواء منصور جابلها الفلاشة و الكل اتفرج على الفيديو و هي قالت: بابا مكنش يقصد الفلاشة دي
مالك: فهمينا بالراحة يا كايلا
كايلا: انا عارفة الاوراق دي فين
اللواء: مستنين ايه روحو جيبوها
تيم: يالا يا رجالة
وصلو لشقة متهالكة و هي فتحتها و دخلت لاوضة عبارة عن مكتب و كان طرازه قديم شوية جريت على لوحة كبيرة متعلقة و كان شكلها كده

كايلا: بابا كان عامل لغز عشان لو الفيديو اللي كان في اللابتوب بتاعه لو وقع في ايد المافيا ميخدوش الاوراق فربط الفيديو اللي كنت بغني فيه باللوحة دي
مالك شال اللوحة و كانت وراها خزنة
عدي: و هنفتحها ازاي دي بقى
كايلا: متبصوليش معنديش اي فكرة
تيم: افتكري اي حاجة
مالك قرب من كايلا و شد السلسلة من رقبتها
كايلا: سلسلتي دي هدية من بابا ازاي تشدها بالشكل ده
مالك مدهاش اي اهتمام و بص على السلسلة اللي كانت مرسومة نوعا ما بنفس اشكال اللوحة و لقى فيها ارقام كتبها على قفل الخزنة و اتفتحت ظهر صندوق فتحه و لقى فيه اوراق كتير و فلاشات اكتر قرا محتواهم و ابتسمت على ثغره ابتسامه خبيثة و قال
مالك: هي دي المستندات اللي كنا بندور عليها
نرجع تاني للمبنى جهاز المخابرات حيث كان الكل متجمع
اللواء: دي بلاوي القضايا دي متورط فيها اكبر رجال اعمال في البلد
مالك: احنا لازم نصرف بذكاء
عدي: احنا كده معانا الاوراق اللي بتثبت انهم متهمين ما نقبض عليهم و نخلص
تيم: الامر مش بسهولة دي يا عدي
اللواء: الوقت اتاخر و مش هينفع نتكلم هنا انتو روحو و هنتجمع بكرة و نعمل الخطة
كارمن: علليييك نووور انا هقوم اروح و انتو اولعو مع بعض مليش دعوة بيكم انا عايزة انام
عدي: يالا
كارمن: يالا فين؟؟؟
عدي: نروح بيتنا
كارمن: هو على قفايا ختم و انا مش عارفة و لا تكونش فاكرني عندي الزهايمر و مش هفتكر
عدي: تفتكري ايه؟؟؟؟
أنت تقرأ
صراع الهويات
Acciónفكرت ازاي تعيش من غير قلق وبالك وضميرك مرتاح ؟ سهلة ... اوعي تعوم علي عوم الناس ولا تجري علي جريهم او تشاركهم عبثهم .. فكر دائماً قبل ما تتكلم واوعي تقول اللي غيرك عاوزك تقوله وجامل من يستحق بكلمة حلوة ولكن ابعد عن النفاق والتملق ودائما اسعى في الخي...
