كارمن: يالا رني عليهم نشوف
عدي: خليتهم يتصلو مرة تانية ليه هو في القانون مسموح باتصال واحد بس
اللواء: بصراحة حبيت الموضوع و عايز اكمل للاخر و اشوف هيحصل ايه
عدي: يالهوي يالهوي هيتخرب بيتي منكم لله
تيم: شكل مراتاتكم حطو الموضوع في دماغهم و مش هيرتاحو غير لما يخرجو من هنا
مالك: هنشوف مين هيكسب في الاخر
بعد دقايق معدودة دخل راجل في الاربعين من عمره و وراه راجل تاني في اواخر التلاتين شكلهم بيدل على انهم مسكين مناصب مهمة في البلد
سامي: السلام عليكم ازيك يا سعادة اللواء منصور
اللواء: اهلا اهلا يا استاذ سامي اخبارك ايه
سامي: و الله الحمد لله اخبارك انت ايه
كارمن: يا دي النيلة هو بخير و انت بخير ادخلو في المفيد بقى
احمد: في ايه يا كارميلا ما تهدي شوية بقى اعصابك مش كده
كارمن: ما انت شايف اخوك بيعمل فيا ايه انا جايباه يخرجني و هو بيقوله ازيك و ايه اخبارك ناقص يعزمو على قهوة في الكافتيريا
سامي: و انا اقدر اسيب كارميلا في المكان ده انا هحل الموضوع متقلقيش
عدي: هو انا كيس جوافة هنا و انا لابس طاقية الاخفاء
احمد: مين ده
كارمن: ده طليقي اعتبرو مش هنا
عدي: طليقك؟؟؟؟ و حياة امك
كارمن: بتجيب في سيرة امي ليه يا ابن سامية القرعة
عدي: بتشتمي امي يا بنت ....... و الله لوريكي
استخبت كارمن و را احمد و قالت: و النبي متخليش الغول ده يقرب مني يا ابو حميد
احمد: اهو عشان ابو حميد دي هسيبو عليكي
كارمن: و حياة امك ياسمينة السمينة ما انت متحرك من مكانك
احمد: بس امي مسمهاش ياسمينة
كارمن: بس سمينة
عدي: سيبني عليها يا مالك و الله لاضربها
كارمن: طب لو راجل اعملها
احمد: اتهدي يا بت ده عامل زي التور المجنون و لو مسكك مش هنلاقي حتى عظمك
اللواء: باااااااااس
الكل سكت و الصمت ساد كل الغرفة
اللواء: انا هطلع مع استاذ سامي دقيقة و ارجع و على الله اشوف المنظر ده مرة تانية
خرجو و عدي و كارمن بيبصو لبعض بغيظ اما مالك و كايلا بيبصو لبعض بنظرات تحدي و تيم قاعد مع
وتين بيحبو في بعض و جميلة قاعدة و بتبصلهم
رجع اللواء و قال: تقدرو تخرجو
مالك: نععععععم
عدي: ايه الكلام ده هو مش .........
اللواء: مش عايز كلام تاني كايلا و كارمن خلاص تقدرو تخرجو و كان حاجة محصلتش
كارمن: ما كان من اولها لزمتو ايه كل اللي عملتوه ده ده احنا داخلين على اليوم التاني و احنا في المكتب ده جاتكم نيلة تاخدكم ما ترجعكم يالا يا ابو حميد يالا يا كايلا نخرج من المكان المعفن ده عشان لو فضلنا هنا هنطول و لما نطول يبقى في بارت جديد و لما يبقى في بارت جديد انفال هتضطر تكتب و هتعلقنا بعدين
انفال(انا): الحمد لله انكم فهمتو نفسكم يالا اتكلوا على الله هوّوونا
كايلا: متزقيش بس انا جاية اهو باي باي يا طنط جميلة باي باي يا وتين
كارمن: هنبقى نزوركم و نجيب في سيرة الناس تاني
جميلة: خلو بالكم من نفسكم
كايلا: حاضر يا طنط و بصت على مالك بنظرات انتصار و خرجت
احمد: يالا اخرجي
كارمن: لأ اخرج انت الاول
احمد خرج و هي خرجت و رزعت الباب حتت رزعة المديرية كلها سمعت
احمد: اااه يا بنت المجانين
عدي: اقسم بالله هبلة
اللواء: انت مستحملها ازاي يا ابني
عدي: و الله الصبر ده من عند ربنا انا بذات نفسي معرفش انا ازاي مستحملها
و برا المديرية
كايلا: شكرا جدا ليكم انتو بجد انقذتونا
احمد: متقوليش كده ده احنا اهل و لا ايه يا كارميلا
كارمن: اهل اه بس بعيدا عن امك و مراتك ام اربعة و اربعين
احمد: هو انا مقولتلكيش
كارمن: و انت من امتى بتقول حاجة
احمد: مش انا اتجوزت عليها
كارمن: احلف كده
احمد: و الله و لو مش مصدقاني اسالي سامي
سامي: و زيادة الخير خيرين العروسة هي رباب
كايلا بصدمة: احيييه
كارمن: بكركديييه هو انت من امتى بتحب رباب و لا بطيقها انت فاكر اخر مرة عملت معاها ايه و من ساعتها و هي مش طايقة تبص في وشك
احمد: و هي لسه كده لحد دلوقتي
كايلا: بس ان جيت للحق البنت حلوة جدا و بتموت فيك كمان لولا الحركة ال ........
احمد: ال ....... ايه
كارمن: الحركة الناقصة اللي عملتها معاها هي مكسوفة تقولهالك بس انا لأ
كايلا: لما هي مش طايقاك قبلت تتجوزك ليه
احمد: عشان حلاوتي و طعامتي
كارمن: يا شيخ اتنيل قال حلاوتي قال
سامي: تعالو نروح البيت و بعدين نبقى نحكي
كارمن: بيت ايه ودوني بيتي الاول
سامي: ليه؟؟؟؟؟
كارمن: استحمى و انظف و بعدين اروح معاكم امكم بصراحة لسانها طويل و لو شافت منظري كده هتقعد تتريق لحد بكرا هي و مرات ابو حميد لعقربة و انا لساني اطول منها و مش هقدر امسكو و انتو عارفيني
سامي: خلاص خلاص اركبو
مالك: سيبتهم يخرجو ليه
اللواء: انتو هتقدرو تستحملو انهم يقعدو في السجن مع المجرمين؟؟؟ اي نعم كارمن قد 100 واحدة منهم و كايلا كمان بس مش هنقدر نخاطر بيهم ثم ان سامي و احمد مش هيسيبو بنت خالهم و كارمن مش هتسيب كايلا خصوصا ان هما مش عليهم اي حاجة تثبت انهم متهمين و هيخرجو منها بقوة القانون و لو حصل ده هتتعقد العلاقة بينكم و اجهزو عشان بكرا نتمم العملية
مالك مسح وشه بغضب و قال: ماشي يالا يا امي عشان نروح
في فيلا كبيرة و فخمة كانت قاعدة ست في الستين من عمرها بس بتبان شرانية اوي و قدامها ست في اواخر العشرين و على وشها نفس الشر اللي عند الست الاولى
رحمة: و هتسيبيهم ييجو و يقعدو هنا يا خالتي مش كفاية القرشانة اللي قاعدة فوق
فايزة: صبرهم عليا بس ان ما وريتهم مبقاش انا فايزة
دخل سامي و احمد و وراهم البنات
كارمن: السلام عليكم
فايزة: و من امتى الاحترام ده كلو يا بنت اخويا
كارمن: يا مثبت العقل و الدين يا رب في ايه يا عمتي داخلة فيا زي القطر كده ليه هو انا قولتلك حاجة
فايزة: مبحبكش يا اختي و بعدين انتي قاعدة هنا في بيتي يعني تقعدي باحترامك يا اما تورينا عرض كتافك
كارمن: اولا عشان تبقي بس فاهمة ولادك هما اللي اصرو انهم يجيبونا هنا يعني لولا مش هما كنت و لا جيت و لا شفت وشك من الاساس انتي و البومة اللي جنبك و ثانيا بقى انا ماشية و ابقي اشبعي ببيتك يا ام بيت يالا يا كايلا
احمد: استني بس يا كارميلا رايحة فين
كارمن: رايحة مكان ما جيت يا اخويا اقعد في بيتي معززة مكرمة و لا حرقت الدم اللي انا فيها
كايلا: بعد اذنك يا استاذ احمد سيبنا نرجع بيتنا احنا مش ناقصين مشاكل و انت عارف كارمن و جنانها و ممكن تصور قتيل هنا فمن فضلك سيبنا على راحتنا
رحمة: .................
أنت تقرأ
صراع الهويات
Actionفكرت ازاي تعيش من غير قلق وبالك وضميرك مرتاح ؟ سهلة ... اوعي تعوم علي عوم الناس ولا تجري علي جريهم او تشاركهم عبثهم .. فكر دائماً قبل ما تتكلم واوعي تقول اللي غيرك عاوزك تقوله وجامل من يستحق بكلمة حلوة ولكن ابعد عن النفاق والتملق ودائما اسعى في الخي...
