نرجع لابطالنا الوضع كان متوتر جدا و العربيتين قربو جدا من عربية سراج و بدأو يطلقو النار
كل العربيات وقفت و بدا تبادل اطلاق النار كايلا كانت بتترعش من الخوف و سراج و ال Bodyguards
بيضربو النار
و اللي كانو في العربيتين معظمهم اتصابو و الباقي ركبو العربية و هربو
سراج بغضب: العربية دي تجيلي حالا
حسن: حاضر يا باشا
سراج دخل للعربية عشان يطمن على كايلا
سراج: انتي كويسة
كايلا بعياط: انا عايزة اروح دلوقتي
سراج: اهدي خلاص محصلش حاجة
كايلا: كل ده و محصلش حاجة
سراج: ده العادي
كايلا: و الله ده العادي بتاعك مش بتاعي ده نش ذنبي عشان يحصل معايا كل ده
سراج: ذنبك اتجوزتي زعيم مافيا
كايلا: انا مكنتش موافقة و انت عارف كده كويس
سراج: انا دافع فيكي مليون و نص و عمك سارق مني 2 مليون يعني 3 مليون و نص
كايلا: ما انا قولتلك اديهوملك و انت اللي رفضت
سراج: مش بمزاجك يا حلوة انا اللي بقرر
كايلا: يوووه خلاص فهمت مش هنروح و لا ايه
سراج: صوتك عالي و انتي عارفة اني محبش ده
كايلا: انا هريحك
نزلت من العربية و رزعت الباب وراها و فضلت تمشي
سراج: ااااه يا بنت المجانين
مشي وراها بالعربية و هي تجري لحد ما وصلو لشارع ضيق متقدرش العربية تدخل منه
دخلت كايلا الشارع ده و هو ركن العربية و دخل وراها
دخلو لمكان شبه مهجور و كايلا وقفت عن الجري و هو جا وراها
سراج: بقى بتهربي مني
كايلا: انت اللي على طول بتتعمد تستفزني
سراج: بستفزك ايه يا بت ده انا عارفك من تلات ايام
كايلا: بعيدا عن الموضوع احنا فين
سراج بص على المكان و قال: احنا في خرابة
قرب منهم واحد شكله بلطجي و قال: انتم مين يا بشوات و عايزين ايه
كايلا: احنا كنا ماشيين و تهنا بس
سراج: هو انا شفاف بالنسبالك بتردي بصفتك ايه
كايلا: مش هو اللي سأل
سراج: سألني انا مش انتي
كايلا: على فكرة هو سالنا احنا الاتنين مش لوحدك
سراج: انا الراجل انا اللي برد
البلطجي: خلصونا من حوار قالي و قولتلك انا مش فاضي
سراج: و انت عايز ايه
البلطجي: انتو بالصلاة على النبي تنفضولي نفسكم
كايلا: ننفضلك ازاي يعني
البلطجي: يعني تخرجو كل اللي معاكم فلوس موبيلات كده يعني
سراج: مش معانا حاجة و مش هنديك اي حاجة
البلطجي طلع مطوة و قال: يبقى تتشاهدو يا رجالة في ضيوف جديدة
بدا رجالة او بالاصح بلطجية يطلعو من كل حتة و يتلمو عليهم سراج طلع مسدسه و يصوبو نحيتهم و هما بعدو شوية جا يضرب طلقة في الهوا المسدس طلع فاضي
سراج: تعرفي تجري
كايلا: ايوة اعرف
سراج: اجرييييي
بداو يجرو و البلطجية يجرو وراهم و كايلا قلعت الكعب و هي بتجري و سراج بيشتم فيها لحد ما لقوا في وشهم حيطة سد
********
.........: يعني ايه مخلصتش عليه
.........: العدد كان اكبر مننا بكتير
.........: غبي انتو تختفو و مشفش وشكم لغاية ما الدنيا تهدى
.........:هتعملي ايه
.........:هصرف انا بمعرفتي
*********
قدام المقبرة دخلت كارمن و قرات الفاتحة قدام قبر امها و ابوها و قعدت قدامهم و هي بتقول
كارمن: سبتوني ليه الدنيا بعدكم وحشة اوي انا تعبت بعدم ما روحتو فضلت تبكي شوية و قاطعها
.......: اتفضلي يا انسة المنديل ده
كارمن بصتله و قالت: شكرا هو انت !!!!
زياد: مش عاجبك و لا ايه
كارمن: بتعمل ايه هنا
زياد: جيت اشمس
كارمن: ابو تقل دمك
زياد: جاي عشان ادعي لامي
كارمن: ربنا يحرمها يا رب
زياد: أمين هو انتي مروحة
كارمن: ايوة
زياد: تعالي اوصلك
كارمن: مش عايزة اتعبك
زياد: لا تعب و لا حاجة انا اصلا فاضي
كارمن: ماشي
**********
في غرفة ظلمة كان بطلنا و بطلتنا متربطين بس وش كل حد فيهم في اتجاه
سراج: الحمد لله انهم مربطوناش في وش بعض عارفة لو عملو ده كنت هديكي بالروسية اخليك تنامي شهر قدام
كايلا: هو انا عملت ايه
سراج: و لا حاجة احنا هنروح في داهية بسببك بس شوفتي معملتيش حاجة خالص
كايلا بدموع: و هنعمل ايه انا خايفة
سراج: و بتعيطي ليه دلوقتي بعد ما لبستينا في حيطة بقى انا سراج زعيم اكبر مافيا يتعمل فيا كده
كايلا: انا اسفة و الله لو خرجنا مش هعمل كده تاني
سراج كان بيحاول يفك الحبل بس كان بيضغط جامد على كايلا
كايلا: اااااه
سراج: استحملي شوية
كايلا: انت بتضغط عليا جامد هو انت مش شايف الفرق اللي مابينا
سراج: اسكتي شوي خليني اركز
كايلا: تركز ايه هو انت في امتحان رياضة
سراج: لسانك بدأ يطول
كايلا: ااااه هتفعصني
سراج: فكيت الحبل اهو
كايلا: بعد ايه بعد ما جرحتني
سراج: اعملك ايه اسيبك مربوطة يعني
كايلا: و دلوقتي نعمل ايه بقى
سراج: صوتي
كايلا: نعم
سراج: صوتي ايه مش سامعة
كايلا: لأ مش عارفة
سراج: مشوفتيش افلام
كايلا: لأ
سراج: طب عندك فكرة على الصويت
كايلا: معنديش فكرة بس كنت بشوف كارمن و هي بتصوت
سراج: حلو جدا قلديها
سراج استخبا ورا الباب و في ايدو خشبة
كايلا باسلوب الرقة: ياااالهوي يا خرااابي
سراج: الله يخربيتك هتودينا في داهية
و اول ما فتح الراجل الباب و دخل سراج خبطو بالخشبة على دماغه
سراج: تعالي ورايا
بداو يتسحبو زي الحرامية و خرجو من المبنى المهجور اللي كانو فيه و فضلو يمشو لحد ما شافوهم مجموعة من البلطجية و طلعو يجرو وراهم بس المرة دي قدرو يهربو منهم و خرجو من المكان كله
كايلا: الحمد لله اننا خرجنا
سراج: ده انا هعلقك في البيت اركبي اركبي العربية
********
وتين: برن عليه يا ماما من الصبح مبيردش
جميلة: هيكونو راحو فين بس
زياد: انا هخرج ادور عليهم
ريناد: عاملين كل ده ليه دول كبار على فكرة
زياد: و ده مش مانع انهم يكونو بامان
جميلة: روح يا ابني دور عليهم
سراج: لا يروح و لا ييجي احنا جينا اهو
جميلة: كنت فين يا ابني
سراج: مفيش كنا قاعدين على البحر و الوقت سرقنا
زياد: و الوقت سرقك لحد الساعة وحدة بالليل
وتين: كل ده مش مهم المهم انهم بخير
سراج: احنا طلعين نرتاح
في اوضة ابطالنا و بعد ما استحمو و غيرو هدومهم كايلا وقفت قدام سراج و هي منزلة راسها زي الاطفال و قالت: انا اسفة
سراج بصلها و كان هاين عليه يضحك من منظرها بس لم كل ذرة صرامة عنده و قال: و ينفع ايه الاسف دلوقتي
كايلا: خلاص و الله مش هعمل كده تاني اقولك حاجة مش هخرج من البيت مرة تانية
سراج: حصل خير بس المهم انك تكوني عرفتي الدرس
كايلا: عرفتو كويس جدا كمان
سراج: مش هنام و لا ايه النظام
كايلا: يالا
![](https://img.wattpad.com/cover/347926310-288-k191703.jpg)
أنت تقرأ
صراع الهويات
Hành độngفكرت ازاي تعيش من غير قلق وبالك وضميرك مرتاح ؟ سهلة ... اوعي تعوم علي عوم الناس ولا تجري علي جريهم او تشاركهم عبثهم .. فكر دائماً قبل ما تتكلم واوعي تقول اللي غيرك عاوزك تقوله وجامل من يستحق بكلمة حلوة ولكن ابعد عن النفاق والتملق ودائما اسعى في الخي...