بدون ضمان (كاملة) لـ خديجة السيد من (سلسلة رجل شرقي منقرض)

(الأخيرة)

فصل بتاريخ : 27/8/2023

#روايه_بدون_ضمان
من سلسلة رجل شرقي منقرض

⁦✍️⁩#بقلم_خديجه_السيد

الفصل العشرون والأخيرة
_________________

انتقل خبر القبض على أنس بين أفراد الناس بالمنطقة أنه حاول سرقه محل زاهر الذي قتل على يد مساعده الآخر في السرقه ...

أخذ الناس و الجيران المارئين يراقبون بأعين غير مكترثة، إلى أن لفت انتباههم ذلك السيد العجوز الذي يجلس على عتبه باب منزله وهو ينوح ويندب حظه، أردف زكريا بنبرة باكية ونظرات زائغة

= تحويشة عمري كلها، فلوسي راحت ..!

ضيقت سيدة ما عينيها لترى ما الذي يفعله وهي تقترب منه فغرت شفتيها لتسأله بتوجس وهي محدقة بعبراته

= يا لهوي مالك يا عم زكريا قاعد كده ليه وعمال تولول وتعيط زي النسوان .. حد من ولادك حصل له حاجه .

إنتحب أكثر بأنين خافت وهو يضغط على رأسه بكفيه بحسرة ثم إلتفت برأسه للجانب وصاح بنبرة مرتفعة

= يا رايتها جت في ولادي.. شقي عمري كله راح فلوسي كلها راحت و اتسرقت .. رجعت من بره لقيت اوضه النوم مقلوبه والفلوس مش في مكانها .. يخرب بيتك يا زكريا آآه
يا مصيبتي السوداء

في تلك اللحظه عادت حسناء من الخارج وكادت أن تصعد الدرج لكن نظرت حولها ببراءة زائف وهي عابسة الوجه

= مالك يا حمايا قاعد كده ليه بره ؟ خير يا جماعه فهموني انا كنت بره بجيب عيالي من عند أمي .

لم يتحدث وبكي بحرقة وهو يتذكر سرقه ماله، و تدخل رجل ما في الحوار قائلاً بجدية

= يا عم زكريا ما تدور كويس ممكن يكون هنا ولا هنا وانت ما خدتش بالك، حرامي بس ايه اللي هيطلع واحنا منحسش بيه واشمعنى انت الوحيد اللي تتسرق فينا .

أخذ زكريا يضرب صدره ويلطم على وجهه بطريقة هيسترية والناس من حوله يتعجبون لحاله وهو يصيح بصوت مقهور بحرقة

= ادور فين يا اهبل انت التاني وايه اللي مش واخد بالي منهم، دول ٣٠٠ ألف شقي عمري كله راح .. يخرب بيتك يا زكريا .. تحويشه العمر كلها راحت .. تحويشة عمري كلها .

شهقت حسناء بفزع زائف وهي متجهمة الوجه
لتقول بنبرة مصدومه

= أنت معاك ٣٠٠ الف يا حمايا ومخبي علينا كل السنين دي كلها ومعيشنا في الفقر ده، ده ابنك المسكين كل يوم والتاني متشحطط في شغلانه وبتذلل للناس عشان يطلع بقرش يصرفوا علينا

تلاحقت أنفاسه بشدة وبدأ يتنفس بصعوبة بالغة، تأوه زكريا من الآلم الذي شعر به بقلبة ورفع ذراعه المرتعش في الهواء وأشار بإصبعه بضعف ونطق بصوت متقطع مرتجف