- أضغاث مُضيئة -

حُلو و مُر!

نصيحة " ٣ " / لا تُخطئ و لا تُسامح!
ف البشر لا يستحقون سِوى فُرصة واحدة فقط.

السابعة مساءًا / شاليه جلال هاشم - الساحل الشمالي.

_ رد بقى رد!
نفخت ناريهان بضيق في الحمام الخاص بالشاليه ناظرة حولها لتتأكد أن الجميع مشغول بالخارج لتُسجل تسجيل صوتي لنوح على الواتساب: يا نوح أنا عارفة إني يمكن غلطانة و إنك مضايق مِني بس أنا مقدرش على زعلك بجد و إنتَ عارف دا ف لوسمحت رد عليا!
و لم تُلاحظ ناريهان أن لينة كانت تستمع لتسجيلها من خلف الباب.
______________________________________

القاهرة / في سيارة نوح.

| يا لـيـل عودي تاني و يا فرح أجمعنا، دي حياتي و أنتِ معايا والله ليها مية معنى.. |

ركن نوح سيارته و هو يُدندن أمام عُمارةً ما.. نظر لهاتفه ليجد أن ناريهان تحاول الإتصال به لكنه لم يهتم و خرج من السيارة و هو يتقدم من حارس العُمارة قائلًا و هو يرفع يده يحُك في رقبته ليظهر اسم "ليل" الموشوم بالخط العربي على يديه: يا بلادينا ..
نظر له حارس العُمارة بإستفهام: أؤمر يا بيه؟
_ كان في واحدة خارجة من العُمارة هنا عايز أعرف اسمها.. هي متوسطة الطول و رُفيعة إلى حدٍ ما و شعرها بُني فاتح طويل و عيونها لونهم عسلي فاتح.. لونهم حلو أوي و..
قاطع حديثه عندما رأى تعبير حارس العُمارة الذي ينظُر له ببلاهة ليمسح نوح على وجهه بضيق ثُمَ تذكر فجأة ليقُل و هو يُخرج هاتفه من جيبه: أستنى أنا معايا صورتها هي مش واضحة أوي بس دي إللي معايا حاليًا..
أراه نوح الصورة ليقُل حارس العُمارة بفهم: أااه عرفت، دي السِت مُضيّ تبقى دكتورة نفسية و عندها عيادة في العُمارة يا بيه.
أبتسم نوح ليقُل كأنه يتذوق اسمها: مُضِيّ.. اسمها زيها بالظبط، مُختلف و .. جذاب! اسمها مُضيّ إيه؟
قال حارس العُمارة بعدم أهتمام و غباء و هو يجلس: الدكتورة مُضيّ عبدالله هاشم، هو أنتَ كمان كنت خطيبها يا بيه؟
نظر له نوح و هو يقُل بتراقُب: أنا كمان؟ هي
مخطوبة؟
أرتشف حارس العُمارة من كوب الشاي و هو يقُل بعدم اكتراث: كانت يا بيه بس سابوا بعض، بعيد عنك يا بيه خطيبها دا بتاع مشاكل و كُل يومين ناطط لينا هنا عامل مُشكلة مع حد من زباينها و ... * أكمل بوجه مُمتعض* يختاي لو رُبع مخروم مكنش جه.
نظر نوح بجانبه ليجد مدحت يتقدم من حارس العُمارة قائلًا و هو ينظر له بتعالي: الا بقولك يا جابر..
قال جابر بوجه مُمتعض: أؤمر يا حاتم بيه؟
تحدث مدحت بأمل و هو يُشير بسماجة للأعلى: هي الست مُضيّ قافلة العيادة بقالها يومين ليه؟ أتعظت و سابت الشُغل أخيرًا؟
نظر له نوح بإستنكار و هو يُريد أن يُحطم رأسه بينما قال جابر بإبتسامة سعيدة: لأ يا مدحت بيه مسابتش الشُغل ولا حاجة بعيد عنك مسافرة مع عيلتها.
نفخ مدحت بغيظ قبل أن يقُل: و بعيد عني ليه يا بأف إنتَ؟
تحدث جابر بسُخرية: أصلهُم بيقولوا إن في هناك يا بيه قروش و الدنيا لبش ..
و أحنا مش عايزين ربنا ياخدك بدري بدري، إكمني بعزك أوي يا بيه.
كتم نوح ضحكته بصعوبة بينما رمق مدحت جابر بإستخفاف و ذهب ف تمتم جابر حاملًا كوب الشاي بعدما ذهب مدحت بقرف: و لو إن شكل خلقته معمرة حَبة في الأرض، كلنا هنمو..ت و هيجي أجيال بعدينا و هو قاعد فيها.
ضحك نوح على حديث جابر ليقُل: عندك حق، هو سمج فعلًا..
*أكمل نوح و هو يستدرج جابر في الحديث*: أنتَ متعرفش مُضيّ هترجع أمتى؟
نظر له جابر بقلق قائلًا بغباء: هو أنتَ مُخابرات يا بيه؟
ضحك نوح بشدة: يعني أنتَ جاي تقلق بعد ما قولتلي تاريخ حياتها كله؟ و مُخابرات إيه دا منظر مُخابرات؟عمومًا لأ أنا مش مُخابرات..
زفر جابر بإرتياح: الحمدلله طمنتني، لأ يا بيه معرفش هترجع أمتى.
أمأ نوح برأسه قائلًا: ماشي يا جابر المُهم لو أي حد جه سألك تاني عنها متسلمهاش تسليم أهالي كدا و تُقع بلسانك و ..
و قبل أن يُكمل نوح حديثه رأى فتاة تنظر له بإبتسامة خلف جابر ليبتسم و هو يُردد اسم "ليل" و يُزيح جابر جانبًا ليذهب لها لكنها أختفت في دقائق..
وضع نوح يده على رأسه و هو يبحث عنها بعينيه لكنه لم يجدها.
______________________________________