𝖶𝖠𝖱𝖭𝖨𝖭𝖦 𝖱18+
𝘙𝘦𝘢𝘥 𝘢𝘵 𝘺𝘰𝘶𝘳 𝘰𝘸𝘯 𝘳𝘪𝘴𝘬 𝘰𝘳 𝘳𝘦𝘢𝘥 𝘴𝘰𝘮𝘦𝘵𝘩𝘪𝘯𝘨 𝘦𝘭𝘴𝘦 𝘪𝘧 𝘺𝘰𝘶'𝘳𝘦 𝘵𝘰𝘰 𝘴𝘦𝘯𝘴𝘪𝘵𝘪𝘷𝘦. 𝘐𝘵 𝘮𝘢𝘺 𝘤𝘰𝘯𝘵𝘢𝘪𝘯 𝘢𝘥𝘶𝘭𝘵 𝘤𝘰𝘯𝘵𝘦𝘯𝘵 𝘵𝘩𝘢𝘵 𝘪𝘴 𝘯𝘰𝘵 𝘢𝘱𝘱𝘳𝘰𝘱𝘳𝘪𝘢𝘵𝘦 𝘧𝘰𝘳 𝘺𝘰𝘶𝘯𝘨 𝘳𝘦𝘢𝘥𝘦𝘳𝘴. 𝘐𝘧 𝘺𝘰𝘶 𝘤𝘢𝘯'𝘵 𝘩𝘢𝘯𝘥𝘭𝘦 𝘴𝘦𝘯𝘴𝘪𝘵𝘪𝘷𝘦 𝘵𝘰𝘱𝘪𝘤𝘴 𝘵𝘩𝘦𝘯 𝘵𝘩𝘪𝘴 𝘴𝘵𝘰𝘳𝘺 𝘪𝘴 𝘯𝘰𝘵 𝘧𝘰𝘳 𝘺𝘰𝘶.
𝘐𝘧 𝘺𝘰𝘶'𝘳𝘦 𝘢 𝘺𝘰𝘶𝘯𝘨 (𝘤𝘩𝘪𝘭𝘥) 𝘥𝘰 𝘯𝘰𝘵 𝘳𝘦𝘢𝘥 𝘪𝘵, 𝘵𝘩𝘪𝘴 𝘪𝘴 𝘧𝘰𝘳 𝘺𝘰𝘶𝘳 𝘨𝘰𝘰𝘥.
𝘠𝘰𝘶 𝘩𝘢𝘷𝘦 𝘣𝘦𝘦𝘯 𝘸𝘢𝘳𝘯𝘦𝘥!
𝘊𝘰𝘯𝘵𝘦𝘯𝘵 𝘸𝘢𝘳𝘯𝘪𝘯𝘨: 𝘉𝘢𝘳𝘦𝘣𝘢𝘤𝘬𝘪𝘯𝘨/𝘜𝘯𝘱𝘳𝘰𝘵𝘦𝘤𝘵𝘦𝘥 𝘴-𝘹, 𝘉𝘭-𝘸𝘫𝘰𝘣 𝘶𝘯𝘥𝘦𝘳𝘸𝘢𝘵𝘦𝘳, 𝘗𝘳𝘢𝘪𝘴𝘦 𝘬𝘪𝘯𝘬, 𝘓𝘢𝘳𝘨𝘦 𝘱-𝘯𝘪𝘴, 𝘛𝘩𝘳𝘰𝘢𝘵 𝘱𝘦𝘯𝘦𝘵𝘳𝘢𝘵𝘪𝘰𝘯, 𝘢𝘯𝘥 𝘋𝘪𝘳𝘵𝘺 𝘵𝘢𝘭𝘬.
“Bitawan niyo ako!” Nagpupupumiglas ako habang papasok ng gate at pinipigilang pumasok ng dalawang guwardiya. “Kailangan kong makausap ang amo niyong si Titus!” sigaw ko habang pilit na humahakbang kahit hinihila palabas.
“Sir, hindi ka nga po pwedeng pumasok kapag walang appointment,” inis na ani ng isang guwardiya na nasa bandang kanan ko.
“Nagpapahinga na po si señorito Titus kaya bukas mo na lang kausapin sa opisina ng kaniyang kompanya.” Pilit na hinihila ako ng guwardya na nasa bandang kaliwa ko— ngunit hindi ako nagpapatalo.
Inabot kami ng ilang minuto sa pagsasapilitan hanggang sa makapasok kami sa loob. Minsa‘y nakakawala ako at minsa‘y nahuhuli nila ako— kaya ang resulta ay pagod at hingal ang aming nararanasan. Hindi ako nagpatal sa lakas ng dalawa dahil importante ang sadya ko sa kanilang amo.
Ngayon ay nakatayo kami sa gilid ng swimming pool kung saan abala si Titus sa pag-inom ng mamahaling alak. Todo paliwanag naman ang dalawang guwardiya habang hawak-hawak ako. Gusto kong lumuhod upang magmakaawa sa lalaking ito.
“Titus—” naputol ang sasabihin ko nang itaas niya ang isa niyang kamay kaya binitawan ako ng mga guwardiya. Umalis na ang dalawa at nakahinga ako nang maluwag upanf ikalma ang sarili dahil sa pagod.
“I know why you are here.” Kumuha siya ng isang ubas at isinubo iyon sa kaniyang bibig. “At kanina ko pa iyon inaasahan.” Nginuya-nguya niya ang ubas at marahang lumunok.
Naguguluhan ako sa kaniyang sinabi ngunit hindi na ako nagtanong. Ang mahalaga sa akin ngayon ay ang pakay ko sa kaniya. Ayoko nang mag-aksaya ng oras kaya gagawin ko na ang kanina ko pa gustong gawin— ang magmakaawa.
Marahan akong lumuhod sa gilid ng pool. “Nagmamakaawa ako sa iyo, ibalik mo na yung kompanya ni dad.” Inilapat ko ang mga kamay ko sa lapag. “Please, Titus!” Ilang beses akong lumunok upang pigilan ang pag-iyak.
Gagawin ko ang lahat upang ibalik niya ang kompanya ng aming pamilya. Malaki kasi ang utang ni dad kay Titus kaya kinuha nito ang aming kompanya. Simula nang mangyari iyon, nagkasakit at pinabayaan ng aking ama ang kaniyang sarili— kaya ito ako ngayon, nagmamakaawa sa taong ito.
Narinig kong napangisi siya kaya inangat ko ang aking ulo‘t katawan ngunit nakaluhod pa rin. “Wow, si Seed na mataas ang pride ay nagmamakaawa sa akin!” masigla niyang ani. Kitang-kita ko sa mga mata niya ang pagkamangha. “Alam mo naman na ang kompanya niyo ang kabayaran ng daddy mo sa mga utang niya sa akin,” seryoso niyang ani. “Akala ko ba kahit kailan hindi ka magmamakaawa sa akin?” natatawa niyang tanong.
