لتحت في جردة توجهو جميع الكاميرات إتجاه واحد شخص يكون في ثلاثينات داخل لابس كوستيم بالgري كلاص وبين إيديه واحد البنت وداخلين بكل رقي وهو داير إبتسامة زادتو غير جادبية والوشم باين من العنق ديالو وعضلاتو باينين مرطاسيين من داك الكوستيم حتى وصل لعند عائلة العلوي للي دايرين إبتسامة ونطق سي فؤاد
فؤاد: ولدي يازيد أشنو هاد تعطيلة الحفل قرب يسالي ونت عاد مشرفنا بوجودك زعمى راك جاي لحفل ديال صاحبك هارون
يزيد: (شاف في ديك البنت لي جنبو ودوز لسانو على شفايفو بطريقة مغرية) أه أعمي أه كنت في الجنة في هاد ساعتين لي دازو ههههه
فدوى:( فهمات قصدو ووجها ولا أحمر بقوة ماحشمات عارفة يازيد ماعندو فرانات )الله يمسخك اولدي مابقيتي تحشم
يزيد : لي حشمو ماتو أخالتي
فؤاد : ههههه قابلي هادا والله حتى يصطيك لمهيم انا نخليكم نمشي نشوف لؤي فاين منعازل ثاني الله يهدي هاد الولد عندي بغيتو غير شي مرة يتجمع ويضحك بحالو بحالو ناس على العموم ( رجع نظراتو جيهت البنت لي جنب يازيد ) مرحبا بيك أبنتي
ثرية : شكرا عمو (تخطاهم فؤاد)
ويازيد كمل كلامو :نقدم ليكم الأنسة للي معايا ثرية الحسناوي عارضة أزياء
فدوى : متشرفين أبنتي
ثرية : شرف ليا أخالتي أنني نتعرف عليك عن قرب ....
بقاو مكملين حديتهم حتى كاتبان ليهم نسرين جاية إتجاهم وعينها على ثرية للي جنب يزيد خصرات ملامحها ونطقات: برااافو يزيد بياسة جديدة هادي
يازيد خرج عينو في نسرين باش تسكت (ونطق ): أحم أحم أحم نسرين
أما نسرين( باقا عينها على ثرية كاطلعها وتهبطها وكملات كلامها) : سبحان الله نت وهارون عندكم نفس ستيل.(.وضورات عينها عند يازيد وتلاحت عليه عنقاتو ) علاش تعطلتي هاااا
يازيد بادل العناق لنسرين خشاها بين أحضانو : سمحيليا مرى أخرى مانتعطلش عليك أوكي الأميرة ديالنا
نسرين : أوكي (حولات نظراتها ثاني لثرية ونطقات) شكون هاد ختنا
فدوى مخرجة عينها: نسرين حبيبة أشنو هاد قلة الأدب الأنسة ثرية ضيفة ديال يازيد حشومة أبنتي
ثرية كاتشوف في نسرين بكل حقد ودارت إبتسامة مصطنعة : لا ماشي مشكيل أخالتي غير خليها مانديش عليها باقا صغيرة
نسرين خنزرات فيها : أنااا ماشي صغيرة
ثرية : هههه صافي سمحي ليا البرينسيسة لمهيم أيازيد تمشي معايا لبوفي بغيت ناخد شي حاجة
يازيد دوز إيد على خصر ثرية ودار إبتسامة لفدوى وعنكش رأس نسرين بيديه وتقدم لثرية وهيا تبعاتو خلاو نسرين متبعة ليهم العين حتى وصلو لبوفي وثرية غير كاتضحك صوتها كايتسمع منين ومنين وصحافة كاتاخد ليهم صور ويزيد في قمة الفرحة.....نسرين عضات شفايفها ودارت إبتسامة جانبية وشافت في سرباي هاز بلاطو عامر بالمشروبات خادت كأس ديال العصير وتمشات بخطواتها موزونة حتى قربات لثرية وهيا تعمل بحال إيلا تعكلات وكبات عليها داك الكأس ديال العصير حتى عمر ليها لاغوب للي لابسة
أنت تقرأ
لعنة العاشق
Romance💫 لعنة عاشق💫 lover's cours💫 بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَكيدُ بهِ مَن...
