فدوى مسحات دموعها : واخة دير لي بغيتي أولدي غير هو دير في بالك أنني مستحيل نخليك تاخد راحتك مرة مرة نجي نشوفك...
هارون : مرحبا ....
عنق الأم ديالو والأب ديالو وتم خارج من القصر والباليزة بين إيديه لاحها في سيارتو والوجهة إلى رباط
عند توفيق للي وقف سكوتر ديالو نزل منو وتبعاتو إيمان للي كانت جنبو جبد سوارت من جيبو وتمو داخلين حتى كاتبان ليهم عبير وسعاد باركين في صالون ومنى جنبهم شادة طابليت وغايبة عني الوجود...
توفيق : أحم أحم سلامة عليكم
سعاد: وعليكم سلام اولدي
عبير للي كانت شادة توينز بين إيديها طلعات نظراتها حتى كايبان ليها توفيق وإيمان جنبو ميقات فيها ورجعات نظراتها لتوفيق ....
عبير : على سلامتك أخويا
توفيق : الله يسلمك الخوادرية مالك مامشيتيش لخدمة ليوم...
عبير : لا حتى لغدا ونمشي ومنها نمشي عند جوزيف لدراو نشوفو كيف بقا
توفيق : داك خينة ماكايتسرطش ليا من الأحسن بعدي منو بلا ماتخليني ندير شي حاجة خايبة أعبير
عبير : خويا راني مبعدة منو جامعانا غير الخدمة غير ماجاتش مانمشيش نشوفو راك عارف بفضلو توينز عايشين لحد الأن أما كون فقدتهم في المصعد
توفيق : مهيم للي عندو قلتو أنا مشيت لخدمتي دابا الله نوصل
سعاد : باقي الحال الله 5:00
توفيق : غادي نمشي بركي باش نخرج مع ديك 8 ديال العشية غادي نضرب غير شي سويعات حيت داك سيد للي قلت ليك غادي يجي ليوم وخاصنا نقلبو على شي قهوة وخاصني نتلاقا معاه ليوم في ليل
سعاد : واخة اولدي الله يسهل عليك ....
خرج توفيق وركب في سكوتر ديالو والوجهة إلى البواط للي كايتواجد في رباط خلا إيمان متبعة ليه العين هو خرج وهيا عيونها بقاو على الباب للي تسد
شافتها سعاد وستغفرات الله في خاطرها وشافت في عبير للي قربات ليها ونطقات بصوت خافت ...
عبير : الله يستر غادي تاكلو بعينيها سيد خرج وهيا مقابلاه...
سعاد : والله لاكان ليها كون مانعرها كاع ولاد درب دوزاتهم بقا ليها غير ولدي ورجعات نظراتها جيهت إيمان ...
سعاد : إيمان بركي عقلك فاين مشا
إيمان ستوعبات ورجعات نظراتها جيهتهم وبركات في سداري للي مقابل معاهم ...
إيمان : ربي إيخليك ليا أخالتي ، غير سمحليا على هاد المجية
سعاد : ماشي مشكيل
عند هارون للي وصل لرباط رسل ميساج لتوفيق وستاصيونا سياتو قدام Hotel دخل كايتمختر في المشية ديالو تاجه لاسيغبسيون حجر غرفة وطلع ليه واحد من الخدم ديال لوطيل ديك السامصونيت وتم تابعو حتى دخل لسويت للي أقل مايقال عنه فخامة خرج داك سيد وبقا غير هارون للي مشا نيشان لدوش دوش عليه وتم خارج لاوي عليه فوطة على نصفو تحتاني وتاجه لديك سامصونيت خاد سورفيت سوداء وبوكسور وتجاكيط ديال الكوير في الأسود لبسهم ورش البارفان الخاص بيه شاف في ساعة لقاها الساعة تشير إلى السابعة وتم خارج كايتمختر في المشية ديالو خرج من الاوطيل وشير بإيديه لرجال الخاصين بالأوطيل جابو ليه سيارتو ركب فيها وهز تيلي ثاني رسل ميساج لواحد من رجال ديالو
أنت تقرأ
لعنة العاشق
Romance💫 لعنة عاشق💫 lover's cours💫 بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَكيدُ بهِ مَن...
