هارون : كتحماااو اولاد لقح*** اب عشرين على واحد ومشي رجلااا هادي
وقف توفيق كيمسح فمو من دم شاف فيه وحتا هارون شاف فيه قبل ميبان ليه واحد مزال هاز لمضا قاصد هارون خرج توفيق عنيه وهضر
توفيق: عندااااك (دفعو ميجي داك لمضا غير ف توفيق خلاه يخرج عينو بألم لي جاه وجا شخص ثاني هاز طابلة بين يديه باغي يضرب توفيق وبخفة تهز هارون لحتى لفوق وضرب ديك الطاولة برجليه حتى تشتات ونقز دوك لكراسة لي مهرسين وهز يديه وعطا كروشي لداك شخص حتى خلاو فمو عامر دماء هز عيونو بانو ليه دوك الكليكة ضارو بيهم وكل واحد اشنو هاز وجا الوسط هارون وتوفيق للي شاد كرشو للي كاتنزف شاف هارون في توفيق وهبط عينو لكرش ديال توفيق
توفيق فهمو ونطق بصوت مدعدع : ماشي شي حاجة صعيبة ( عض على فمو)
بدا هارون كيضارب شي كيملخ شي وتوفيق واقف مقادش مزال ازيد قبل ميجي مول شي لي علمو داخل معا رجالو كيغوت وعرعر دار هارون كاينهج مخنزر صدرو طالع نازل متبت نضراتو على هادا لي كيعرعر نوي يكمل بيه حتا كيشوفو سكت بصدمة... غير شاف هارون وسع نظراتو ودار إبتسامة....
مول المحل: سي هارون العلوي ولا كدبت
هارون نطق بحدة : اشنو بان ليك
مول المحل: سمحلينا أسي هارون على هاد الفوضة ماغاديش تكرر (ورجع نظراتو لروبيو وكمل كلامو) توفيق ياك ماشي حاجة صعيبة
توفيق دار إبتسامة الغدايد بنادم دغيا كايتبادل بحال الأفعى يالله جا مكشر على نيابو ودابا كيعرعر ودبا ولا كي جرو كايتبلحس و بدون مايجاوبو شاف في هارون ونطق بصوتو الخشن....
توفيق : إيحفظك اخويا هاهو عندي واحد المعروف ديالك...
هارون : يالله نمشيو خاصك تمشي تشوف شي دكتور..
توفيق : لا بلاش ماشي شي حاجة لي صعيبة أنا نمشي لدار ونداوي مولف على بحال هادشي..
هارون نطق بصوت مدعدع : يالله أصاحبي مالك رأسك قاصح راه كيف عندك فضل عليا حتى انا عندي فضل عليك دقة كانت غادي تجي فيا يالله مشينا...
توفيق : على بركة الله
تم خارج توفيق وهارون هز تجاكيط ديالو وشاف في مول المحل ونطق بصوتو الرجولي.....
هارون: هاد سيد للي خرج دابا ماعندو حتى دخل في هادشي وهادو يمكن ليك تكلف بيهم واش فهمتي...
مول المحل: كون هاني أسي هارون وشرفنا مرة أخرى اوعد مني ليك غادي تلقا حسن الإستقبال( بتاسم بثوتر)...
تخطاه هارون وتم خارج من المحل حتى كايبانو ليه ليكارد كايخرجو دوك الكليكة للي حالتهم حالة وتوفيق واقف في شارع باينة مقصح...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
