صبح صباح فقصر العلوي والخدم كيقادو طاولة الإفطار فلاطيراس كالسة فدوى هيا وزوج ديالها لي كايرشف من كأس القهوة ديالو وباين عليه الغضب ليل كامل منعسش
فؤاد بغضب : شوفي أفدوى نقبل كولشي إيلا علاقات هاد لولد لي مبغاتش تسالي بزاف افدوى راه هاديك لي الفوق إنسان ماشي حيوان لي كايدير ليها هاد تصرفات وهيا ساكتة ليه حيث خايفة منو وعارفة خوتها مغيرحموهاش ، شوفي فيا أفدوى مبغيتش ناخد دنوب بنت ناس راك كتعرفني غنبقا ساكت ساكت حتا نطرطق على ولدك وديك ساعة متلومنيش (وحط كأس بجهد ودور وجهو لجيهة لخرى كيسوط )
فدوى بحنية كتحاول تهديه وتمتص غضبوو
فدوى: فؤاد نعل شيطان كاملين مرادينش بتصرفات هارون ولكن اش نديروو حنا محدنا كنغوتو وهوا محدو كايدير لي فرأسو هارون ماشي شي حد لي غنتحكمو فيه انا عيت افؤاد ومبقاش قلبي قادر على هاد مشاكل وفي نفس الوقت مبغاش صورة عائلت علوي تشوه
فؤاد بعصبية وغضب: ولدك لي غيشوها آفدوى ولدك هارن لي غيضرب بهاد لاسم لأرض محدو ديما صحافة محاصراه حداري أفدوى تبكي عليا ولا طلب فاش يطفح الكايل معاه حيث مغنعقلش عليه... وناض واقف من طاولة الإفطار مخليها كتنهد عارفة زوج ديالها حنين لكن إيلا سمعتو ميرضاش طيح في الأرض
برا قصر داخل بسيارتوو بلاصاها وخرج بملامح وجهوو باردة مخنزر هاز لافيست ديالوو داخل بكل كبرياء وشموخ دخل وسط قصر نيشان عند والديه وقف عليهوم كيفطرو هضر بصوت حرش مدعدع
هارون: صباح الخير
فدوى بإنزعاج: وعلى سلامتك فين كنتي
هارون : غنطلع ندوش ، لوليد اجتماع من هنا لنص ساعة واش الملفات واجدين
فؤاد مشافش جيهتو لكن هضر بنبرة صوت غاضبة دليل على انزعاجو من تصرفات ولدو
فؤاد: غتقطع علاقتك معا ديك لي كنتي معاها امتا غتفهم راسك راه عندك زوجة محتاجة ليك ومنبغيش شي كلام فوق كلامي
هارون دور لسانوو بين شفايفو ورجع كيلعب بيه داخل فمو ، وطلع حاجبوو ونطق بنبرة حادة وفي نفس الوقت معلاهش على ولديه
هارون: بصحة فطوركوم خوي راسك مني اسي فؤاد (دار طالع لجناحو )
وسط جناحهاا ليل كامل منعساتوش
وقفة قدام مرايتها بفستانها لاسود لي كيرمز لون حياتها و تحت عينيها زرق بفعل ضربة لي عطاها تسمع حركت القفل دليل على...شي حد كيحلو ودخل بخطوات بطيئة كيف الموت غمضات عينيها بألم... وحلاتهوم دارت كتشوف فيه بخدلان وهو نضراتو ليها كيف شيطان
أنت تقرأ
لعنة العاشق
Romantik💫 لعنة عاشق💫 lover's cours💫 بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَكيدُ بهِ مَن...
