عبير شافت فيهم وعينها عمرين دموع : هارون غادي يكون هارون جاب ليا ولدي.
ومشات كتجري جيهات الباب فتحات باب ونطقات بصوت باكي
عبير : هااارو (مازال ماكملاتها حتى كاتفاجأ بشخص للي قدامها) ونطقات ودموع في عيونها ...
عبير : أشنو كاديري هنا إنتي ...تبعاتها فاتن وقفات ورائها للي تفاجأت هيا أيضا بشوفت آسية والأم ديالها وحطات إيديها على خصرها ونطقات بغضب ....
فاتن : قلبي دورة أحسن ليك لاكنتي باغا تشفاي بلا ماتخليني نبرد فيك غدايدي يالله سيري بحالك قبل مانشطب بيك هاد زنقة ونخليك عبرة لأمتالك ...وشدات الباب بين إيديها الله بغات تسدو حتى وقفاتها عبلة
عبلة : خلينا ندخلو أبنتي قبل مايفوت الفوت خاص نهضرو مع هارون الله يرضي عليك أبنتي الموضوع ضروري
عبير شافت في عبلة مافيها للي يبقا مشاد مع شي حد للي فيها كافيها شافت في فاتن باش يسمحو ليهم يدخلو وتاجهو لصالون لقاو تحية وبركو جنب بعضهم والكل بقا متفاجأ بمجيئهم وعبير عيونها على آسية للي غير مهبطة عيونها وكاتفكرك في إيديها
عند هارون للي خارج من شركة ديالو كايجري ووراه توفيق تاجهو لسيارة وكسيرا بأقوى سرعة ليه كايسوق بواحد سرعة للي سريعة بزاااف وأي سيارة جات قدامو كايضوبلها وعين على طريق والعين ثانية على GPS للي مخدم في سيارة وإيديه مجروحين ودم كارم عليهم وباينين العروق في إيديه بارزين وعيونو حمرين وشعرو كولو معنكش وملاميحو غامضين لدرجة للي كبيرة بزاااااف وتوفيق للي جنبو كايهز في رجليه ويحطها شاف في هارون ورجع عيونو على طريق بان ليه داخل من جيهت الغابة وهو يكسر هاد الصمت ونطق بصوت مدعدع خصوصا أنهم ماكماوش تقريبا شي 24 ساعة.....
توفيق : متأكد غادي يكون هنا
هارون ضاغط على فكو : هاد الفيلة الله خادها شي شهر تقريبا وهيا للي خارجة على كازا وهيا للي لفتات إنتباهي برأيك علاش غادي ياخد فيلة وسط الغابة .... بانت ليهم الفيلة وهوا يوقف سيارة حتى تهزات وتحطات بقوة ماوقفها بعيد شوية ونزل منها وتبعو توفيق وبقاو غادين بانت ليهم البوابة الكبيرة ديال الفيلة مسدودة وماواقف جنبها حتى بوديكارد ستغربو وهما يشوفو في بعضهم كايفهمو بعضياتهم غير من نظرات وضورو عيونهم بان ليهم واحد صور نقزو منو وتلاحو لداخل في جردة ديال الفيلة وعيونهم غير كايضورو وبقاو غادين كايتسلتو حتى وصلو لفيلة بقاو كايضورو عليها دنيا خاوية شاف توفيق في واحد باب كولو زاج أهو يهز واحد الكرسي وهزو وضرب الباب الوراني للي كايدخل لكوزينا حتى تشتت وشاف في هارون وتمو داخلين لداخل الفيلة ودخلو بجوج بيهم كايقلبو في أي غرفة لقاوها كاتصفر خاوية بقا ليهم بيت واحد للي دخلو ليه بجوج بيهم غير دخل هارون كأنه تكوانسا فاش شم رائحة الإبن ديالو بقا في الغرفة غمض عيونو دازت منهم دمعة حارة دمعة آلم ، دمعة للي خلات قلبو يضرب بسرعة، دمعة للي خلات قلبو ينزف ضعط على إيديه بقوة حتى بانو عروق جبينو عاد فتح عيونو للي كلهم كره وغضب وحقد وآلم تاجه لواحد الكونة بانت ليه في جنب قرب بخطوات بطيئة حتى قرب ليها وحط إيديه عليها وهز واحد ليزار كان مفرش في ديك الكونة طول فيه شوفة وحطو بين نيفو وطاح في الأرض منهار كليا وتفكيرو كامل عند ولدو أشنو غادي يكون مصيرو كيفاش سمح ليهم ياخدوه ياك هو أب إيدا خاص يحميه من نسمة الهواء كيفاش داروها بيه وهزوه ....قرب منو توفيق وبرك جنبو ونطق بصوتو الرجولي....
أنت تقرأ
لعنة العاشق
Romance💫 لعنة عاشق💫 lover's cours💫 بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَكيدُ بهِ مَن...
