ناضت ديك البنت بكل عجرفة وتاجهات لطابلة للي فيها لؤي وخديجة ووقفات جنبهم والابتسامة على وجها
......: لؤي العلوي نهار كبير هدا
لؤي دار إبتسامة رجولية : لمياء لحساني
لمياء بغات تعنق لؤي حتى فاجأها و مد ليها إيديه ونطق ببرود
لؤي : سافا لمياء ....
لمياء سرطات القمعة ومدات ليه إيديها وجرات كرسي وبركات جنب لؤي حتى كايبان ليها عمر وقف جنبهم وعيونو على خديجة
عمر : لمياء واش كاتعرفيهم
لمياء : وي عمر لؤي صديق ديالي (عمر مد إيديه لؤي )
لؤي للي بارك جنبو وكايشوف نظرات للي كايدير في خديجة ومد ليه إيديه صافحو
عمر : متشرفين خويا
لؤي : أحم شرف ليا
عمر رجع نظراتو و مد إيديه لخديجة وعيونو كلهم إعجاب خديجة بقات غير كاتشوف فيهم الله بغات تمد إيديها حتى كايبان ليها لؤي هز إيديه وهبط بيهم إيدين عمر ونطق بصوتو الرجولي وعيونو على خديجة
لؤي : ماكاتسلمش على رجال
خديجة صدمها ورجعات إيديها
عمر : أوكي سمحوليا وستأدن منهم وتاجه لطابلة ديالو
لمياء : إيوا دابا ألؤي صارحة أحسن صدفة والله
لؤي هز عيونو في خديجة شافها مزيرة على الفورشيطة للي بين إيديها وهز عيونو في لمياء الله باغي ينطق حتى سبقاتو...
لمياء : شكون هاد الكتكوته واش أختك
لؤي نطق ببرود : لا
لمياء ميقات في خديجة : إيدا مراتك
لؤي : لا
لمياء: واخة عرفني عليها باش نعرف شكون هيا
لؤي شاف في خديجة: خديجة نعرفك لمياء الحساني صديقة في أيام لافاك وخديجة صديقة ديالي ( ورجع عيونو لخديجة وكمل كلامو ) حاليا
خديجة هزات عيونها ودارت إبتسامة شاحبة ...
خديجة : متشرفين أختي
لمياء ميقات فيها : أه شرف ليا وضورات عيونها جيهت لؤي وتقادات في مكانها وخرجات صدرها ....
لمياء : إيوا البطل ديالنا قول ليا أشنو درتي هاد الأعوام
لؤي عيونو غير على خديجة للي باينا متوثرة وماعجبهاش الحال ورجع عيونو لمياء ونطق هاد المرة بنبرة جدية ....
لؤي : قولي لديك خيتي للي معاك تقاد فمها وتهضر بإحترام..
لمياء : أيمسوري غير مارضاتش لبال لهضرتها سيتو
أنت تقرأ
لعنة العاشق
عاطفية💫 لعنة عاشق💫 lover's cours💫 بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَكيدُ بهِ مَن...
