صدمة لعبات بيها لدرجة حسات بدوخة دفعاتو بجهد كتشوف فيها داتها كاملة كترجف حسات بمدق دم فشفايفها شافت فيه كان مطلع حاجبو وابتسامة جانبية مزينة وجهو هزات يديها باش ضربو مقداتش كانت يديها كترجف شافتو كيقرب ليها رجعات جوج خطوات وهضرات برجفة....
عبير بعصبية: متحاولش تقرب مني متحاولش كتسمع....
هارون هضر برود. : سمعي مزيان عبير انا وراك وراك وهدي غتبين ليك بزاف ديال الحوايج ولبي انك نتي ديالي دخليها عقلك...
عبير خنزرات فيه: كنكرهك من قلبي هارون...
هارون شاف فيها ونطق بطنز : سميتي شحال خرجة زوينة من فمك
عبير عصبها خنزارت فيه ودارت كتمشا بزربة مبقاتش كتلفت ورهاوصلات بلاصة فين واقفين ركبات سيارة حدا جوزيف ساكتة...
جوزيف: عبير نتي بيخير
عبير. حركات ليه راسها نطالق يازيد فاش حس بيها ركبات فلبلاصة ركب هارون سيارتو وتبعهوم طول طريق وهو معصب بزاف..
هارون: ااااه( ضرب فولون) غير هربي حنا نشوف شحال قدك تهربي ....
كسيرا ملاحقهوم مسافة طريق كانو قدام اوطيل كبير نزلو ونزلو جوزيف معوناه عبير....
فاتن: يازيد غير رجع انا غنبقا فلاطيل معا عبير هاز بزطامك خلص انا مهزيتوش...
يازيد جبد كارط كيشي مدها فاتن خداتها من عندو...
عبير: يازيد شكراا بزاف
يازيد: مشي مشكل يالله تصبحو على خير
جوزيف: شكرا اخويا الي قدرتي تجبي ليا سيارة حيت غدا صباح غادي نتحرك
يازيد برود: غدا تلقتها هناا...
فاتن : يالله ندخلو عبير تبعيني
حركات راسها ودخلو معا باب اوطيل لي كان فخم وراقي مكان قريب كان واقف هارون كيشوف فيهوم هضر مغدد..
هارون: وخا لالة عبير حتى صباح ولينا كلام طويل نحلو مشكلت هاد ولد قاف بعدا...
بقا شحال واقف مباغيش يمشي باغي يدخل يجرها من يديها لكن كولشي فوقتو زوين
ف اوطيل فاتن دارت حجز بسرعة حيث عرفوها طلعو فلاسنسور لطبقة لي حجزو عاونو جوزيف حتا دخلوه غرفتو خلاوه ينعس عاد مشاو غرفتهوم..
طحت فاتن فوق سرير كتنفس بجهد وعبير كلسات بهدوء فوق كنابي مزال رجفة وخلتة وعصبية ديال ديك قبلة مأثرة عليها...
أنت تقرأ
لعنة العاشق
Romance💫 لعنة عاشق💫 lover's cours💫 بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَكيدُ بهِ مَن...
