رجعات عبير لبيتها لقات فاتن كالسة شافت فيها هضرات....
فاتن: اش قاليك غوت عليك...
عبير: لا قالي غير واش هارون هددك ولا شي حاجة..
فاتن: سبحان الله على صدفة دنيا صغيرة يختاي شكون قال هارون يكون صحاب هوا وتوفيق...
عبير: هدشي لي صدمني لله يخرج هدشي على خير بجوج صعاب...
مزال كيهضروو سمعات عبير صونيت تيلي ديالها هزاتو بانت ليها نمرة ممسجلاش شدات الخط..
عبير: ألو
هارون بحة رجولية : الو
عبير عرفت هارون جوبتو بعصبية: اش بغي لاش مصوني ليا فهاد ساعة..
هارون بغضب: اول حاجة فاش نهضر معاك قادي هضرتك معايا ابنتي كتسمعي صونيت نسول فولادي اش كديروو...
عبير بفقصة: والله اش نقول كانو كيشطحو ودبا راه كيلعبو ب ليجوي..
هارون عارفها طانزة فقصاتو وحتى هو جوبها بنفس طريقة طانز ديالها..
هارون بطنز: ايوا مزيان يلعبو لعب مفيد ليهوم يالله نخليك الحب ترتاحي...
عبير بغضب: تحبك جنية ان شاء الله...
هارون كيضحك عليها: بعدا عرف رسك جنية
عبير معصبة : بزاف عليك ادحش
قطعات عليه فوجهو خلتو كيضحك معا راسو كيعجبو يعصبها كيمشي معاها فلخط...
فاتن : نتي وياه كي اصانص والعافية ودبا كملتو فاش عرف بتوينز...
ساطت عبير نفس ونعسات بلاصتها كتشوف فسقف وتخمم حتا داها نعاس اما فاتن شداتها وتساب معا توفيق لي غير فلبيت لي حداها كيهضرو هيا وياه...
دازت يومين مرجعش هارون لدار توفيق كانو عندو شي شغل وكملو مي كان ديما كيسولو على ولادو فطيلي....
9 صباح كالسين كيفطرو سعاد عبير وفاتن....
عبير: ودادا وغير يالله لحمام انا نحك ليك
سعاد: ولا مقديتش غا سيرو بصحة انا ندير رفيسة لغدا...
فاتن ضحكات: هاديك لي بغينة اخالتي كتري مساخن...
سعاد: لا مساخن حتا تزوجي بولدي ونديرهوم ليك ونمسد ليك كرون باش تحملي من شهر لول...
فاتن: اويلي ( حشمتها)
ضحكات عبير شادة فمها وسعاد كدالك شادين فاتن سلاو فطور جمعو دار بزربة طلعو لبيت...
بداو كيهزو حوايج يحطو فصيكان ويحطو لي بردويات فسطولة جمعو كولشي وجرو منى و شدو طريق خرجات كايتمشاو ويجمعو فطريق راه ولاو من صحاب درب كولشي عارف انو من عائلة روبيو....
أنت تقرأ
لعنة العاشق
Romance💫 لعنة عاشق💫 lover's cours💫 بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَكيدُ بهِ مَن...
