عند عبير للي شادة في منى للي خارجين من طواليت غادين في داك الكولوار ديال ريسطو حتى قربوا يوصلو وسط طبالي لي في ريسطو عبير يالله هزات رأسها حتى كايبان ليها هارون داخل مع دخلة ديال ريسطو وقفات في بلاصتها مصمرة كاتشوف فيه مصدومة ماقدرات تزيد ؟حتى خطوة لاترجع لوراء ولاتزيد خطوة لقدام سرطات ريقها وهيا كاتشوف فيه كيفاش داخل كايتمشى بكل هيبة وكايتمختر وعندو واحد الهيبة للي رهيبة بزاااااف كاتخلي أي واحد يطيح فيه ولو غير من نظرة الأولى ركزات عينها في لون بشرتو لي رهيبة وعينو للي بحال شي صقر حجبانو للي ديما مجموعين في مشيتو في كتافو كيفاش كايتهزو ويتحطو مع أي خطوة دار مافيقها من سهوتها غير وشوشة واحد جماعة ديال واحد البنات باركين فوق واحد طاولة ومضومنضين على الغداء للي قدامهم ولابسين اامعري أكثر من اامغطي وباينين من ناس طبقة البرجوازية ....
البنت 1 : أحححح ياختي على تيتز لي داخل شوفو شوفو داك خينة للي داخل مع دخلة ديال ريسطو...
(ضورو دوك البنات عينهم حتى كلشي بان ليك حال فمو ونطقات البنت 2 ).....
البنت 2 : ياختي شوفي ليك الهيبة للي عندو شوفي ليك تخنزيرة كيفاش دايرة أححح ياربي طحت أنا والله غير ليلة مع هادا ولابغات تجي الموت غير تجي
البنت 3 تنهدات ونطقات : ياربي على فورمة عندو
البنت 4 : صارحة متيتز ( شافت في البنات وغمزاتهم ) نوعي المفضل ....
عبير داز هاد الحوار كامل على ودنيها و عضات على شفايفها وكرزات على يديها حتى منى توعتات من شدة ديالها حسات بقلبها تزير عليها كرهات هاد الإحساس حيت بقدر ماكاتكرهو بقدر ماكاتبغيه وماكاتستحملش شي حد يشوف فيه ولو غير بنظرة إعجاب عاد تستحمل كلامهم للي دخل ليها لقبلها وشعل فيه نار الغيرة هيا عارفة أنا مابقاش عندها هاد الحق نهائيا ولكن القلب ومايريد حاولات تكرهو وتنساه حيت للي دوز عليها ماشي قليل ولكن مستحيل تكدب على رأسها حيت حتى هيا كان عندها إيد في هادشي وبغاتو من أعماق قلبها وسمحات ليه إيدلها كيف بغاها هيا بصاح مستحيل تسمح ليه شي نهار ولاكن غادي تكدب على رأسها لاقالت نساتو لا هيا قلبها باقي كاديق غير بأيسمو هو وبس هيا برأسها كارهة رأسها من هاد شعور زادت كرزات على شفايفها حتى قربو يدوزو ب
بدم تنهدات وفتحات عينها ورجعات نظراتها للي كلهم حقد وغضب جيهت دوك لبنات ماكرهاتش تنتفهم وحدة وحدة وتجفف بيهم هاد ريسطو غير خافت من هارون لايشوفها بزز باش صبرات رأسها ورجعات عينها على هارون للي غادي داخل مع ريسطو ونطقات بغضب ...
عبير : المتكبر لاخر حاس برأسو وحاس بعضلاتو المتعجرف تفو بغيت غير نعرف أشنو عجبهم فيك كانكرهك أهارون كانكرهم ( وضربات رأسها بخفة وكملات كلامها ) واقلة حماقيتي أعبير ونتي أشنو عجبك فيه تنهدات ونطقات بصوت خافت وبدون وعي منها ...
أنت تقرأ
لعنة العاشق
Romance💫 لعنة عاشق💫 lover's cours💫 بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَكيدُ بهِ مَن...
