أصبحنا وأصبح الملك عند هارون للي خارج من الغرفة ديالو وهاد المرة لابس سبور في الأسود تاجه لمجر خشا فيها إيديه وجبد منها خاتم زواج ديالو خشاها في تجاكيط للي لابس وتم خارج كيف عادتو عاقد غباشتو وخاصو غير معامن وباين عليه معصب من ملاميحو نزل من درج تاجه لطاولة الإفطار بان ليه غير لؤي للي بارك هز فيه عيونو وشاف ف الخدم و نطق ببحة رجولية ....
هارون : فاين الواليدة والواليد
الخادمة : خرجوا بكري أسي هارون
هارون : اوكي جيبي ليا قهوة سادة
..الخادمة حنات رأسها وجابت ليه اشنو بغا ولؤي غير كايشوف في الأخ ديالو بنصف عاين
أما هارون للي رشف منها بدون مايتكلم حتى تم نايض من طاولة الإفطار خشا إيديه في جيباو باغي يجبد كونطاك سيارة حتى طاح خاتم الزواج هبط على مستواه باغي ياخدو حتى كايبان ليه لؤي سبقوا وهزوا بين إيديه وشاف في هارون
لؤي برود: مزال محتافض بيه
هارون طلع حاجبو: ونتا اش مشا ليك ؟؟
لؤي قرب ومدو ليه: مزال قدامك وقت حاول تصلح أمورك...
تخطاه بعدما حطو ليه فيدو خلاه كيشوف سمع تيلي ديالو شدو كان يازيد.
هارون: وي يازيد...
يازيد : الطائرة معاياش عندنا
هارون : مع الثامنة ديال ليل نتلاقاو في المطار
يازيد: اش باليك نتغداو فوق بحر
هارون : تمام شوية ونجي
قطع عليه بقا واقف بلاصتو عينو سارحين جات فبالو عبير...
عند فاتن للي فايقة راشقة ليها واقفة قدام المرآة كاتعمل أخر لمسات الميكاب خدات صاكها وعملات فيه تيلي واغراضها وقفات شافت راسها هيا هاديك وخرجات من غرفتها وتاجهات لغرفة نسرين فتحاتها بدون ماتستأدن و لقاتها يالله كاتكسل
