نسرين ضارت مخلوعة حتى كاتشوف فيه معنقها من ضهرها بعدات عليه وهيا هازة شفايفها لسماء ونطقات بزعل ....
نسرين : بعد عليا الله ساليتي ليا بارح نهار كامل كانصوني عليك وفي ليل بقيت مشوشة ياك ماواقعة ليك شي حاجة وإنت شوف أشمن بار ولا أشمن بنت كنتي معاها ماتبقاش تهضر معايا ( ودلات شفايفها بطفولية )
يازيد كايشوف فيها وداير إبتسامة وجرها من إيديها وتاجه بيها لسيارتو حتى دخلات ورجع هو لمكانو وسد باب سيارة وقرب لكوسان ليها وهو عيونو غير عليها أما هيا عاطياه بضهر كاتشوف من نافدة ديال سيارة حتى كاتحس بيه هزها بدون إنذار وحطها فوق فخاضو وباقي محافظ على إبتسامتو وعاض على شفايفو
نسرين فتحات عيونها بقوة وهيا كاتشوف في جسمها بارك على فخاضو حسات بالحرارة طالعة معاها ووجها ولا أحمر وعضات على شفايفها بقوة وشفارها كايتحكرو بزززاف وكل مرة كاتسرط في ريقها أما يازيد للي كايطلعها ويهبطها حمقاتو بهاد الحركات الطفولية ديالها وسرط ريقو حتى بانت تفاحة آدم طلعات وهبطات وتنهد تنهيدة خارجة من أعماق قلبو وحط إيديه على وجها بحنية وعيونو في عيونها ونطق بصوت معسل ....
يازيد : القطيطة ديالي مقلقة مني ياك ، غير كوني هانية ماكنت لافي بواط لا مع شي خيتي كنت مع لؤي في شركة ويمكن ليك تسوليه بايتين في شركة خدامين ...
نسرين : أمممم تيقتك وعلاش تيلي ديالك حتى هو كان خدام
يازيد: ههههه لا نسيتو في طومبيل فاش خرجت من شركة شفت ميساج ديالك وليزابيل فاش بغيت نصوني عليك طفا ليا هاكي شوفي بعينيك ( وهز تيلي وعطاه ليها عاد كمل كلامو ) ودابا أنا جيت عندك واخة فيا الموت ديال جوع قلت نسبقك إنتي الأولى وعارف غادي تكوني مشوشة عليا القطيطة ديالي
نسرين نسات رأسها وحسات بالفرشات كايلعبو ليها في البطن ديالها وبقات كاتحرك فوق رجولة ديال يازيد وهو غير كايتنهد ماكرهش ينوض يقلبها يتكيها تما نيت صابر غير على قبل صاحبو للي حاطو بين عينيه وزيد عليها نسرين ماشي ديال هادشي باغيها حتى تكون ملكو عاد يخرج منها زيت رومية وثالث حاجة خاصو يتأكد من مشاعرها إتجاهو ، هز عيونو فيها شاف فيها كاتهز في إيديها وحطاتها على عنقو ودايرة إبتسامة ونطقات ..
نسرين : أممممم دابا هدشي كايعني أنني مهمة بالنسبة ليك
يازيد طول فيها شوفة ونطق بصوت جدي ...
يازيد : بزااااااااف مايكونش عندك فيها شك
نسرين : ههههه سعداتي
يازيد نطق بجدية ثامة هاد المرة : نسرين بغيت نهضر معاك في واحد الأمر مهم
أنت تقرأ
لعنة العاشق
Romance💫 لعنة عاشق💫 lover's cours💫 بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَكيدُ بهِ مَن...
