داز شوية ديال لوقت عند عبير واخيراا حطها شيفور قدام دار سعاد شكراتو ونزلات بعدما وصلات جوزيف فيلا وصا شيفور يوصلها هيا لدار ودعاتو متمنية ليه شيفاء....
دقات لباب وحلات ليها سعاد لي فاقت
عبير: دادا( عنقتها)
سعاد: الله ابنتي الله قلبي وسمت بارح تي علاش بتي تم...
عبير: غير نبدل ادادا وندوش ونجي نعود ليك فين وليدات...
سعاد: كولشي ناعسين توفيق لبارح كيخاصم مبغاكش تباتي برا دار شوي ميجي كازا غير هدنتو ...
عبير: لي معندو زهر معندو روينة لي شفت بارح مشفها حد دادا غير ندوش كنحس براسي مسخسة....
طلعات فدروج نيشان لبيتها دخلات وسدات لباب لقات ولدها فكونة ناعسين قربات باستهوم عاد مشات باست منى لي ناعسة وغطاتها توجهات بلاكرها هزات بيجامة ولوازم دوش فوطة وخرجات ليه. نيشان تريح عضامها...
بعد نصف ساعة كالسين فصالة كبات ليها سعاد أتاي يالله حطاتو دخل توفيق مخنزر يالله فاق..
توفيق: صباح الخير على سلامة عبير
عبير: لله يسلمك اتوفيق والله وقع واحد مشكل طريت نبات...
توفيق مخنزر: اخرى اعبير فاتن شرحات ليا جوزيف دار شي كسيدة وديتوه كنينيك مشي شغلي فيه لهلا اقلب جد بوه لي اهم اني عمري نشوفك كتباتي براا واش فهمتي...
عبير حدرات راسها: واخا اخويا توفيق سمح لياا..
توفيق: مشي مشكل من خوفي عليك راك ختي صغيرة على عموم لوليدة انا غنطلع نبدل خارج سبيطار صونا ليا سفيان نجي نشوفو حيث غيدوه الكازا على حساب واحد طبيب مختص يشوفو ديري بحساب ايمان غنجيبها معاياا حيث طلبني نخليها عندكوم حتا يرجع مبقا كيتيق فحد...
شافت فيه عبير كترمش حتا هضرات سعاد...
سعاد: ومالها متمشي دار خالتها غا فدورة اش غدير عندي انا هناا...
توفيق: لوليدة راه سيد طلبني واش نقل ليه لا يومين مدات مجابت يالله انا غنمشي نبدل...
طلع خلا سعاد كتشوف هضرات عبير
عبير: الى عرفات فاتن اخالتي ولدك جايب ايمان بيديه تقتلو وتبعها ليه
سعاد معصبة: والله هيا لي بقات تعوج عليا هنا قولي ليا اش وقع فلحفلة اصكعة عرفاك مكترجعي صفراء حتا تخلي شي مصيبة وراك...
أنت تقرأ
لعنة العاشق
Romance💫 لعنة عاشق💫 lover's cours💫 بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَكيدُ بهِ مَن...
