تمشات كتزرب فخطوات وكدعي الله تلقاها دازت درب لول ودنيا خاوية غير قوة شموسات معا دخلات درب ثاني.. غادية فأمان الله معرفات حتا خرجو ليها جوج خلعوها كل واحد كمارتو كفس من لاخر نفس تقطعات فيها يالله غترجع لور حتا حسات بواحد اخر وراها جبد مضا على عنقها تحط وبصوت كيخلع مشمكر ريحت حشيش كيضرب منو
مشرمل: فين غادي توتة زربان
المشرمل ثاني للي كايطلعها ويهبطها بشهوة: أححححح شفتها لابسة شيبي وأنا نحط قلبي في جيبي فاين غاديا أهاد البياسة بلا ماندوقوك
عبير قلبها باغي يسكت وكاتحس بدقاتو تسارعوا وبدأت كاتسرط في ريقها بخوف عارفة رأسها ماعندها زهر وأي مشكيلة طاحت فيها كاتخرج منها كاتلقى مشكيلة أكبر منها ..... هبطات عينها على جيهت الموس لي في رقبة ديالها
عبير بصوت ضعيف: الله يخليك أخويا بعد مني كانترجاك أنا جيت غير نقلب على شي سيدة هنا ماتقيسنيش الله يخليك كااانترجااك أخويااا
المشرمل دوباتو بهضرتها وضحك من قلبو
مشرمل : هههههههه أححححح على صويت بربي مانفلتك واخة يحضر عزرائيل....
ودور يديه على خصرها بإحكام وجرها وغمز صاحبو باش يتبعو وعبير كاتغوت لربي للي خلقها حتى وصلو لواحد دار مهجورة وعبير قلبها باغي يخرج من بلاصتو وصوتها مالي المكان أما دوك شمكارة عقلهم غير في الحلوة للي غادي يدوقو منها وهما في قمة الفرحة ، يالله باغين يخطو خطوة ديال العتبة ديال ديك دار حتى كايحسو بشي خطوات وراهم دارو بزربة حتى كايبان ليهم روبيو ديال درب سرطو ريقهم بقوة الخوف ...أما عبير لي شافت فيه كيفاش مغطي رأسو بكاسكيطة كايبانو غير شفايفو ونطقات بصوت مترجي
عبير بكاء: خويااا الله يخليك عتقني كااانترجاااك أخويا هئ هى
المشرمل لاح عبير بقوة جات طايحة في العتبة ديال باب دار وكايشوف فيها بنظرات كايخلعو ورجع نظراتو لشخص المجهول
المشرمل : الخاوة باغي شي حاجة
روبيو نطق ببحة رجولية باردة كيشعل كارو بين يديه مبرد سوق طلع عينو فيهوم وساط داك دخان وهوما عرفو نهارهوم كحل
ربيوو بصوت غليض حاد: اش واقع هنا أولد عمي
المشرمل ثاني خايف : عشيري بغينا غير نحيدو الملل وهاد القرطاسة جات في طريقنا حرام نضيعوها ولا بغيتي يمكن ليك نت الأول تبدأ بيها باينا غادي تكون حلوة ومنها نوريها رجلة كيفاش دايرة ( وضحك ضحكة مستفزة )ههههه
أنت تقرأ
لعنة العاشق
Romance💫 لعنة عاشق💫 lover's cours💫 بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَكيدُ بهِ مَن...
