آسية : سي فؤاد ماكاتشرب والو نجيب ليك شي كأس ديال العصير
فؤاد: واخة أبنتي الله يرضي عليك....آسية دارت إبتسامة خبيتة وتمات ماشية إتجاه سيرفور وخدات كأس ديال العصير ضورات عيونها على المكان وجبدات ساشية من البوشيط فتحاتها وكباتها في كأس ديال العصير ديال فؤاد حركاتها بصبعها تحت نظرات الأم ديالها للي دايرة إبتسامة وتمشات آسية إتجاه فؤاد للي باقي واقف في مكانو ومدات ليه داك الكأس دار ليها إبتسامة شكر وهز كأس باغي يحطو في شفايفو حتى كايقوقف عليه توفيق
توفيق : أحم أحم
آسية كانت مركزة مع داك الكأس للي بين إيدين فؤاد ودايرة إبتسامة هاهيا غادي تبدأ ترجع الثأر وعيونها على شفايف فؤاد حتى كايوقف عليهم توفيق طلعاتو وهبطاتو وهو كدالك طلعها وهبطها ماعرفش علاش ماحملهاش ونطق بصوتو المدعدع ...
توفيق : كاينا شي حاجة الأخت ؟؟
آسية هازة فيه عيونها : مافهمتكش أشنو كاتقصد
توفيق : قصدي راه باين مالنا على هاد نظرات
آسية : عفواااااا
فؤاد تدخل: توفيق ولدي نعرفك هادي آسية المحامية ديال شركة يمكن ماتعرفتوش قبل
توفيق طلعها وهبطها وشاف في فؤاد ونطق ...
توفيق : سي فؤاد بغيت نهضر معاك في واحد الأمر شخصي
آسية : أممم مهيم نخليكم وتمات... ماشية جيهت الأم ديالها للي ناضت قربات منها
عبلة : أشنو درتي أبنتي شفتك درتيه ليه في الكأس
آسية : درتو الله بغا يشربو وهو يجي داك وجه الحبس مانعرف منين خرج ليا
عبلة : ياك عطيتيه ليه بعدا
آسية : إيه خادو أماما
عبلة : صافي دابا يشربو يالله أجي نبركو باش مالفتوش الأنظار
فؤاد : ولدي مالك معاها راه ضريفة غير مازال ماتعرفتي عليها
توفيق: من لخر ماتصرطاش ليا أسي فؤاد جوني عينيها غير كايضور وهاد نوع كانعرفو غير منظرة الأولى وماعندي علاش نتعرف عليها مهيم خليني منها بغيت نهضر معاك في واحد الموضوع
فؤاد : قول أولدي أشنو كاين
توفيق : ممكن نبعدو على هاد الهيلالة
فؤاد حط داك الكأس بدون مايدوق منو حتى جغمة فوق واحد طابلة وتم ماشي مع توفيق جاء سيرفور هز داك الكأس حطو في صينية وجمع معاهم كيسان وتم متاجه لكوزينة حطو لواحد سيدة مكلفة بغسيل الأواني للي هزاتو وكباتو في البوطاجي وغسلاتو وحطاتو مع الكيسان ثانين
عند توفيق وفؤاد للي وقفو جنب البحر
توفيق : أحم سي فؤاد بغيت نهضر ليك على فاتن
أنت تقرأ
لعنة العاشق
Romance💫 لعنة عاشق💫 lover's cours💫 بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَكيدُ بهِ مَن...
