﮼ويستي‌دڵ

4 ☁︎

ئیلنیا

تاکو ئەو کاتەی خاتوو مارییـا نەخۆشکەوت
حەوت ساڵ لەمەوپێش بوو

هێشتا ئەو ڕۆژەم بەباشی بیرە کە خاتوو مارییـا لەبەرچاوەکانمدا کەوتە سەر زەوییەکە ـ وە بیرمە بەڕێز جیمین چۆن ڕەنگی ڕووخساری زەرد هەڵگەڕا و دەمارەکانی ملی سوور بوون بەهۆی هاوارکردنەوە بیرمە چەند شێتانە ناوی دەهێنا و دەیویست بەئاگای بهێنێتەوە من لەوەوە بۆم دەرکەوت کە دەکرێت پیاو چەندە زۆر ئافرەتێکی خۆشبوێت کە دەکرێت پیاوێک چەندە تێک بشکێت لەدوای لەدەستدانی ئەوەی دڵی پێی داوە تەنها خاتوو مارییا'مان لەدەست نەدا بەڵکو بەڕێز جیمین'یش

پزیشکەکە لە ژوورەکە هاتە دەرەوە بە نائوومێدی سەری داخست و بەڕێز جیمین بەردەوام بوو لە پرسیارکردن دەربارەی تەندروستی خانمەکەم

پزیشک ' ببورە گەورەم پاڕک جیمین ' بەڵام هاوسەرەکەت ماوەیەکی زۆرە نەخۆشە وە جگەر لە پێدانی ئازارشکێن هیچی دیکە بە ئێمە ناکرێت ... زۆر لەوە زیاتر بڵاوەیە تاکو ئێمە کارێک بکەین

هەرگیز پیاوێکتان بینیوە بکەوێتە سەر ئەژنۆکانی و هەناسەکانی قورس بێت و توانای ئەوەی نەبێت ئێخەی کەسی بەرامبەری بگرێت؟

من بینیم ... کە بەو شێوەیە بینیم لە ترساندا فرمێسکەکانم بێ وەستان دەکەوتن هەرگیز ئەوم نەبینیبوو لەسەر زەویەکە بێت بەو شێوەیە
ئاخر هەمیشە بە سەربەرزی و زەردەخەنەوە پێڵاوە گرانبەهاکانی لەسەر زەوییەکە بوو نەک خۆی ....

جیمین ' کەوایە دەڵێیت ناتوانی هاوسەرەکەم چارەسەر بکەیت؟ چ پزیشکێکی بێ کەڵکیت بەتەواوی فەرامۆشت دەکەم وا دەکەم هیچ کەس متمانەی پێت نەبێت

پزیشک ' گەورەم من تەنها ڕاستیم وت

هاواری کرد ' جیـن

پیاوە دڵسۆزەکەی کۆشکەکە' تاکە هاوڕێی من ' بە چاوە پڕ فرمێسکەکانی هات کەس هەستی نەکرد بە فرمێسک و گریانەکانی بەڵام من لە دوورەوە ئەوانم بینی دەمزانی چەندە پیاوێکی پڕ هەست و سۆزە بەڵام نەمدەزانی چۆن هێندە بەهێز خۆی نیشان دەدات

جیمین ' بیکە دەرەوە بڕۆ لە پایتەختەوە بەناوبانگترین پزیشک بهێنە بۆ من هەر ئێستا

جین قۆلی پزیشکەکەی گرت بەڵام درگای ژوورەکەی خاتوو مارییـا کرایەوە و ڕەنگە پەڕیوەکەیم بینی .... خۆم نەگرت هەنسکێکم کرد و بەرەو باوەشی ڕام کرد

ئەو وەک خوشکێک بوو بۆم
وەک هاوڕێیەک
وەک دایکێک ' هەمیشە لە تەنیشتم بوو لە هەموو بارودۆخەکان ' خاتوو مارییا بیرت دەکەم ئایا لێم خۆش بوویت ؟

خاتوو مارییا بە دەستە لاوازەکانی باوەشی دامەوە وەک هەمیشە بە نەرمونیانی و لەسەرخۆی وتی ' براکەم جین واز لە پزیشکەکە بهێنە ' ئازیزم وەرە قسە بکەین

من نزیک تر ببومەوە کاتێک چاوەکانیان بڕییە یەکتری
کاتێک یەکەم فرمێسکم بینی لە چاوەکانی
دڵم ترپەی کرد
بۆی خەمباربوو
دڵم دەشکا بەم دڵتەنگیە

من نەڕۆشتمە ژوور ... ئەوان دەبوو بەیەکەوە بن من ئەوکاتیش دەمزانی دەبێت باوەشی یەکتری بکەن و بەتەنها بن

ئیتر تەواوی ژیان لە کۆشکدا گۆڕا
چیدی خاتوو مارییا نەیدەتوانی بڕوات بازاڕییەکی گەورە بۆهەمووان بکات و جل و پێداویستیم بۆ بهێنێت بەڵکو دەبوو من هەوڵبدەم ئەرکی کۆشکەکە بەڕێوە ببەم ' بەڕێز جیمین ! وەک چاودێریک وابوو لەلای هاوسەرەکەی تەواوی ئیشەکانی جین دەیکرد و ڕایدەپەڕاند بەڕێز جیمین وا ڕەفتاری دەکرد کە خاوەنی هیچ شتێک نییە جگە لە هاوسەرەکەی

مانگ لەدوای مانگ خاتوو مارییـا لاوازتر دەبوو ' هەموو کەس دەیتوانی بە ئاشکرا هەست بکات کە نەخۆشە و کاتی نەماوە
هەر ئەو کاتە بوو کە ڕۆژێک داوای کرد بە تەنها قسەم لەگەڵ بکات هەستم بە لەرز دەکرد نەمدەویست ' من هەمیشە خۆم گێل دەکرد لەوەی ئەو بەم زوانە دەڕوات بۆ هەمیشە

ئیلنیا ' سڵاو خاتوونەکەم ئایا باشیت ؟

مارییـا ' ئازیزم وەرە ئێرە

بە گوێڕایەڵیەوە ڕۆشتمە لایەوە پەنجە باریک و لاوازەکانی لە پرچەکانم ئاڵاند و بە ئارامییەوە دەستی بە قسەکردن کرد

مارییـا ' بیستم وەک خاتوونێک کارەکانی کۆشکەکە دەکەیت دەست خۆش ئەمە کارێکە لە تۆ بوەشێتەوە

ئیلنیا ' سوپاس خاتوونم

مارییـا ' ئازیزم دەزانیت کە چەندە نەخۆشم و ڕۆژ بە ڕۆژ لاواز دەبم وە کاتێکی زۆرم نەماوە لە ژیاندا تۆ دەبێت تەواوی هێزی من ببەیت بۆ خۆت و پارێزگاری لە شکۆی ئەم کۆشکە بکەیت
وە تاکە داواکارییەکم لێت هەیە ......

لە ژوورەکەی هاتمە دەرەوە و دەستم بە گریان کرد ویستم بڕۆمە ژوورەکەم و خۆم کێشا بە بەڕێز جیمین'دا

جیمین ' ئیلنیا ئازیزم تۆ باشیت ؟

سەیرم کرد و فرمێسکەکانم بەردەوام بوو خۆم بۆ نەگیرا وەڵامم
دایەو
چی دەربارەی تۆ ئایا باشیت ؟

وەڵامی نەدایەوە و منیش ڕۆشتم وە کەسمان باسی ئەو کاتەمان نەکردەوە بۆ ماوەی مانگێکی دیکە بە تەواوی هێزمەوە خزمەتی خاتوونەکەمم کرد ' تەنانەت شەوانیش نەدەڕۆشتم لەلای مەگەر تەنها ئەو کاتانەی کە .... دەمزانی لەگەڵ بەڕێز جیمین

لە یەکێک لەو شەوانەدا کە ئەو و بەڕێز جیمینم بەتەنها جێهێشت
و گەڕامەوە لە ژوورەکەی خۆمدا شەوەکەم تێپەڕاند
لە هاوار و ناڵە و قیژە خەبەرم بووەوە

مــاریـــیـا
خاتوون
خاتوونەکەم
خاتوونەکەمان مرد

.
📔🖤
DAROSH