:وتييييينن... وووه عليااا بنتي 💔
طلعت تجري وهي تبكي وتنادي
جليله: يا أدهم لحق عليااا 😭😭
أدهم: ناض مخلوع... شن في
جليله: وتين طايحه في الدار ومجروحه
خش يجري رفعها للسياره وطلع بيها المستشفى طول
جميله: أهدي يا جليله ان شاء الله ما فيها شيي استهدي بالله يا وخيتي
جليله: تبكي وتخبط... يارب يا جميله يارب... بنمشيلها اني معش نقدر
جميله: وين بتمشي فهاليل توا أدهم يتصل ويطمنك عليها
جليله: يارب يارب
_______
طلع الدكتور ومشاله أدهم
أدهم: شن صار كيف حالها توا
الدكتور: ينحي في نضاراته... هي بخير توا صارلها أنهيار عصبي حاد هادا سبب الأغماء
أدهم: به والجرح
الدكتور: الجرح كان بسيط يمكن لما طاحت انجرحت المهم هي توا بخير ... معافيه ان شاء الله
أدهم: شكرا تعبناك
الدكتور: أبتسم لا تعب ولا شي هادا واجبي ☺️
مشي الدكتور وخش أدهم لـ وتين
أدهم: شن حالك توا
وتين: الحمدلله بخير ❤️🩹
أدهم: تقدري تمشي ولا تباتي هني
وتين: لالا نبي نروح
أدهم: تمام هي
سندها وناضت وطلعو ركبو السياره ومشو
وتين: طول الطريق وأني عيوني عليه مش قادره ننسي ان في بنت تانيه في قلبه 💔💔 اخخ ياربي طلع حبه من قلبي ياربب
وصلنا ونزلت خشيت الحوش ماما مخلتنيش حتي نقعد وهي تبكي وتحضن 😭🫂
وتين: خلاص يا ماما والله حالي باهي معش تبكي
جليله: تمام.. مسحت دموعها... شن قال الدكتور خيرها شن سبب الاغماء
أدهم: كذبت عليهم مش عارف علاش... بسبب الجرح
جليله: حضنت وتين... ديري بالك يا بنيتي المره هادي جت بسيطه الله اعلم المره الجايه شن بيصير ❤️🩹
توا خشي اتريحي سلم بنتي
خشيت داري وقعدت عالسرير ونفكر لين قطع تفكيري تلفوني
وتين: ألو
ساجده: وينك مبكري واني نتصل خوفتيني
وتين: شي غير مدايرته صامت
ساجده: به المهم تعالي غدوا لخدمتك ليك يومين راه مش حينفعك استاد أدهم لما يلزوك 😒
وتين: باهي تمام توا نجي تووا بنسكر وبنرقد
ساجده: متأكده أنتِ كويسه
وتين: اي كويسه هي سلام
ساجده: سلام
سكرت مع ساجده ورقدت منبيش نفكر ونزيد نتعب 😔❤️🩹
_______
ساجده: سكرت وقعدت تفكر خيره اكيد صاير شي توا نعرف غدوا
قاطع تفكيرها خوها ضربها علي ضهرها
اخخخ نحي يا دراه😒
وسام: وين أمي
ساجده: رقدت بكري
وسام: وأنتِ خيرك نايضه لتوا 🤨
ساجده: شن دخلك فيا حول ترا
وسام: باهي بري ديريلي ناكل
ساجده: سم ان شاء الله 😒🙂
طلعت ساجده وقعد بروحه غارق في تفكيره
وسام: نشبح في تلفوني ونفكر زعما شن صار فيها علاش تتجاهل في رسايلي... اخخ يا حبيبتي لو نقدر نجيك 😔... استحشتك هلبااا... نعرف ان اللي درته غلط.. كنت غبي مش عارف شن صارلي ضيعتك من أيدي... نعرف مش حتسامحيني 💔💔
__________
في مكان تاني بعيد عايشه عيله مليانه حقد وحسد وكره مفيش حد يحب التاني بس أكيد في سبب:
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
