كل عام وأنتم بخير نعرف عطلت عليكم هلبا سامحوني فراشاتي
هي نبدو ✨✨
____________________
وليد: نزل بسرعة وهو شايل هدى والرغوة البيضه تطلع من فمها وخايف وريحانه نازله وراه
هاجر: ناضت مخلوعه... شن في خيرها
ريحانه: ضمي فمك أنتِ.. وطلعت مع خوها
هاجر: قعمزت... أن شاء الله تموت شندخلي اني
وليد: حطها فالسيارة وجنبها ريحانه وقلبه بيطلع من مكانه وركب مكان السواق وللمستشفى
__________________________
حمزة: ها شن صار شن قالولك
خيرية: موافقين الحمدلله.. والبنت شكلها فرحت ناضت متحشمه
حمزة: بالك متبيش مش تحشمت
خيرية: لالا شن متبيش واضح فرحت
حمزة: اممم كويس كويس
خيرية: ربي يتمم علي خير يارب ونشوف صغارك
حمزة: أن شاء الله... تلفونه يتصل.. الو مصطفى شنجو
مصطفى: به ماشيه.. اسمع بنقولك تعالى ل مستشفى المدينة توا
حمزة: وقف السيارة... خير أن شاء الله فيك شي
مصطفى: لالا اموري طيبة أني هاذا مهند متصاوب
حمزة: تم هي خل نحط العيلة فالحوش ونجيك اني وأنس
مصطفى: ميه ميه سلام
حمزة: سكر التلفون
خيرية: خير يا ولدي شنفي
حمزة: صاحبي متصاوب بنمشيله خل نحطك فالحوش
خيرية: تمام يولدي
________________________
فالمستشفى:
وليد: وصل وقعد يعيط عليهم يبي دكتور
أدهم: شافه من بعيد مشاله... وليد شنفي خيرها
وليد: متوتر... مشعارف مشعارف
أدهم: تمام اهدى بس
جابولها نقاله وحطوها عليها وخشت للطوارئ
وليد: تلفت ل ريحانه... شنصار خيرها حالتها هكي
ريحانه: منعرفش من اول ما مشيت وهي في الدار مبتش تفتحلي
وليد: قعد فالاستقبال وراسه بين ايديه
طلع أدهم بعد وقت
وليد: هااا شنصار
أدهم: صارلها تسمم غذائي درنالها تنضيف معده وتوا امورها تمام
وليد: اااه الحمدلله نقدر نشوفها
أدهم: توا هي تحت تأثير المهدئ شوي تانيه توا نقوللهم يدخلوك
وليد: تمام بارك الله فيك
أدهم: أستغفر الله هاذا واجبي.. ومشي
ريحانه: احح الحمدلله خل نكلم أيمان من بكري تتصل
_________________________
في حوش العيله:
كانت حبيبه قاعده عالارض وتعيط وتندب والكل مصدوم فالمنظر اللي شايفينه
كانت أحلام ملوحه عالارض ودمها يبخ من كل مكان 💔
عبد الله واقف مصدوم ومش قادر يتحرك
البنات خايفين لان منضرها كان صعب ويبكو ويعيطو
جميله تهدي في حبيبه
فتحيه اغمى عليها
حتى الرجاله واقفين مصدومين ومش قادرين يمشو حتى يرفعوها المشفى
أيهم: قعد يمشي لين وصل فيها وحط ايده علي رقبتها لقى مفيش نبض و وجها كله دم حط وجه بين ايديه ويبكي ويردد ماتت ماتت
جي سفيان قعد يهزز فيه يقول قيمها للسيارة وأيهم مش معاه بكلل
قامها سفيان بين ايديه وطلع يجري للسيارة حطها وركب معاه أسلام وللمشفى
___________________
محمد: ك كيف مشقادر تحركها
مهند: يشبح ل رجليه وساكت
مصطفى: خش و وراه الدكتور
الدكتور: كيف حالك توا
مهند: هز راسه
محمد: شنفي دكتور خيره مش قادر يحرك رجليه
الدكتور: التخدير درناه فالجزء السفلي من جسمه أكيد قاعد أثر ليه لكن العمليه كانت ناجحه وقدرنا نطلعو الطلقه قبل ما تأثر علي العمود الفقري توا شوي تانيه يمشي التخدير ويقدر يحركها
محمد: اها كويس بارك الله فيك دكتور
الدكتور: وفيك بارك الله واجبي هادا توا بنبعت الممرضه تتطمن عالجرح ونجيك فوقت تاني أن شاء الله بالشفى.. وطلع
مصطفى: تي خلعتنا يا راجل معقوله طلقه تأثر فيك هكي
مهند: من دارها
مصطفى: شبح ل محمد ومتوتر
محمد: عبدالحكيم و ولده
مهند: اممم شديتو اللي دارها
مصطفى: اي شديناه في المخزن توا
مهند: كويس انوض وتوا يشوفو شن يصير فيهم
مصطفى: يصير خير يصير خير
طق الباب وخش حمزة وأنس
حمزة: السلام عليكم
مهند: وعليكم السلام
أنس: غريبة مهند علي فراش المصحه مش متعودين عليك يا برو
مهند: ضحك.. خدوني بغدره يصاحبي
حمزة: من دار فيك هكي
مهند: مشعارف كنت طالع من الشركة لقيت واحد قدامي قالي عبدو يسلم عليك مشيت مرديتش عليه ضربني ولد الكلب
حمزة: هاا من عبدو هادا
محمد: مشعارفين والله فوتوه توا الموضوع هادا خل نمشي نجيب عشي جعان
أنس: هي بنمشي معاك
وطلعو
________________________
الممرضه: وين أهل المريضه
وليد: ءءأني أني راجلها
الممرضه: المريضه فاقت تقدرو تشوفوها
وليد: خش للغرفه لقاها راقده وفاتحه عيونها وتشبح للسقف
قعد جنبها أنتِ كويسه!
هدى: شبحتله وقعدت ساكته
وليد: غمض عيونه ثواني وفتحهم.... أني أسف
هدى: دمعتها نزلت.... وليد
وليد: شبحلها... عيونه
هدى: أطلع منبيش نشوفك
وليد: شبحلها مصدوم
هدى: أطلع
أنفتح الباب وخشت هبة وهي تبكي
هبة: هددى أنتِ بخير شنصار فيك أول ما عرفت جيتك نجري..
هدى: هبة خليه يطلع نبيش نشوفه خليه يطلع
هبة: مفهمتش شنصار وخيرها اختها مع راجلها... تمام أنتِ اهدي.. شبحت ل وليد.. ممكن تطلع توا لين تهدا
وليد: ناض طلع وهو ساكت
هبة: شنفي خيرك
هدى: تبكي ودموعها زي الشلال... اخخ يا هبة اخخ
هبة: احكي خيركك
هدى: مسحت دموعها... مرته رجعت وحامل مصدومه يا هبة نار فقلبي نارر قالولي رجعها واني مصدقتش وحبيته يا هبة حبيته
هبة: حضنت أختها... اهدي يوخيتي أن شاء الله نلقو حل غر أهدي أنتِ
هدى: معش نبيه معش نبيه يا هبةة معش نبيه كدب عليا و وهمني أنه يحبني
هبة: خلاص يعمري اهدي معاك اني مش حنخليك
________________________
موده أمينه منى منال نهال سهر سالمه قاعدين يشبحو ل بعض ومصدومين شنصار فيها ومن اللي دار فيها هكي ومش قادرين ينسو منضرها وهي ملوحه والدم معبي نهال تبكي ودموعها موقفوش خش عليهم أدهم و وتين
وتين: بسم الله خيركم شنفي
قعدو ساكتين مفيش وحده منهم تكلمت كانت الصدمه مأثره عليهم
أدهم: شنفي أدوي أنتِ وياها
موده: أحلام لقيناها ملوحه قدام الباب ومعبيه دم 💔
وتين: ك كيف علاش
منى: مشعارفين فتحنا الباب لقيناها بالمنضر هادا خداها سفيان وأسلام للمشفي
أدهم: والباقي وين
موده: مااما وعمتي جميله فوق وعمي عبد الحكيم وكمال فالمربوعه مشو كلهم للمشفى
أدهم: طلع بسرعه من الحوش بش يلحق عليهم
وتين: حضنت نهال.. خلاص أهدى اكيد حتكون كويسه متبكيش 💔
كانت رسيل في دار أحلام وتبكي وتدعيلها لفت نظرها ورقه محطوطه ع طاوله المكياج ناضت خدتها وبدت تقرا فيها وهي مصدومه
رسيل: حاطه ايدها علي فمها... مستحيل... 🫢💔
يتبع.......
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
