الحلقه التاسعه ✨
🔥✨روايات فراشتي ✨🔥
________________
عند منى:
وتين: كملتي..
منى: اي هي
طلعو معبعض وركبو السياره وانطلقو للمصح اللي بدير فيه التحليل...
ساجده: شافتهم من بعيد ومشتلهم... اهليين
وتين: اهلا بيكك
ساجده: كيف حالك منى
منى: الحمدلله بخير
وتين: باهي هيا بش نكملو بسرعه
خشو المصح ومشو لقسم التحليلات وخدو منها عينه دم
ساجده: تمام غدوا بتطلع التحليل
وتين: اهم شي محد يعرف يا ساجده باهيي
ساجده: حاضر يبنتي فهمنا
وتين: تمام هي سلام نتلاقو ♥
_____________
طلعو وتين و منى وركبو السياره ومشو فطريقهم
للحوش
لكن فجأة وبدون سابق أنذر
وتين ضربت سياره من الجنب
وتين: انصدمت وقعدت تشبح للسياره قدامها
منى: حي علينا يا وتين حيي
وتين: نزلت من السياره ومشت تشوف لو اللي فيها متصاوب.. لقت الراجل راسه مفتوح ومغمي عليه
حي عليا حي
تلمت الناس واتصلو بالاسعاف و الشرطه
: ممكن نفهم كيف صار الحادث
وتين: مشفتش السياره والله وهو خش بسرعهه
: يعني مش مقصوده
وتين: لالا علاش بنضربه الراجل واني منعرفاش
: به اعطيني بطاقتكم
منى: لالا علاش بتحبسونا قصدك مدرنا شي وحق ربي ما تحبسوناش
: خيرك متوتره اهدي مش حيحبسوكم متخافيش بالمناسبة اني طلال
وتين: هاتي بطاقتك احسن ما يحبسونا بجد
عطتها منى بطاقتها
وتين: تفضل وتشرفنا
طلال: منى فؤاد.... أنتِ أخت أسلام؟
منى: حي يعرف خوي وربي يقتلني حي عليا
طلال: خيرك خايفه أنتِ مدايره شي غلط
منى: لالا
طلال: امالا خلاص ما تخفيش سألت بس لاني نعرفه المهم تفضلو بطاقتكم... وروحو توا ولما ينوض الراجل توا نشوفو بيدير محضر ولا بيسامح
وتين: ت تمام شكرا
مشت وتين ومنى وهما يرعشو ركبو السياره ومشو للحوش.
__________________
ريحانه: حييي تبصري 😂😂😂😂😂
اخخخ بنموت... قصدك حبستيه فالدار 😂😂
هدي: والله كان تشوفيني كيف خايفه 😂
أيمان: حي عليك بتلعبي بالنار
هدي: نحب نلعب بالنار 😉
ريحانه: ايوا هدي ايوووااا 😂
هدي: ايي وحتي كان بيطلع بس غير رأيه
ريحانه: الله أكبر عليكي
هدي: قاعدين فالبدايه توا يشوف
ريحانه: علي شن ناويه
هدي: كل خير... مهم اعطيني رقمه نبي نكلمه
ريحانه: اييي جو اتصالات وهكي 😂
هدي: بلا براده هاتيه
ريحانه: خودي هي... 09...
هدي: ناضت... شويه ونجيكم هي
هدي: أتصلت.... الو
وليد: ايو منو؟!
هدي: اني هدي
وليد: من وين جبتي رقمي
هدي: بالعقل هكي من وين بنجيبه رقمك اكيد من عيلتك... مهم بنطلب طلب وياريت مترفضش
وليد: لا
هدي: شن لا قاعده مقلتش
وليد: وفرت عليك لاني مش حنوافق
هدي: وليد اسمعني باهي... نبي نمشي لأختي غدوا مسافره ونبي نشوفها بالله عليك
وليد: كلميها مش لازم تمشي
هدي: عاد نكلمها مش زي لما نشوفها... لو سمحت نص ساعه بس ونرجعو
وليد: باهي تماام
هدي: تبصرررر... ءءاء قصدي باهي امتا بتجي
وليد: وتي روحك قبل المغرب ينجيك
هدي: تمام هي سلامم عطلتك
وليد: سلام..
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
