اسفه عالتأخير بس والله عندي ضغط امتحانات و حوش وهكي بس تأكدو ان حنعوضكم وحنكمل الروأيه ان شاء الله لو قدرت الفترة هادي هي نبدو بسم الله 🥹🤍.
~~~~~~~~~~
أدهم: امتا بتطلع نتيجه التحليل قالو
وتين: قتلي ساجده غدوا الصبح
أدهم: كويس بكلل يعني يمكن غدوا تاخد اول جلسه... خيرك معش مشيتي للمصح
وتين: مش عارفه بس حبيت ناخذ راحه الفتره هادي واصلا بنمشي غدوا
أدهم: اهاا باهي.... احم بنقولك حاجه يعني منعرفش امك قالتلك ولا لا
وتين: لالا مشفتهاش ماما اصلا قول
أدهم: اني اليوم كلمت امي ف موضوع
وتين: اييي شن هوو
أدهم:نبي نتزوجك
وتين: ش شن شنو!!!!
أدهم: اي زي ما سمعتي... احم يعني اني ليا هلبا نفكر ونفكر... امي تبيني نتزوج واني مش حنلقا أحسن منك يعني كلهم يعرفوك وقريبه مني هلباا نحكيلك كل شي يعني أنتِ الوحيده اللي حنقدر نكمل حياتي معاها
وتين: هو يتكلم واني نشبحله مصدومه شن يقول هادا مش قال لو اخر بنت مش حنتزوجها شن صار شن اللي اختلف علاش يعني معقوله حبني؟!
أدهم: وين مشيتي
وتين: اهااا يعني مشعارفه شن نقول
أدهم: قولي اي حاجه متسكتيش
وتين: بنسألك مش قلت لو اخر بنت مش حتاخدني شن صار شن اللي تغير يعني!؟
أدهم: توتر وخش بعضه... من وين تعرفي احم قصدي من قالك اني قلت هكي
وتين: اني سمعتك يومها قلت هكي لخالتي ولا اني سمعت غلط
أدهم: مش مهم اللي صار قبل اني وقتها كنت متلخبط ودايخ مشعارف شن نبي قلت هكي لأمي عشان متقعدش فوق راسي تزن
وتين: اممممم.... ناضت.. المهم يا أدهم نقولهالك من توا أني مش موافقه حتى كان ماما وافقت ف اني لا... تصبح علي خير.
أدهم: كان مصدوم يشبح قدامه وساكت... شنصار توا... رفضتني.. علاش الزفت علاش... ناض قعد يلود حاولين نفسه.... تي كيف كيف لازم توافق مستحيل نخليها ل غيري... توا نكلم ماما اكيد عندها الحل.. ياربي اكتبها ليا يارببب
خش الحوش وركب ل غرفته وهو يفكر في وتين
_______________
عند وتين:
خشت قعدت تنقز عالسرير وتضحك
وتين: واخيرررررااااا واخيررررااا ياربييي نحمدك ونشكرك.... قالي نبي نتزوجك حي عليااااااا حييي وووععععععععععععع... وقفت مره واحده... ثواني اني علاش رفضت؟
حييييي علياااا خيرني غبيه ووووههه رفضته غبارتيي السودهه... لالالا اكيد هو بيحاول تاني يعني اكيد بيدير اي حاجه بش يقنعني اكيد..... ناضت تنقز تاني وتضحك.... واخيررررررااااااا
خل نكلم ساجدةة...
وتين: الووو
ساجدة: اهلين توتا شنجو
وتين: مليححح وهلبااا
ساجدة: دوم يقلبي بس شن مخلي جوك مليح هكي.. بتتزوجي أنتِ وأدهم يعني😂😂
وتين: اييييييييي
ساجدة: شن اي نبصر.... احاااااا شن اي قولي
وتين: تتفرج علي ضوافرها.... اليوم أدهم قالي نبي نتزوجككك 🥹💃🏻💃🏻
ساجدة: كذابه 😳
وتين: وربييييي كان تشوفي كيف قالهالي قلبي ناض يرقصصص
ساجدة: ووووععهع واخيررررااا الجبللل تحرككك
وتين: ايي.. بس
ساجدة: بس شنو
وتين: رفضته 🫢
ساجدة: هههههههههه قولي انك تبصري وتين قولي.. نعرفك مستحيل ترفضي تي تموتي فيه كيف بترفضي نعرفك تبصري
وتين: وربي لا منبصرش... رفضته... نبي نذوقه من نفس الكأس اللي ذقت منه السنين هادي كلها بس في الاخير بنوافق طبعااا
ساجدة: ايي رسميي عذبيه خليه يبوس ايديك عشان توافقي
وتين: ساجدة اني توا الدار معبيه فراشاتتتت فرحاننهههه
ساجدة: حتني فرحتلك يقلبي ربي يحفظكم لبعض 🥹
وتين: ويحفظك سجودة 🥺🤍.
ساجدة: هي تصبحي على خير يسمحه نتلاقو
وتين: قدامك كل خير حبيبتي ❤
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
