كنت ومازلتِ حبيبتي ❤.

الحلقة 5 ♥.

في المستشفى:
ساجده: أسمعي غدوا عندي بيان واحده صاحبتي نبيك تجي معاي شن رأيك بالمره ترفهي عن نفسك شويه 🥹✨
وتين: به توا نشوف ماما
ساجده: تمام امالا كلميني باش نخطم عليك غدوا مش لازم تمشي بسيارتك خوي بيوصلنا 😊
وتين: تمام
: وتين دكتور أدهم يبيك
وتين: دكتور أدهم من هادا جديد
: ايي
ناضت وتين ومشت ل مكتب دكتور أدهم
طق طق طق
دكتور أدهم: تفضل
خشت وتين وشبحتله بصدمه 😳
وتين: أدهم شن ادير هني
أدهم: أنتِ شن رأيك 😒
وتين: أحم... قعدت تفكرر... اشيي هادا خيره أستغفر الله من الصبح وهو قالب وجهه عليا يارب منبيش نعصب
أدهم: في مريض بعته علي قسم الاشعه بعد ما يكمل ديريله التحاليل هادي... حطلها ملف علي الطاوله
وتين: تمام
طلعت واتنهدت بضيق

________

كان قاعد ويفكر في أدهم.. شن رجعه بعد هالسنين كلها
معقوله بياخد كل شي هكي... تعبت وخدمت مع خوي وفي الاخير يكتب كل شي بأسم صغاره... وأني صغاري وين حقهم
فتحيه: شن تفكر
عادل: نفكر في خوي اللي خدي حقي وحق صغاري
وعطاهم ل صغاره اللي معش شافهم من 25 سنه واني تعبت وشقيت وفالاخيرر هكي يدير
فتحيه: أنتَ عارف أن جميله مستحيل ترجع
عادل: تعصب... لكن صغارها لاا بيرجعو وتوا تشوفيي
فتحيه: اهدا بس... جميله مش سيئة باش تاكل حقك أنتَ و صغارك
عادل: لو جميله عرفت اللي درناه توا تشوفي السوء اللي فيها كيف بيطلع 😰
فتحيه: اسكت معش تفتحه الموضوع انساه.... مش حتعرف من بيقوللها
عادل: اخخ راسي... مفيش حلل غير أن أدهم وأخته يجو هني ويعيشو معانا باش نعرفو نسيطرو عليهم
فتحيه: به كيف بتقنعهم يجو 🤨
عادل: هادا الشي خليه عليا 😈
فتحيه: ياويلي وخلاص 🥲
عادل: وين سفيان معش نشبحه في الحوش الولد هادا ديما وهو برا ميمشيش معاي راه
فتحيه: خلي الولد شن بتحبسه يعني 😒
عادل: به به توا نلهي بيه 👍🏻👍🏻

______

قاعد وسرحان... يفكر في اللي جاي وشن بيدير وكيف بيخلي امه تتراجع عن قرار زواجه من البنت المجهوله... قطع تفكيره صوت التلفون يتصل
أدهم: أيوا
أيمن: أدهم نورسين جت ليبيا اليوم
أدهم: شنيي... كييف وأمتااا 😳
أيمن: وين نعلم اني اتصلت بيا وقالتلي انها في ليبيا وتبيني نمشي ناخدها من المطار هي وخوها وعلى اساس بديرهالك مفاجأة 🤷🏻‍♂️
أدهم: مش وقتها هادي توواا عليك حصله
أيمن: بنمشيلها توا ونحطها في الفندق ونخطم عليك
أدهم: تم نستني فييك 🤦🏻‍♂️
سكر وقعد يشبح قدامه... شن جابها هادي توا.. كيف بنقول لـ أمي... يارب يارب

_____

هدي: هبة وينك يا هبة
طلعت من دارها ومشتلها
هبة: هاا شنو
هدي: ولعتي عـ العشي
هبة: لالا
هدي: وااك ياهبة نحسابك بتولعي عليه لاني تأخرت
هبة: شدخلي انا مقلتيليش 😒🙂
هدي: لازم نقولك يعني... اصلا مفيش فايده من الدوه معاك 🤦🏻‍♀️
هبة: به به
طق طق طق
هدي: أفتحي الباب هيي
فتحت الباب
هبة: اهلين خالد شن جوو
خالد: مليح... نبي هدي شويه
هبة: به تفضل ما توقفش عالباب... خش وسكرت الباب... هدي يا هدي
هدي: هاا جيت... أنتَ شن دير هني
هبة: ضربتها... تحشمي ولد خالتنا هادا
هدي: تفضل شن تبي
خالد: نبي نحكي معاك في موضوع بروحنا
هبة: ضحكت... تلز فيا بطريقه غير مباشره 😂😂.. به به بنخليكم هي
خشت هبة وسكرت الباب
خالد: قاعده مصره علي قرارك
هدي: غدوا بياني... مفيش لعب الموضوع هاادا... زواج راه
خالد: هدي أني نحبك... فوتيه جو اني بنتزوج وبنخليك والكلام اهو نعرف أنك تحبيني
هدي: والله أمتا قلت نحبك امتا قولي هي نسمع فيك... ولا مره قلتهالك... عمري ما حبيتك ولا رح نحبك... نبيك تفهم أن أني مش ليك وأنتَ مش لياا... معش تفتحه معاي الموضوع اهو لان أنتَ متحبنيش أنتَ تبي تتحكم فيا لاني اول بنت تتجاهلك ومتحبكش و متعجبهاش شخصيتك الواو 😒🥲.. هيي نوض امشي ومعش تجيني الا لو كان الموضوع مهم وربي يبعتلك بنت الحلال اللي تحبك وتحبها بجد 🤍👍🏻
خالد: باهي يا هدي لكن تأكدي أن أنتِ اللي أخترتي تلعبي بالنار 🔥
هدي: تمام وأني نحب نلعب بالنار هي وريني عرض كتافك
ناض طلع وهو متعصب ونظرة عيونه تحرق الأخضر واليابس 😡
هدي: ووه مش عارفه كيف طلع الكلام اهو من فمي لكن كويس أني قلته يارب باعده عليا يارب منبيش مشاكل من البدايه
هبة: طلعت من الدار وقعدت جنب هدي... ووووه مبرده دراه
هدي: والله المعامله هادي ومبرده امالا كان تحبيه شن بديري
هبة: أحتراماً لـ خاالتي لا أكتر كان هادا ندفل عليه لو نقدر😂😂😂
هدي: باهي يا منافقه نوضي نولعوا عالعشي قبل ما يجي بوك 😂😂
هبة: بندير السلاطه بس مدخليش
هدي: باهي أمشيي قدامي