وليد: اي شن الموضوع المهم
فتحي: اني وبوك لينا فترة نجمعو معلومات عن واحد يتاجر في المخدرات والاسلحة
وليد: اي وشن علاقته بي هدى و أختها!
فتحي: احني توا شادين ملفات تسجنه عمره كله حاول هلبا ياخدهم لكن مقدرش...
وسام: يعني توا هو خاطف هبة وهدى عشان ياخد الملفات منكم
فتحي: بالضبط
وسام: باهي شن تستنا اعطيه شن يبي
فتحي: كيف بنعطيه يا وسام الملفات هادي لو خسرناها عمرنا ما رح نلقوها مره تانيه
وسام: تعصب وناض يعيط... مشش مهممم توااا المفروض تفكررر في بناتتكك الززحح
وليد: اهدى وسام مش هكي
فتحي: هو كلمني وقالي قدامنا 24 ساعه ويبعتلنا العنوان الي بنعطوه فيها الوراقي... رح ندير نسخ للملفات بدون ما يلاحظ علي الابتوب
وليد: تمام حاول تسرع روحك
وسام: ناض متعفلق وطلع من الحوش
وليد: طلع وراه... تي خيرك يا وسام مش كل شي بالعصبيه اهدى
وسام: عصبيههه شنوو تحكي عليهااااا مرتييي منعرفشش وينهااا قلبي نحس فيه بيوقففف وتقولي نهدا
وليد: حتني مرتي منعرفش وينها لكن مدرتش زيك العصبيه مش رح تحل كل شي وترجعلك مرتك
وسام: خبط عالسيارة وعيونه نارر... قسما بالله لو لمسو شعره منها لما ندفنهم وهما عايشين 🔥
أسلام: يشبح لي وليد بنظرات مطمنش... وسام مش رح يهدا لين تكون مرته بين يده
وليد: تنهد... عارف خلينا نصبرو شويه تانيه لين ينسخ الملفات مش رح يطول
أسلام: أن شاء الله خير
_________________________
وصلت سيارة مهند في نفس الوقت الي وصلت فيه سيارة سفيان
رسيل: نزلت من السيارة تمسح في دموعها
مهند: نزل الشنطه وعطاهالها... رح نخليك فترة لكن نوعدك أن كل شي رح يتصلح
رسيل: ياريت تكون قد كلامك...
سفيان: رسيل
رسيل: تلفتت شافت سفيان وجنبه موده ومعاها شنطتها
سفيان: سلم علي مهند... تفضل ليش واقف
مهند: لالا بنمشي عندي موضوع بنخلي المدام هني فترة
سفيان: أكيد حوشها هادا
مهند: هي مع السلامة... وركب سيارته ومشي
سفيان: تلفت لي موده ورسيل... اني مش رح نسألكم شن صاير معاكم لكن ياريت الموضوع ميكونش كبير
موده: تشبح لي رسيل وساكته
رسيل: موضوع شني جايه بنقعد معاكم يومين نسليكم تقولي موضوع عيب عليك والله يا سفيان بدل ما تقول اهلا وسهلا والحوش حوشكم لا تلز فينا خزي
سفيان: هييهه خلاصص اسكتي شن هادا كله خشي والنبي مصدع مش ناقصني
رسيل: شبحت لي موده.... اني مستحيل نكمل لانه وصفني بعدم التهذيب وهاذا تصرف غير لائق الغي رحلتشي... وقامت شنطتها وخشت
سفيان: يشبح ل موده مصدوم.... من كلمها هادي
موده: تضحك... تبصر معاك يا عريس😂
سفيان: تي خليتو فيها عريس انتم متهنيتش
موده: غمزتله... الايام قدامك هلبا يوحش
سفيان: اقلبي وجهك ياخامره 😂
موده: خشت وهي تضحك
فتحية: علاش يعني شن سبب
رسيل: اشي خيركم اللطف جايه بنقعد معاكم فترة استاحشتكم لو متبونيش عادي نولي مفيش مشكله
موده: خشت وهي تجر في شنطتها وراها
رسيل: هي استلمي بنتك
فتحية: تلفتت... حتى أنتِ موده
موده: حضنت امها... استاحشتك قلت نجي نقعد معاك فترة
فتحية: بعدت عنها وتشبحلهم بشك.... امممم به بندير روحي مصدقه
موده: صدقيني مافي شي
رسيل: يحسابونا اطلقنا ومنبوش نقولو😂
موده: شبحت لي رسيل وعيونها يلمعو... لالا شن اطلقنا
رسيل: هي عمتي جعانه نبي ناكل استاحشت أكلك
فتحية: من عيوني الزوز.... ومشت
رسيل: شدت موده وطلعت معاها لي غرفتهم وقعمزو عالسرير.... اي احكيلي علاش جاية متكدبيش عليا وتقولي بتقعدي فتره وكلام فاضي لاني كدابه زيك
موده: دموعها نزلو... حاولت يا رسيل حاولت نخليه يحبني... طلعت نقلل من كرامتي واني نتلصق عليه عشان يحبني والله تعبت 😭💔
رسيل: حضنتها... يروحي لا متبكيش ان شاءلله يجيه الغدروف العصبي
موده: ضحكت وسط دموعها.... متغيرتيش😂
رسيل: بعدت عنها.... حبيتيه!
موده: هلبا يا رسيل كل شي فيه ينحب
رسيل: تنهدت... ربي يريح قلبك يارب
موده: يارب.. اي وأنتِ علاش جايه
رسيل: قعدت تفكر تحكيلها ولا لا... بنحكيلك كل شي لكن نعرف انك قلتي لحد ندبحك موده
موده: مش رح نقول غير احكي خوفتيني
رسيل: حكتلها كل شي والي سمعاته أمس
موده: حاطه يدها علي فمها... حي عالجوو
رسيل: حطت يدها علي خدها... ريتي حظي يوخيتي
موده: بس مهند مدخلاش فالموضوع هو لو تبي الحق جدي الغلطان وبو راجلك منقدروش نلوموه بس برضو غلطط
رسيل: تعبت اني من الجو هاذا نبي نعيش حياة طبيعيه خاليه من ذرة أكشن
موده: الحياة بدون أكشن مش حلوه... المهم توا في الي رح يديره مهند
رسيل: خلينا نشوفو لو يحبني رح يتصرف
موده: اي
رسيل: غير نوضي نغيرو جو ونفتحو اغاني وين موده القديمه الي فعز الهم تقول نديرو جو ونسهرو للصبح
موده: مصح وجهك ولد عمك فالمستشفى وتبي جو
رسيل: نهار احرف ولد عمي منو
موده: يعني أنتِ مسألتيش روحك شن الهديه الي عطاهلنا بو راجلك
رسيل: تبصريييييي هالشباني وربي خاطري نريشه
موده: عمله أنتِ 😂
رسيل: اخخ متهناش يناري عريس
موده: تفكيرك ديما مسخ زيك
رسيل: ما فكرت في شي أنتِ المسخه 😂
موده: خدت حوايجها ومشت للحمام... اي اي هي انتلفي لي دارك
رسيل: خدت شنطتها... ميه ميه بنردهالك راه مدخلنيش
موده: تضحك... 😂😂😂
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
