الحلقة الاخيرة ♥.
موده: جيت عشان تتأمل فيا بدون كلام !
حمزة: لا عشان أستاحشتك
موده: فتحت عيونها بصدمه... استاحشتني اني!
حمزة: اي.... خذى نفس عميق.... موده اني عارف اني كنت بعيد عنك ومداير حدود بيناتنا كنت خايف اي نعترف كنت خايف نحب مره تانيه... اني لما حبيت فاتن كنت منتف ما عندي شي معنديش فلوس تعيشها حياة مستقره عارضت أمي وتزوجتها واهلي مش راضين بيها بس اني كنت نبيها ... فالبدايه وافقت وعاشت معاي تحت كل الظروف ويعلم ربي اني مكنتش منقص عليها حاجه فاتو شهور وهي كانت متقبله كل شي صار معانا بس حالها تغير بعدين خانتني... سكر عيونه بوجع عند الكلمه هادي.... مع صاحبي طلقتها وأني حبي ليها قاعد بس كرامتي ك راجل مسمحتليش أن نكمل معاها ومن وقتها وأني سكرت سريب الحب... ونعترف أن اني فعلا كنت نقارن فيك بيها
موده: سكرت عيونها ودموعها ينزلو وقلبها تفتفت مش تكسر لين فتحت عيونها بصدمه لي كلامه
حمزة: بس في كل مقارنه كنتي أنتِ الرابحه كنت نسأل في روحي علاش حبيتها رغم عيوبها الي تعتبر اكتر من مميزاتها ومحبيتكش أنتِ بس بعدين فهمت... أن أنتِ غيرها متربيه وسط عيله كبيره ومحترمه وانيقه و راقيه وأهم شي أن قلبك أبيض وطيبه... كنت نحساب روحي منحبكش بس.. لقيت روحي مستاحش عيونك الي يسحرو فيا في كل مره نشبحلهم... مستاحش كلامك وصوتك... مستاحش تصرفاتك عنادك... وأكتر شي مستاحشه ضحكتك الي لو قالولي أن اخر شي رح نشوفه قبل ما نموت هي ضحكتك رح نموت مرتاح
موده: بتلقائيه... بعيد الشر
حمزة: نحبك ❤
موده: قلبها طار من الفرح والفراشات يطيرو في بطنها 🤭
حمزة: مسك يدها... موافقه تعيشي معاي تحت اي ظرف
موده: عيونها دمعو من الفرح... ايي
حمزة: وتسمعي كلامي وتتقبلي عصبيتي
موده: اي
حمزة: قرب منها اكتر... موافقه تكوني مرتي حبيبتي وأم صغاري
موده: حضناته... ايي موافقه🤭🔥🔥
حمزة: نحبك مودتي ❤
موده: دفنت روحها في حضنه... نموت فيك ❤
_________________________
أيمن: الي صارله ذبحه صدريه قلبه مقدرش يتحمل الصدمه
وليد: باهي هو توا كويس!
أيمن: اي احسن من قبل لكن لما ينوض منتوقعش شن يصير لو انهار مره تانيه ممكن يصيرله سكته قلبيه ويخش في غيبوبه
وليد: باهي صحيت بارك الله فيك
أيمن: ولا يمهك هاذا شغلي والبقاء لله مره تانيه... ومشي
وليد: طلع من غرفة وسام شاف هدى قاعده بروحها مشالها
هدى: تشبح قدامها وساكته
وليد: هدى
هدى: شبحتله بعيون معبيه دموع... وليد ه هبة مشت
وليد: جبدها لي حضنه... مشت لي مكان أحسن صدقيني
هدى: حتى هي خلتني.... كانت مصبرتني علي كل شي كيف هكي مره وحده تختفي من حياتنا...
وليد: شد وجهها بيديه الاتنين... أنتِ اقوى من هكي واني جنبك
هدى: تشبحله بنظرات تلوم فيه وكأنها تقوله أنتِ شاك فيا واني نخون فيك
وليد: فهم نظراتها جبدها لي حضنه مره تانيه... اني جنبك وحنقعد عمري كله جنبك لين ربي ياخذ امانته
هدى: اكتفت بأنها تلف يدها حولين خصره وتدفن راسها في حضنه
فتحي: خش يجري و وراه شخص كلنا نعرفوه... هدى
هدى: قامت راسها وشبحتله ناضت تجري حضناته
فتحي: يمسح علي راسها... أنتِ بخير! وين أختك هبة وين
هدى: تبكي في حضنه... هبة مشت وخلتني 😭💔
فتحي: شبح لي وليد بصدمه و وليد نزل راسه... كيف
هدى: شهقاتها تعلا... هبة ماتت يا بابا مشت وخلتني 💔
فتحي: رجليه معش قاموه طاح عالارض بصدمه... هبة😳
خالد: قرب منها شده من يده... اهدى
هدى: تشبح لي بوها... بابا أنتَ بخير
فتحي: ب بنتي جيبولي هبة
وليد: عمي اهدى شويه
فتحي: ه هبة... قال كلمته وأغمى عليه
هدى: باباااا بابا نوضضض
خالد: مشي يجري ينادي الدكتور
هدى: تعيط... متخلينيش حتى أنتَ بالله عليك😭😭💔
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
