خالد: ياسمين
ياسمين: نعم!
خالد: غدوا بنرفعك ل أمي
ياسمين: انصدمت... ع علاش
خالد: مسك ايديها.... بنتزوجك رسمي نبي الناس كلها تعرف حنديرلك عرس كبير
ياسمين: عيونها دمعو... حقااا قول أنك متبصرش 😭
خالد: لا منبصرش اني فقت علي روحي ولازم نصلح غلطي
ياسمين: ونور؟ 🥺
خالد: نور بتتزوج ربي يهنيها
ياسمين: خالد والنبي متكدبش عليا بالله عليك😭😭💔
خالد: حضنها... منكدبش صدقيني والايام حتثبتلك
ياسمين: قعدت تبكي في حضنه مش مصدقه انها خلاص حلمها بيتحقق
خالد: مسحلها دموعها... خلاص معش تبكي خيركك مفروض تفرحي
ياسمين: فرحانه وهلبااا 🥹
خالد: باهي اني طالع عندي مشوار تو نروح نبات هني وغدوا نمشو بكري حوش امي
ياسمين: تمام دير بالك علي روحك♥
خالد: حاضر
______________
منى: أسمعي سوقي بالشويه منبيش نموت
وتين: 😂😂😂😂
منى: خيرك تضحكي
وتين: يا خوافه😂😂😂
منى: شن خوافه قريب خشيت الحبس بسببك معش عندي فيك ثقه
وتين: وربي أنتِ هبله
منى: ايي طالعتلك😂
وتين: حي شرطه
منى: وين مادرت شي تحبسونيش
وتين: 😂😂😂😂😂😂 أسكتي يا فضيحه توا يحسابونا مدايرين حاجه
الشرطي: رخصتك وبطاقتك لو سمحتي
وتين: حاضر هي..... تفضل
الشرطي: أنتِ
الشرطي2:عماد تعالى هني توا ياخد مكانك طلال
الشرطي: هي... تفضلي خليك واقفه لين يجيك الضابط
وتين: حاضر
طلال: عطيني بطاقتك... هادي أنتِ
وتين: حي عالحظ... اهلين ☺️
طلال: يشبح ل منى... كيف حالكم
وتين: الحمدلله
طلال: رخصتك محتاجة تجديد قبل ما تم صلاحيتها حاولي الفترة هادي
وتين: اهااا تمام صحيت
طلال: عطاها الرخصه والبطاقه.... تفضلي
وتين: شكرا
وطلعت بسرعههه
منى: مبرده
وتين: خيرك وخيتي شندارلك
منى: شي
وتين: هبله😂😂
منى: 😒😒😒
__________
طبعا الاحداث ممله بنقدم فيهاااا عشان تستمتعوو
بعد مرور شهرين🔥✨:
طبعا طول الشهرين هادم وتين تعامل أدهم بجفاف وبرود وهو مستغرب خيرها علاش هكي... ويحاول معاها بش توافق بس هي ترفض وهو زاد حبها اكتر واكتر..
منى كملت الجلسات وبدت أحسن من قبل وتمشي للجامعه وامورها طيبه.... بدت تهدرز هي وطلال يعني اربعه وعشرين ساعه يتكلمو يا شات يا اتصال... كبرت المشاعر في قلبها وبدت تحس بالنقص لو متكلمتش معاه يوم كامل.... تحسنت علاقتها مع بنات عمها و بدت طبعا تنزل بروحها العفويه اضحكهم وتركب ترقى هي وطلال
هبة و وسام وااخخخخ منهم هادم قعدو في تركيا اسبوعين ورجعو معيشها كأنها ملكه بجد تعامله معاها وحبه ليها يهبللل وهي عاد ما صدقت ديما تدلع عليه وتعصب فيه
حياتهم حلوه و امورهم ماشيه لوزز وعلاقتهم تهبللل زعما شن مخبيتلهم الايام
اما وليد و هدى علاقتهم اتطورت
هدى بعمايلها و جوها السمح خلت وليد يحبها وبدي ديما يروح بكري عشان يقضي وقت اكتر معاها ولما تناشب فيه ويعيط عليها وتزعل بعدين يراضيها ونسى هاجر ومعش مشالها زعما الشي هادا ممكن يدير مشاكل ممكن منعرفوش 🌚
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
