وسام: نحبك
هبة: نموت فيك.... هي نبدلو ونصلو
وسام: هي يا عمريي
خشت هبة وبعد جهد جهيد نحت الفيلو كانت متحشمه تنادي ل وسام
ادوشت بلوشن ريحته تهبلل و طلعت لبست الاسدال وطلعتله
صلو وكملو صلاه خشت هبة لبست قفطان نوم قصير لونه أبيض
كان ماشي مع جسمها وشكله حلو
ولبست فوقه جاكيت حريري طويل وطلعت
هبة: أحم نتعشو
وسام: يشبحلها ويبتسم... خليه العشي توا عندنا موضوع بنتكلمو فيه عالسرير
هبة: تحشمت... بس أني جعانه
وسام: قرب منها وحط أيده علي خصرها... بعدين بعدين
هبة: بس....
قاطعها ب بوسه قويه.. بعد عنها عشان تتنفس وخداها ل السرير
ودارو العيب 🙂❤
وهبة تهنت مع راجلها من أول يوم... والمشاعر اللي بينهم حب وبس
كان كل واحد فيهم شايل ل التاني
حب كبير في قلبه♥
_______
طبعا وليد مخداش هدي ل فندق مشو للحوش طول
خشت هدي وهي متوتره ومش عارفه كيف تتصرف وشن بيصير توا
لان علاقتهم كانت عباره عن جفاف و برود
نحت الفيلو ومسحت المكياج وأدوشت بلوشن بريحت الورد 🌹
وطلعت لبست الاسدال... بس لما طلعت ملقتهوش في الدار
طلعت دورت عليه في الحوش كله بس مهناش
خشت دارها.. وقعدت تبكي
هدي: وين مشي... كيف يطلع اصلا في ليله دخوله
اخخ ياربي... شن صاير كيف يجرحني بالطريقه هادي كان ميبينيش قال باهي..
مش حنجبره علي شي💔💔
قعدت تبكي طول الليل ونامت علي طرف السرير وهي لابسه الاسدال
______
الليله هادي كانت مختلفه علي هدي
كان تفكيرها كله في وليد اللي طلع بدون ما يقوللها ولا معبرها اصلا 💔
فكرت وفكرت لين طلعت عليها الشمس وهي تفكر
راسها وجعها من البكي
رقدت وهي ما تعلم بي شي.. رقدت وخاطرها مكسوره
وكانت نادمه لانها اتزوجت وليد... وخلت خالد اللي كان شاريها زي ما كانت مفكره 💔
بس الليله مرت علي هبة وهي هايمه في العسل مع وسام
مش مصدقه أنه ولت مرته ولا هو مصدق أنه ولت حلاله ♥
الليله هادي كانت ظالمه مع هدي هلبااا 💔💔
_________
تاني يوم الصبح:
في الحوش الكبير اللي الفرح ميخشلاش اللي في الأعراس
ناض أدهم أدوش وصلى الصبح وطلع يفطر مع العيله
مستغربين شن جاب أدهم الحوش هادا ولا
تعالو نحكيلكم ✨
الشهرين اللي فاتو قضتهم فتحيه وهي ماشيه جايه ل جميله تقنع فيها يمشو يسكنو في الحوش ل الكبير باش صغارها يتعرفو علي صغار عمامهم وعماتهم بس جميله كانت مسكره راسها متبيش
بس فتحيه وعادل حاولو وحاولو لين وافقت بس بشرط أن اختها وبنتها ترفعهم معاها
طبعا عادل وافق بس فتحيه رفضت
لين عادل قاللها ان اول ما يسحبو الرزق من أدهم
بيلزهم كلهم... ومشت عمتكم جميله وخشت الحوش وركبت الدار اللي لقتها زي ما خلتها 💔
وأدهم و صغار عمامه أنسجمو هلبااا و ولو صحاب هلباا 🔥🔥
لكن شيماء أختارت العزله في دارها
و وتين عاد نازله هي ومنى ناقر ونقير لان
وتين ركزت علي منى كيف تشبح ل أدهم ف ديما
تمشي تقعد مع أدهم ومش مخليتلها فرصه
YOU ARE READING
كنت ومازلتِ حبيبتي ❤.
Fiksi Umumرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
