كنت ومازلتِ حبيبتي ❤.

الحلقة 13♥.

: صدقيني مش حنخليك تتهني وحناخد كل شي ليا خديتيه مني
هدى: وقفت مصدومه معرفتش شن ادير غير انها ترد.. منوو!
: قريبا جدا حتعرفي منو وحتندمي يا بنت فتحي
هدى: قلبها بدي يدق بقوة توترت وخافت من هادا وشن يبي منها وزعما تقول ل وليد ولا تفوت الموضوع.. جت بترد الرقم دارلها حظر وانمسح.. قعدت تفكر شن ادير... خليه توا الموضوع هادا اكيد ريحانة تعرف بشي.

___________

أدهم: قاعد في مكتبه سرحان ويفكر في وتين ورفضها ليه
أيمن: أدهم أدهم تي ويين مشيت
أدهم: هاا لا شي سرحت بس
أيمن: أكيد في ست الحسن والجمال وتين تي غر كيف ترفضك بس وهي تحبك
أدهم: مشعارف اني.. ش شنو شن قلت
أيمن: توتر وحس انهه فضح كل شي بسبب غبائه وأن ساجدة حتقتله لو عرفت... شن قلت ما قلت شي
أدهم: شن قصدك ب كيف ترفضني وهي تحبني
أيمن: من قال هكي
أدهم: أنتَ
أيمن: اني!
أدهم: اي أنتَ... أيمن شن مخبي عليا
أيمن: حتقتلني يا أدهم
أدهم: خيرك أنتَ من حيقتلك
أيمن: هي
أدهم: منهيا
أيمن: زوجتي وقرة عيني
أدهم: متعصبنيش أيمن تكلم شنفي
أيمن: أسمع تبي تعرف كل شي أسأل وتين اني مدخلنيش كانت زلت لسان ويارب لساني ينقص لان أني لو قلت شي مش حنعيش ل غدوا صدقني ولو أنتَ تحبني وتخاف عليا فوتني
أدهم: شن هادا انخرس مفهمتش منك حاجه بكلل... نوض اطلع اقلب وجهك نوض
أيمن: خير ما درت سلام... وطلع
أدهم: يضحك... مهبول 🤦🏻‍♂️

__________

قاعد في المعرض وسارح مشعارف شن اللي يستنى فيه من الزواج اللي بيصير هادا يبي يقنع امه بأي طريقه انه ميبيش يتزوج مره تانيه بس خايف يخسرها... اتنهد بضيق
أنس: وين سارح
حمزة: مش سارح نفكر بس
أنس: ربي يستر... المهم شني مني معرفتش من اللي سرق السيارات
حمزة: مسح علي وجهه.. لا بس حنعرف ومش حنرحمه
أنس: عندي ولد عمي يخدم في الشرطة وهكي توا نخليه يدور معانا
حمزة: وعلاش مقلتش من البداية
أنس: أنتَ مسألتنيش🙂
حمزة: شن بنسألك
أنس: اذا كنت نعرف حد فالشرطه وهكي
حمزة: يا متخلف واني وين نندري
أنس: واني شندخلني
حمزة: أستغفر الله ياربي صبرني عليه... المهم مش حتباركلي
أنس: علاش ربحت اليناصيب واني منعرفش
حمزة: لا بنتزوج
أنس: تبصررر
حمزة: علاش بنبصر
أنس: تي مش قلت مش حنتزوج بعدها
حمزة: مش عشان سواد عيونها مش حنتزوج بعدها بس هي كرهتني في الزواج وسيرته
أنس: امالا علاش بتتزوج
حمزة: أمي هكي تبي نقدرش نرفض
أنس: قسما بالله خيرية هادي تهبلل تي معاها حق قصدك أنتَ بتقعد هكي زي النتايه المطلقه.. تي عيش حياتك تزوج وحب
حمزة: نتزوج اي لكن نحب لا
أنس: اي اي أن شاء الله ربي يعينها
حمزة: يشبح في وراقي... منو
أنس: اللي بتتزوجك
حمزة: حدف عليه شيشة الميه... اقلب وجهك أنس
أنس: ناض يجري... سلام يحب 😂

____________

هبة: وتت سفرة تهبل فيها كل شي ودارت شموع وجو حلو وقعدت تراجي في وسام
ادكرت أن هدى عزمتها
هبة: ضربت راسها.. شن الغباء هادا نسيتت... خليني نتصل ونتأسف أحسن
اتصلت وجاها الرد
هدى: الو هبوش
هبة: شنجو
هدى: مليح وأنتِ
هبة: باهي ماشيه... اتصلت بيك بش نقولك ان مش حنقدر نجيك وسام عنده خدمة ميقدرش يرفعني
هدى: اهااا تمام حبيبتي اصلا كنت بنكلمك لان وليد مريض بنقولك نأجلوها
هبة: لا بأس أن شاء الله خيره
هدى: لا يوريك بأس يارب جاته برده قويه بس
هبة: اهاا ربي يشفيه هي نخليك سلام
هدى: سلامات
سكرت التلفون علي خشت وسام
وسام: السلام عليكم
هبة: وعليكم السلام حبيبي
وسام: باس راسها... اشي احني حركات وشموع شن في.. وغمزلها
هبة: ابتسمت... اي مش تعرف بس اني شاطره فالرومنسيه... عندي ليك خبر
وسام: أنتِ حتقوليلي علي الرومنسيه 😂😂... الخبر حلو ولا شين
هبة: ضرباته علي صدره... حلوو طبعا
وسام: مسكها من خصرها... قولي
هبة: مش هني خلينا ناكلو قبل
وسام: نحس فيه كمين
هبة: ضحكت... كمين شنو اللطف😂
وسام: مشعارف متوتر منك ومن مفاجعاتك
هبة: مفاجعة شنو يا بارد
وسام: نبصر يعمري هي نبي ناكل جعانن
هبة: هي
قعمزو تغدوا وناضو ساعدو بعض في المطبخ ودارو شاهي وقعمزو ف البلكونه
وسام: اهو كلينا وهضمنا بالشاهي شنفي
هبة: حطت الطاسة.. خليك شوي ونجي
خشت بسرعه ل دارهم وخدت باكو متغلف بطريقه حلوة وطلعتله
هبة: قعمزت... شدد
وسام: شن هادا فيها قنبله ولا
هبة: خود يا ظريف افتح وشوف 😂
وسام: خدى الباكو وفتحه وانصدم من اللي فيه
هبة: تشبحله ومستنية ردت فعله
وسام:

________________

هدى: تفضل
وليد: صحيتي تسلم ايديك
هدى: تسلم.... مش قعدت فالدار خير
وليد: مش ضروري هني مرتاح
هدى: باهي كويس
وليد: يشبحلها وسرحان
هدى: توترت... أحمم خيرك
وليد: شي بس عيونك حلوين
هدى: تحشمت وخدودها قلبو حمر.. عيونك أحلى 🤭
وليد: حط الطاسة وقرب منها لين معش في مسافه بينهم.... حقااا
هدى: خشت بعضها... ش شنو
وليد: عيوني حلوين ولا تجاملي فيا
هدى: لالا وربي حلوين
وليد: امممم وشن تاني... قرب منها هلبااا
هدى: حست أن روحها بتطلع... ش شن ش
وليد: معطاهاش فرصة تكمل وباسها بقوة... وحط ايده علي خصرها وقربها لحضنه 🔥
هدى: قريب داخت معرفتش شن ادير لقت روحها لا اراديا تبادله فالبوسه وحاوطت راسه بأيديها
وليد: ناض وهو قاعد يبوس فيها ورفعها ل الدار
وهادا كله وهدى عقلها غاب وقلبها استولي القيادة
دارو العيب🔥🤭 وهدى تهنت وكان الحب باين ف عيونهم الزوز بس مفيش حد بادر وقال ل التاني بس اكيد حيجي اليوم اللي يقولو فيه لبعض كلشي عن مشاعرهم❤❤.

_______________

وتين: كانت قاعده فالجنان تتفرج فالتلفون
أدهم: خش وقعمز قدامها... شنجو
وتين: تشبح فالتلفون... مليح وأنتَ
أدهم: يشبحلها... باهي
قعدو ساكتين هي تشبح فالتلفون وهو يشبحلها بدت ادير في لقطات وتبتسم وهو قريب يتفجر يبي يعرف ف مين تكلم
أدهم: في من تكلمي
وتين: شندخلك
أدهم: شبحلها شوية وتنهد... وتين ممكن نفهم علاش رافضتيني
وتين: سكرت التلفون.... اني اللي نبي نفهم علاش غيرت رأيك وتبيني توا مش قبل كنت كارهني ومتبينيش
أدهم: قتلك أني قبل مكنتش عارف شن نبي لكن اني حبيتك يا وتين ونبيك
وتين: كويس
أدهم: شن كويس
وتين: شن تبيني نقول مثلا
أدهم: نبي نتزوجك وتين اي او لا
وتين: ساكته وتشبحله
أدهم: اي او لا... لان هادي اخر مره حنطلب منك وحننسى الموضوع
وتين: حست انها حتخسره بعد ما جاها وقاللها نبيك توترت
أدهم: هاا قولي اي او لا
وتين: خليني نفكر
أدهم: ليك شهرين تفكري
وتين: حتى كان خديت سنين شن فيها هادا زواج راه مش لعب
أدهم: تمام عندك ل يوم الخميس وتعطيني الموافقه
ناض... تصبحي علي خير
وتين: تمام قدامك كل خير
خش أدهم وقعدت بروحها وبدت تفكر بصوت عالي
وتين: خيرك وليتي قاسية هكي مش هادا هو نفسه اللي ليك سنين تحبي فيه ولما جاك وقالك نبيك تقولي لا.. مش حننكر اني كنت نبيه يحس بأحساسي... بس خلاص لازم نوافق والا حنخسره.. معقوله اصلا محسش بحبي ليه من عيوني... في كل مره كان يجينيي فيها عشان نقنع امه بحاجه كنت مستعدة لكل شي بس صدمني لما قالي نبي نتزوج اجنبيه نعترف اني فرحت لما خالتي رفضت بس مهم اني حاولت... اخخخ يا أدهم اخخخ نبيك تعرف بكل شي درته لخاطرك أنتَ بس عشان تعرف ان اني أكتر واحده تحبك فالعالم هادا كله.... قعدت تشبح قدامها وسارحه
ومكانتش تعرف انه واقف وراها وسمع كل كلمه هي قالتها

___________يتبعع.....