وليد: واقف علي جنب و ريحانه واقفه جنبه
ريحانه: كيف حامل كيففف مش علي أساس خلاص معش مشيتلها كيف حامل
وليد: مشعارف مصدقتش لين قالتلي الدكتوره
ريحانه: حامل فأما شهر
وليد: يشبح ل غرفة هدى.. مسألتش
ريحانه: اهاا تمام... مشت قعدت جنب أمها وهي تفكر وتتحلف ل هاجر داخلها
___________
رسيل: حاطه ايدها علي فمها.... مستحيل... كيف هكي... أحلام أعقل من أنها تنتحر عشان سبب تافه زي هادا... ياربي شن بندير اني توا ساعدني
منى: طقت الباب وخشت... شديري هني بروحك
رسيل: انخلعت وحطت الورقه وراء ضهرها... شي قاعده أنتِ علاش جاية
منى: طلال منبكري يتصل جيت بنرد عليه
رسيل: اها كويس ردي
منى: ردت علي طلال وقعدت تهدرز معاه وحكتله شنصار
رسيل: قاعده تفكر... لأمتا مصيرنا حيكون بين العيله الظالمه هادي... كم شخص بيموت بسببهم.... كم شخص حيقتلو... كم شخص بينتحر.... اخخ ياربي علاش هكي يصير فينا بس... علاش ناس ملهمش ذنب يموتو هكي💔💔 علاش حسبي الله ونعم الوكيل
كانت رسيل أعقل واحده فالبيت هادا كانت تفكر بعقلها ومتخليش العواطف تتحكم فيها... كانت كويسه هلبا وطيبه هلبا.... كانت تتمنى أن تطلع من البيت هادا بفارغ الصبر مكانتش تبي تموت و لا كانت تبي حد يموت تعبت من كل شي قاعد يصير...
منى: هادا اللي صار معش كلمونا وربي قريب نموت خايفه
طلال: غر اهدي البنت عايشه ولا ميته
منى: نعرفش بس حالتها متبشرش بالخير 💔... بدت تبكي... هلبا ناس ماتو فـ عيلتنا خايفه نموت حتني علاش هكي يصير
طلال: معش تقولي الكلام هادا كل شي حيكون بخير أني جنبك مستحيل نخلي شي يمسك أو يأذيك حتى لو كانو عيلتك
منى: أن شاء الله... خليني نسكر ونشوف البنات نكلمك بعدين
طلال: تمام ديري بالك علي روحك
منى: حاضر... وسكرت... شبحت ل رسيل... خلينا ننزلو ونشوفو شنصار كلموهم ولا لا
رسيل: خبت الورقه كويس في جيبها ونزلت
_________________________
فالمستشفى:
حبيبه: قاعده علي نار وتبكي مشقادره توقف بكي
الدكتور: طلع و وجهه ميبشرش بالخير أبدا... أنتو أهل المريضه
عبدالله: ءءاي اي أني بوها
الدكتور: أني أسف خسرنا المريضه البقاء لله 💔
حبيبه: مقدرتش تستحمل الخبر أغمى عليها
عبدالله: قعد عالكرسي وايديه علي راسه
أيهم: يشبح القدام وساكت حتى دموعه يبوش ينزلو
أدهم: لا حول ولا قوة الأ بالله... شبح ل سفيان.. كيف ماتت شن صار
سفيان: يحكي بصوت واطي.. علمي علمك سمعنا صوت عياط طلعنا لقيناهم يعيطو وهي طايحه عالارض وكلها دم
أدهم: هااا في حاجه فالموضوع
أنس: كان ماشي مع حمزة بيروح شافهم مشالهم يجري... شنفي خيركم هني
نرمين: ناضت مخلوعه... ولدي خيرك فالمستشفى صايرتلك حاجه
أنس: لالا يما أني اموري باهيه خيركم أنتم
نرمين: تبكي... أحلام ماتت 💔
أنس: كك كيف كيف ماتت شن تقولي
نرمين: لقيناها غارقه فدمها قدام الحوش
أنس: واقف مصدوم ويشبحلهم
حمزة: لا حول ولا قوة الأ بالله عظم الله أجركم
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
