خشت الحوش وهي تنادي بصوت عالي وشاده شنطه كبيره
مهرة: يا أهل المنزل أنا جيتت
مرام: حييي مهررةةة
مهرة: بالحضن يا فواز يا اخويا
مرام: أستاحشتك يكلبةة
مهرة: عارفه متقدروش من غيري مشهوره ولا ولا
مرام: بالله عليك سكري فمك محد يعرفك غيرنا 😂
مهرة: ايي وين خالتي ياا فاطمهههعععععع
مرام: شن الصوت هاذا طرشتيني
فاطمة: جت علي صوتها... اهلا اهلا مهورة عندنا
مهرة: حضنتها... والله مفيش غيرك مقدرني يعصام
فاطمة: ضربتها علي راسها... قاعده شيطانه
مهرة: يرضيكي أختك تطردني يرضيكي
فاطمة: ضحكت... اي يرضيني😂
مهرة: قعمزت... اخخخ يا الركب... اهوا جيتك وبنقعد علي قلبكم
فاطمة: تنوري حبيبتي خليني انوض نديرلك حاجه تاكليها
مهرة: نبي لحمهعع معش كليته ليا سبع شهور
فاطمه: 😂😂 الله يهديك يا بنت أختي
مهرة: اي وين خوك المضحكه
مرام: حي كان سمعك بينفخك
مهرة: ميهمنيش ما ساد كراشي تزوج الخاين اهئ اهئ
مرام: اخخخ قاعده هبله
مهرة: اي وين ضرتي احم قصدي مرت مهند
مرام: 😂😂😂 عمله أنتِ
________________________
بكر: ما درت شي يا أسلام
أسلام: كيف ماتت البنت باهي كيف هي قولي والورقه الي لقيناها
بكر: ورقة شنووو
مهند: خشش وقف جنب أسلام... ورقه مكتوب فيها انها كانت حامل منك وأنتَ قتلتها عشان متفضحكش
بكر: شن ادير أنتَ هنايا
مهند: والنبي سكر فمك احمد ربك أني جيتك بعد الي درته
بكر: توا شن الحل نبي نطلع اني
مهند: مضطر نساعدك عشان مرتي بس... وين لقيتو الورقه أسلام
أسلام: ملوحه جنبها علاش
مهند: كيف كيف يعني الورقه ملوحه جنبها وحابسين الولد
أسلام: شن قصدك....؟؟؟
مهند: يعني لو بكر هو الي قتلها اكيد كان حياخد الورقه ومش حيخليها جنب الجثه مش غبي هو
أسلام: رسمي اي مدام مش بكر قتلها منو أمالا في شي غريب قاعد يصير
مهند: فاللحظة هادي أدكر كلام سالم وأن بوه هو السبب في الموتات التلاته بس علاش يقتل بنت مليهاش ذنب ومش من عيلتهم اصلا
أسلام: لازم نتأكدو باسرع وقت أن مش أنتَ القاتل قبل ما تنعرض عالمحكمه
مهند: شن بينحكم عليه؟؟
أسلام: أعدام
بكر: والله ما قتلتها قسما بالله
مهند: ناض وهو متعصب وطلع من مركز الشرطه 🔥🔥
أسلام: بكر أتحمل شويه معش تعيط وبلاش العار الي ادير فيه
بكر: شاد راسه بأيديه الاتنين... منبيش نقعد هني الزفت
أسلام: أصبر الزفت أصبر
____________________
محمد: تي باهي توا نرفعها الحوش خطوتين اصلا تم هي قولي شن يصير سلام.... يما وينك مرامم يفرخه مريم تي وينكم
مهرة: مقعمزه تتفرج عالتلفزيون... وطي صوتك نبي نتفرج
محمد: من جابك أنتِ هنايا ناقصني همم اني
مهرة: ترقص في حواجبها... بنقعد عندكم فترة يا سمح 🥰
محمد: ربي يهدي
مرام: محمد جيت
مهرة: لا مازال شن تشوفي فيه يعني اخخ مفيش حد بعقله غيري
محمد: ضمي فمك خير ما نعجنك طريحة... وين أمي أنتِ التانيه ما اليوم هو اليوم العالمي للمصايب
فاطمة: محمد وين بوك نتصل بيه ميردش
محمد: نعلمش بيه توا وتي روحك بنرفعك ل مرت مهند
فاطمة: بسم الله أن شاء الله خير شنفي
محمد: بعدين يما مش وقته كلام
مهرة: محمد محمد بستت
محمد: تلفتلها... هاااا يا همي الاحرف
مهرة: شبحتله بنظرة بريئة... ترفعني معاك نتعرف علي ضرتي قصدي مرت مهند والنبي
محمد: اقلبي وجهك نرفعش في فروخ
مهرة: والنبييييي... شبحتله نظرة أدوب🥺
محمد: نوضي مرام هي حتى أنتِ تقعديش بروحك
مهرة: خبطته علي ضهره... قسما بالله برنس لكن شلال.. ومشت تجري
محمد: طيحتلي قلبي بنت الكلب 😂
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
