رسيل: خيرك شاد فأيدي تقول بنهرب
مهند: مدخلكش
رسيل: خلاص عاد😂😂.. انخلعت... شنوو هادااا
مهند: انزلي لوطهه رسيللل
رسيل: شنفييي
مهند: نزل راسها لوطه وطلع المسدس من القجر... خليك هكيي ترفعيش راسكك... كانت السيارة الي تضرب عليهم جنب سيارتهم طلع يده وقعد يضرب حتى هو لين ضرب قومة السيارة وقفت وهو زود السرعه
رسيل: م منو هاذمم وشن ييبوو
مهند: منعرفش
رسيل: كانت خايفه وتبكي
مهند: وقف السيارة وجبدها لحضنه... خلاص متخافيش اني معاك
رسيل: تبكي فحضنه ومش قادره تتكلم
مهند: قعد يفكر زعما بوه الي بعتهم ولا حد تاني بس هو معنداش اعداء يعني اكيد بوه.... خلاص توا متبكيش اشبحي مفي حد
رسيل: كانو حيقتلونا 😭💔
مهند: مفيش حد يقدر يمس شعره منك واني موجود خلي الكلام هاادا في راسك
رسيل: تمسح في دموعها... ءءاء ء به تمام
مهند: خلاص معش تبكي توا نجيبلك حلوه
رسيل: ضحكت.. 😂😂 مبردكك
مهند: ايوا كدههه خليك ديما اضحكي
رسيل: اي صح امس تعرفت علي بنت خالتك شخصيه مش طبيعي ضحكتني وامي جنبي تبكي
مهند: يسوق... مهرة!!
رسيل: اي
مهند: البنت هادي كارثه عشان جبتلها شكارة بطاطا من يومها وهي تقولي احني بنتزوجو مفهمتش حسيت روحي درت حاجه كبيرة
رسيل: 😂😂 اي حب من أول بطاطا
مهند: 😂😂😂 اي حكيتي معاها شن قتلك اكيد جابت سيرتي
رسيل: قتلي بنخش ناكل من رزق كراشي قريب شديتها من شعرها ريشتها غير شدتني مرام بس😂
مهند: الغيرة يكبدي الغيرة... هي هكي معانا كلنا الا مع محمد ميحبوش بعض كان قعدو مع بعض في مكان يقتلو بعض 😂
رسيل: اكيد يحبو بعض
مهند: شبحلها ورفع حاجبه... قتلك ميحبوش بعض
رسيل: لالا في دارسه تأكد أن الي يديرو هكي ياما في عداوه بينهم يأما حب لان انت مثلا لما تحب حد تبدا تناشب فيه وتتبارد عليه وانت من داخلك ميت فيه فهمت
مهند: يضحك... 😂😂 نسيت أن مرتي دكتورة نفسيه
رسيل: ايي امالا شنو 😂😂😂... غير دقيقه من وين تعرف أن اني دكتوره نفسيه مندكرش أن قتلك
مهند: توتر وخش بعضه... بوك اي بوك قالي احم
رسيل: اهاا.. اي المهم اكيد يا أما هي تحبه يا هو يحبها يا أما الزوز يحبو بعض
مهند: تي بنزين ونار هما كان حطيتيهم جنب بعض يتفجرو
رسيل: 😂😂😂😂😂
مهند: يدوم هالضحكه الي مخليه قلبي ميت فيها 🥹
رسيل: تحشمت وشبحت للروشن
مهند: سلمها المتحشمه😂😂
_________________________
مر أسبوع علي أبطالنا:-
كانت واقفه قدام المرايه مكياجها بسيط
شعرها نازل ويفي علي ضهرها
والفستان يجلط عليها كيف طالعه تهبل فيه ❤
ترعش ومتوتره وخايفه
هلبا احاسيس داخلها بس الفرحه كانت اكبر قريب اطير
شيماء: بسم الله ما شاء الله طالعه تهبلي الله يبارك
وتين: حق يعني شكلي حلو نحس فروحي حايسه
شيماء: وربي تجنني اهدي أنتِ بس
وتين: ااه تمام وين منى
شيماء: نندريش هي اطلعي ادهم شوي تانيه وبيخش
وتين: طلعت وهي متوتره
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
