مهند: خش الحوش وهو يدندن
فاروق: واخيرا ادكرت ان عندك حوش
مهند: تجاهل كلامه😒... أمي وين
مريم: حيي مهندد.. مشت تجري تحضن فيه
مهند: حبيبة خوها كيف حالها
مريم: الحمدلله... امم جبتلي شكلاته
مهند: اممم نسيت الحق
مريم: دارت روحها زعلانه
مهند: طلع من جيبه شكلاته وعطاهالها.... اني منقدرش علي زعلك
مريم: خدت منه الشكلاته وباساته علي خده
مهند: وين أمي
مريم: ماما فالمطبخ
مهند: تمام قعمزي كولي الشكلاته... خش عند امه فالمطبخ باس راسها... كيف حالك يا غالية
فاطمه: تلفتت... واخيرا جيتت
مهند: اهوا قاعدلك معش بنطلع
فاطمه: لو نعرف شن الي شاغل بالك بس
مهند: أبتسم.... بنت
فاطمه: فرحت... بتتزوج
مهند: اي ونبيك تمشي تشوفيها
فاطمه: من عيوني بنفرح فيك.. امتا نمشي نشوفها
مهند: امشيلهم بعد غدوا
فاطمه: تمام... شن أسمها سعيدة الحظ
مهند: عيونه لمعو... رسيل
فاطمه: عيونك يلمعو معناها تحبها😉
مهند: توتر... بنركب نرقد اني تبي حاجه
فاطمه: ضحكت... لالا اركب ارتاح 😂... بعد ما طلع تنهدت.... ربي يحفظك يارب
_________________________
جميلة: شنفي شيماء منبكري تشبحيلي وساكته... شن هو الموضوع المهم
شيماء: كانت متردده لكن تشجعت وبدت تحكي...
هداكا اليوم سمعت عمي عادل يتكلم مع مرته.. كان يتكلمو عالورث ومش عارفه شنو اللي فهمته أن بابا قبل ما يموت كاتب كل شي بأسمي أني وأدهم...
مشي عمي عادل اضايق من خخوه لأن حرمه من الورث وحرم صغاره...
دارو خطه أن يجيبونا هني لين ما نوثقو فيهم وياخدو كل شي ويلوحونا فالشارع مره تانيه
.... تنهدت
جميله: اي
شيماء: شن اي 🙂
جميله: كل هادا نعرفه من أول يوم جت فتحيه عشان تقنعني نرجعو واني عارفه انهم ميبوناش احني
... والصراحه الفتره اللي فاتت كنت ناويه أن نرجعو
حوشنا لكن فتحيه جتني
وحكتلي كل شي وتأسفت
شيماء: واني الفتره اللي فاتت هادي كلها نبي نحكيلك وخايفه
جميله: تضحك... علاش تخافي مفي شي يخوف
شيماء: مشعارفه 😂
جميله: نوضي سلم بنتي قعمزي مع البنات ومعش تفكري فالموضوع تمام
شيماء: حاضر
_________________________
فالليل فحوش وسام:
وليد: وهادا الي صار
وسام: يشبحله.. أنتَ غبي
وليد: رفع حاجبه... كيف
وسام: مش أنتَ قلت معش مسيتها ليك سنه كيف تحمل اكيد تكدب عليك يعني
أدهم: يشرب فالشاهي... حتني هكي نقول
وليد: بس الدكتوره قالت حامل
أيمن: عادي ساهله وبسيطه.. هاك يا دكتوره الفلوس وقولي اني حامل
وسام: ضربه علي ضهره... رد بالك نعرفش ان ينضحك عليك بسهوله
وليد: يمسح في وجهه بأيديه.... اووف
أدهم: شوف اني نعطيك الحل
وليد: شنو
أدهم: توا غدوا تمشي وتين ل مرتك وتقعد معاها وطبعا هديكا حتكون موجوده وساهل وتين توا تعرف حامل ولا لا
أيمن: اي رسمي حتى هادا حل
ادهم:نحس فروحي غريب واني قاعد معاكم وأنتو متزوجين
أيمن: 😂😂.. عادي تصير متزعليش يحلوه
أدهم: أسكت أيمن تحرقلي فدمي
أيمن: نعيش ونحرقلك دمك... نقوللكم نكته
أدهم: متعرفش تقول نكت اسكت
وسام: قول قول
أيمن: أحم أحم... قالك مره ليمونه واقفه عند الجامع علاش 😂
وسام: علاش
أيمن: تستنى فالعصر 😂😂😂
وسام: طق ف يد أيمن... 🤣🤣🤣🤣
ادهم و وليد يشبحو لبعض🙂
أيمن: وحده تانيه... قالك في نكتة متخبيه وراء الباب علاش
وسام: علاش 😂
أيمن: خايفه تطلع يضحكو عليها😂😂
وسامم: قويهه هاذيي 😂😂😂😂
أدهم: ناض وقف... متفهكم الزفت
وليد: مشكله النكت منفهمش فيهم😂
أدهم: ربي يهديهم 😂
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
